2 Yahiya 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sangkon iyakin kam mari yaꞌ senseng mimon bay hulas-sangsāꞌ kami noan kaam maka supaya takoleꞌ bi du mimon supaat ma bay hinalliꞌ meꞌ Tuhan ningkaam.

2 Yahiya 1:8 ပူးပေါင်းရင်းမြစ်များ

Matiyu 24:4

Tampung si Isa, “Iyakin kam mari kam yaꞌ takoleꞌ binoo magsiꞌ.

Malkus 13:23

Ngkon ku itu ndang maan kaam na mimon pakaradjaan looy ma magkadarihan ni sinōng mari taiyakin bi.

Malkus 13:9

“Na kuwan kaam ina, iyakin kam batan luu sina mintu masa bi sinungkuban sampay binoo gi sina kam pa mman baanan kapakihan nohoꞌ hinukum. Boꞌ llagpiꞌ gi kam ni pag-awpan siga jamaa ni siga langga da. Kasohean ina kam binoo gi pa awpan siga gubnul ka ga sultan nohoꞌ hinukum ninsila sabap meꞌ bi mmeꞌ niyaku. Sugaꞌ sabap meꞌ looy, luu na dapat bi masaplag umanat mahap ninsila.

Lukas 19:19

“Yuk sultan looy, ‘Mahap sina. Kuwan kau, buwanan ta na ko kapatut marintahan daira lima.’

Lukas 21:8

Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

Yahiya 4:36

Dari batnaa tu, taabut na waktu siga tukang ngattom koleꞌ hasil da. Hasil da ina, yana sagannap ma taboo da koleꞌ kasampulnaan nyawa saumu-umu. Dari labba man ilooy ma bay tanom sampay ilooy ma ngattom, gāk na sila saliꞌ-saliꞌ.

1 Korin 15:8

Dambuli banahan, bay tammuhan na, yana aku na situ. Boꞌ na, meꞌ ku bay dari rasul na, tud bay ag-agan maka talkadjut. Aku itu meꞌ sapantun anak-anak bay pinamaddihan yaꞌ gi sukup buwan na.

1 Korin 3:14

Na sagannap ma kanaalla buwat, mastiꞌ yaꞌ sina mintu tutung pabuwatan da. Dari binuwanan sila tungbas ayad.

1 Korin 3:8

Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

Galatiya 3:4

Marean ta bistahan bi mimon kabinsanaan ma bay tatasan bi sabapan pangando bi ni Almasi yaꞌ na luu pūs na. Saꞌ silay meꞌ looy.

Galatiya 4:11

Ituu kahanggawan ku, taggahaꞌ lai jaꞌ lopas mimon bay sangsāꞌ ku noan kaam.

Pilipi 3:16

Sugaꞌ paku ku na ningkaam, basta bogbogan bi na jaꞌ mimon ma ndang katoonan bi numan ni kahandak Tuhan.

Hibrani 10:32

Intomun bi doꞌ bay kahalan bi sibuwa bi bay mmeꞌ ni si Isa, jaman pamiki bi bohoꞌ bay pinadantaan. Saꞌ ba, biddaꞌ na ehe kabinsanaan bay tatasan bi?

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 12:15

Sipaintom-paintom na pin kam mari kam yaꞌ luu nikutan Tuhan sampay masensengan aseꞌ na. Paayad-ayad kam taggahaꞌ nganggamut na baw duga njawom atay bi. Batan bong ina luu ni baanan bi meꞌ naa, malaingkan kalingog sina ningkaam maka song hallom meka na kam kalakkotan ni arat na.

Siga Pakaradjaan bay Pinalahil 3:11

“Indanan bi. Basta tapit na sina katakka ku. Sangkon kuwangkutan bi na pin kabanahan ma ndang luu na ntanan bi mari yaꞌ luu kataban karuna bi. Hati na, mari yaꞌ lungay tungbas ayad ma bay hinalliꞌ meꞌ Tuhan ningkaam.