3 Yahiya 1:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.

3 Yahiya 1:11 ပူးပေါင်းရင်းမြစ်များ

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 3:20

Manusiyaꞌ ina, sagannap ma buwat maat, ndang sinukang meꞌ da dantaꞌ. Yaꞌ sila doman pa jawom dantaꞌ taggahaꞌ tumampak kalaatan da.

1 Korin 11:1

Kainagon ku, yana meꞌ ku ngakig Almasi, akigun bi jaꞌ ku.

1 Korin 4:16

Sangkon, junjung ku na ningkaam, akigun bi jaꞌ kadarihan ku.

Epesus 5:1

Na pagka kitabi anak Tuhan kinaasean meꞌ na, sapatut na akig tabi na arat-tabiat na.

Pilipi 3:17

Siga danganakan, akigun bi jaꞌ kawul-piil ku. Maka bong kam ngita jama ma sibuꞌ arat-tabiat da ka ningkami, akigun bi du.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

1 Tesaloneka 2:14

Siga danganakan, sibuꞌ na du sina kadari bi ka siga baanan pagkahi bi sukuꞌ si Isa ndooy ni Yahudiya. Batan lay na du kam bay nilaugan leꞌ bangsa bi meꞌ bay karuha sila du bay nilaugan leꞌ pagkahi da bangsa Yahudi.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

Hibrani 6:12

Ngkon ina kam paintoman ku supaya kam yaꞌ jamu makutuꞌ kahandak Tuhan. Akigun bi jaꞌ sagannap ma yaꞌ jamu mangando pa Tuhan sampay natasan jinisan kasusahan kalnaꞌ iya. Jama meꞌ sila ina, takoleꞌ da siga supaat bay janjiꞌ Tuhan ni sukuꞌ na.

1 Pitel 3:11

Subay timanan na mimon kalaatan supaya isu-isu kaayaran pabuwat na. Maka subay pagbuli-bulihan na miha kasalassayan ka jama.

1 Pitel 3:13

Na bong ina kam tigiꞌ buwat mahap, jalangan sina jama makaat kaam.

1 Yahiya 2:29

Almasi ina, ndang katoonan tabi du, wā intong. Sangkon tatantu tabi soysoy buwat kaintongan, malaingkan anak Tuhan du ya.

1 Yahiya 3:10

Na meꞌ tabi ngila bong soy siga anak Tuhan maka soy siga anak Ibilis meꞌ tuu: Soysoy yaꞌ buwat kaintongan maka yaꞌ maasean siga pagkahi na manusiyaꞌ, saꞌ ya anak Tuhan.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.