3 Yahiya 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

^6-7 Sila ina, bbuwatan da ngalataan lahat masaplag pasal si Isa. Boꞌ bay gi sila nuntut ni baanan sukuꞌ si Isa luntuu pasal aseꞌ nu ninsila ka meꞌ nu bay nulung sila ni bay palanan da. Darahan nu na meꞌ naa sabap inaa pataꞌ meꞌ buwat siga sosohoan Tuhan. Sila ina yaꞌ kuhi nambut oy-oy tulung man siga jama ma saꞌ sukuꞌ si Isa.

3 Yahiya 1:6 ပူးပေါင်းရင်းမြစ်များ

Panagnaan 4:7

Bong siꞌ ilay ko bay katuwaꞌ, malaingkan kasulutan jaꞌ sina ku ningkau. Sugaꞌ bong ina ko yaꞌ kuhi paintong, pahap-hap ko taggahaꞌ inoyo-oyohan na pin ko meꞌ dangkiꞌ nu buwat dusa. Dusa ina meꞌ sapantun sattuwa ngagad-ngagad nabbat kau. Sangkon subay talloban nu.”

Salsila siga Rasul 15:29

Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”

Salsila siga Rasul 15:3

Na pag lakka da, lay na sila tinuhiyan meꞌ siga sukuꞌ si Isa pa behe lān. Lān da pilay pa Jerusalem, lay gi sila pingkaꞌ man jawom Pinisiya ka Samariya. Ndooy siꞌ, lay gi sila maghāsan nuntutan siga sukuꞌ si Isa pasal siga jama saꞌ Yahudi, meka na pitsayaꞌ ni Papuꞌ Isa. Dari tud bay gāk sikamimon pag takale da habal looy.

Salsila siga Rasul 21:5

Dari paddus jaꞌ siꞌ pituꞌ ngallaw looy, lay na kami sakap sabap patuwak na adjung looy. Pag lumān kami pōꞌ man daira looy, lay gi kami tinuhiyan pa tapiyan meꞌ mimon sukuꞌ si Isa ndooy sampay na ga anak-nda da. Takka ndooy, lay gi kami nangge ka tuut kami maku duwaa.

Suwat si Pol pa mman Baanan Sukuꞌ si Isa ndooy ni Rom 15:24

Balangkali ni lān ku mintu pilay pa lahat Kastilaꞌ, kapahās doꞌ ku duhuꞌ ni lahat bi. Kamura-murahan sikagāk-kagāk du kitabi pag takka ku pilu, boꞌ ku tatabangan bi ni palanan ku.

Pilipi 4:14

Kamasaꞌ, mahap du baw lay gi ku tatulung bi sasang ku bay njawom tiksaꞌ.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

1 Tesaloneka 2:12

Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.

Taytus 3:13

Na pag mintu patuwak na ga si Apolos ka si Abugaw Senas man naa, palangkapan nu sa sila mari yaꞌ luu kulang ninsila.

3 Yahiya 1:12

Disu danganakan ma arat na mahap inakig, yana si Demetiri. Mimon danganakan ta nanglitan iya batan kawul-piil na magbēꞌ jaꞌ ka kabanahan. Kami pun ntuu kabāꞌ du mawjud iya jama mahap. Boꞌ bong itu kami māꞌ, katoonan nu na du, yaꞌ kami ngandustaꞌ.