2 Yahiya 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu itu aku, yana si Yahiya, disu pa-mmean ni sukuꞌ si Isa. Itu suwat ku pa mman danda looy ma bay pineneꞌ meꞌ Tuhan sampay pa mman siga anak na. Maaseꞌ ku banahan ningkaam. Sarī man aku, sampay mimon ntuu ma toon kabanahan, maaseꞌ du ningkaam.

2 Yahiya 1:1 ပူးပေါင်းရင်းမြစ်များ

Yahiya 8:32

maka katoonan bi na kabanahan. Boꞌ kabanahan ina, inaa na maddusan kaam mari kam yaꞌ na pinahata meꞌ oy maka oy na.”

Salsila siga Rasul 11:30

Luu jaꞌ siꞌ kumpo tulung da, lay na sohoꞌ da tinuhiyan ni ga si Balnabas ka si Sol pa mman ga pa-mmean sukuꞌ si Isa ndooy ni Jerusalem.

Suwat si Pol pa mman Baanan Sukuꞌ si Isa ndooy ni Rom 16:13

Salam duwaa du ni si Rupus ma bay pineneꞌ meꞌ Papuꞌ sampay pa mman nneꞌ na ma iningat meꞌ ku nneꞌ ku na du.

Galatiya 2:14

Dari pag ndaꞌ ku bbuwatan da yaꞌ sikatuwaꞌ ka kabanahan ni umanat mahap, ilooy ma yuk ku ni si Pitel ni pag-awpan sikamimon, “Kau tu, hallang-hallangan tuu, yaꞌ na ko bay mogbogan saraꞌ agama bangsa ta Yahudi. Pag batnaa, sarī na la tikmas nu. Sat nu saꞌ māꞌ, subay na pin siga jama ma saꞌ Yahudi mean saraꞌ agama ta boꞌ da tahasi nu danganakan.”

Galatiya 2:5

Sangkon yaꞌ kami bay kuhi mmeꞌ ninsila samasakali taggahaꞌ kasakotan na baw umanat mahap ma kinapitsayaan meꞌ bi ka tōꞌ palsu.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 5:7

Kaam la maruhuꞌ, tud bay mahap meꞌ bi mmeꞌ ni kabanahan. Sugaꞌ pag batnaa, soy na baw ina bay moo-moo kaam magsiꞌ?

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

Hibrani 10:26

Na bong ina lay na kitabi pitsayaꞌ ni kabanahan pasal si Isa, pag-anu boꞌ tabi nahadjaꞌ na baw amu-amu buwat dusa, yaꞌ na sina luu tasongan pa Tuhan man muwasan dusa tabi.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

1 Pitel 5:13

Sarī man naa, luu situ ntuu ni Babilon siga pagkahi tabi ma pitsayaꞌ du ni Papuꞌ Isa lay nohoꞌ masampay salam duwaa da ningkaam. Meꞌ kaam du situ sila bay pineneꞌ meꞌ Tuhan. Si Malkus pun, ma binilang na meꞌ ku anak ku, lay du bay nohoꞌ masampay salam duwaa na ningkaam.

1 Yahiya 2:21

Dari aku tu nuwat ningkaam, saꞌ ga sabap meꞌ ku mista awam kam ni kabanahan pasal Almasi. Tabista ku du katoonan bi kabanahan. Maka katoonan bi du tiyap-tiyap dustaꞌ, yaꞌ luu kabigiꞌ-bigian na ni kabanahan.

1 Yahiya 3:18

Sangkon siga anak, daa kita maaseꞌ ni bitsala jaꞌ atawa ni kuwit tōng sadjaꞌ. Arapun subay du takita aseꞌ ta ni tangge-tingkōꞌ ta batan inaa aseꞌ sabanna.

2 Yahiya 1:13

Dambuli man inaa, siga anak danganakan nu ma bay du pineneꞌ meꞌ Tuhan nohoꞌ masampay salam duwaa da ningkau. Wassalam

2 Yahiya 1:5

Na kuwan kau Nang, paku ku ningkau subay kitabi sikaaseꞌ-kaaseꞌ. Inaa ina saꞌ panohoan bahau, batan ndang bay na takale tabi man maruhuꞌ lagi, jaman tabi bohoꞌ bay mmeꞌ ni si Isa.

3 Yahiya 1:1

Ituu itu aku, yana si Yahiya, disu pa-mmean sukuꞌ si Isa. Itu suwat ku pa mman nu Gayus. Kau ina bagay ku ma kaasean ku banahan.