2 Yahiya 1:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Batan bong ina sila bay hinasi meꞌ bi, malaingkan binilang du kam bay tabeꞌ ni kalaatan da.

2 Yahiya 1:11 ပူးပေါင်းရင်းမြစ်များ

Epesus 5:11

Daa kam mmeꞌ-mmeꞌ meꞌ uwahan jama njawom kalindoman buwat jinisan ma yaꞌ pataꞌ pinabuwat. Arapun pakitahan bi sila kaintongan kawul-piil bi mari tumatandaꞌ kalaatan da.

1 Timuti 5:22

Na ni hāl meꞌ nu meneꞌ jama binuwat pa-mmean nnaa, daa ko os-os. Subay doꞌ duhuꞌ bay pingkaꞌ liling nu paayad arat-tabiat da boꞌ nu nappak bumbunan da nguwakilan sila. Paayad-ayad ko meneꞌ taggahaꞌ luu gi kalaatan da ma yaꞌ tasayu. Batan bong ina masi luu, boꞌ mintu lay na bungka, taggahaꞌ talapay na baw ko. Sarī man naa, bogbogan nu na pin kasutsian nu.

Hibrani 5:13

Jama ina ma masi kulang pangahati da ni palman Tuhan pasal kaintongan, sibuꞌ du karuha da ka anak-anak dikiꞌ subay na pin pinaduruꞌ.

Suwat Lakka man si Jūd 1:23

Kuwan sagannap ma bay magsiꞌ, paintoman bi sila. Bong ina mintu tud bay du sila takoleꞌ mmeꞌ ni bitsala bi, sibuꞌ du sina sila ka bay dagmit bi man jawom api mari salamat. Bong luu pagkahi bi amu-amu buwat dusa, daa du kam jamu makitahan sila aseꞌ. Sugaꞌ iyakin kam taggahaꞌ lay na baw kam mintu kalakkotan meꞌ dusa da. Dusa da ina meꞌ karuha tamak mehe ni badjuꞌ poteꞌ.

Siga Pakaradjaan bay Pinalahil 18:4

Pus meꞌ looy, kale na baw ku suwara pōꞌ man sulgaꞌ, yuk na, “Kaam, siga sukuꞌ ku, palawak na kam man Babilon supaya kam yaꞌ kalakkotan meꞌ dusa na maka supaya kam yaꞌ talapay ni siga balaꞌ ma song takka pa jataꞌ na.