Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timuti 4:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

8 Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

အခန်းကိုကြည့်ပါ။ ကော်ပီ




2 Timuti 4:8
39 ပူးပေါင်းရင်းမြစ်များ  

Satā-tā bihing langit, tā lagi ko man naa. Mastiꞌ yaꞌ ko mapatoy jama intong pinatabeꞌ ni jama jahallis, saꞌ ba? Meꞌ kau hukum intong ni labbasakayi taꞌ babaw junyaꞌ, mastiꞌ tuwaꞌ jaꞌ mimon hukuman nu.”


“Katakka ku ina mintu, yaꞌ kinatoonan meꞌ manusiyaꞌ bong llaw oy atawa lisag dangoy. San ga malaikat ndooy ni sulgaꞌ sampay aku, Anak Tuhan, yaꞌ du toon. Ilooy du toon yana Mmaꞌ ku.


Pag ina mintu taabut llaw hukuman Tuhan, meka na sina mintu pasōng pa mman ku sambayan da halling, ‘Papuꞌ, saꞌ ba, lay na kami masampay siga umanat man Tuhan ni awon nu? Maka saꞌ ba, ni kawasa awon nu, lay na kami mapōꞌ siga seytan man jawom baran jama sampay mōꞌ siga pabuwatan kahaylan-haylan? Sangkon sapatut na, tawop du kami tabeꞌ njawom pamarinta Tuhan.’


Maka yuk si Isa lagi, “Baan ta kam banahan, bong luu jama daira meꞌ looy yaꞌ ngahasi kaam, pag ina mintu taabut llaw hukuman Tuhan, bohat gi sina mulkaꞌ njataꞌ da man ni siga jama daira Sodom mattoꞌ.”


Sabana na, sagannap ma amu-amu tohas kōk da yaꞌ kuhi nawbat, sibuꞌ du sina sila ka sigi-sigi ngumpohan dī da pidjalaꞌ. Pinidjalaꞌ du sina mintu sila pag taabut llaw man huwis looy ma intong, yana Tuhan, ngalabuꞌ hukuman na.


Kitabi pun itu, meꞌ sapantun ngandahing na du, batan landuꞌ na meꞌ tabi magdautan llaw man baran tabi pinabahauwan. Bana na, lay na kitabi pinaasokan Rū Tuhan, yana sabahagiꞌ ni mimon supaat ma bay duhuꞌ pinamuwan meꞌ Tuhan ningkitabi. Sugaꞌ masi du kitabi magdautan llaw man Tuhan malahil kajatuhan mimon supaat ma ndang bay hinallian siga anak na.


Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”


Sugaꞌ kinatoonan du sina ni llaw hukuman bong mamooy tukang buwat lumaꞌ bay kanaalla ni pabuwatan bay hinalap ninsila. Batan pabuwatan da ina mintu ibaratan kalangkapan lumaꞌ, mastiꞌ sinuwayan jaꞌ sina ka api bong natas ka niyaꞌ.


Jama lalumbaan ina, sabuli-buli na nganad baran na. Inagak meꞌ na napsu na bong pin takoleꞌ na jaꞌ haddiya numbul satu. Sugaꞌ haddiya ma tuyuan na samantalaꞌ du sina. Boꞌ ilooy ma pinagtuyuan meꞌ tabi natas saumu-umu.


Batnaa tu, dari ko ngawon, ngandahing na kitabi ni kaehe kainagon tabi koleꞌ lumaꞌ looy. Awnan ku ilay siꞌ yana baran bahau man sulgaꞌ.


Batan doman ku ngabut kaallum ma tumanjataꞌ man oy-oy ma katiksaꞌ ni nyawa ku, yana kaallum ma yaꞌ luu salla na pa Tuhan.


Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.


Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.


Boꞌ kaam baw ina, siga danganakan ku, yaꞌ na kam awam meꞌ saparati jama bagagap njawom lindom. Sangkon yaꞌ du sina mintu kam kakuratan ni katakka llaw looy meꞌ hantang jama takurat meꞌ sugaru.


Dari pag taabut mintu waktu bay ginantaꞌ, pōꞌ na du sina pa-mmean looy. Sugaꞌ yaꞌ du sina mintu ya humallom batan ampud du sina ya meꞌ huwa napas Papuꞌ Isa pag beleng na.


Bong ina tud bean da du palbiatan tuu, sibuꞌ du sina sila ka bay ngannaan dī da altaꞌ para ni ahirat ma yaꞌ na kuhi lungay saumu. Maka takissa da na kaallum sabanna.


Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.


Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.


Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.


Maka ngaddoꞌ ko suntuan njataꞌ jama maglumbaꞌ sonse. Bong ina ya yaꞌ mmeꞌ ni siga aturan lumbaan, malaingkan yaꞌ luu haddiya takoleꞌ na.


Na pag bbeleng Papuꞌ Isa ina mintu pa junyaꞌ magsultan, ngahukum na ya manusiyaꞌ sikamimon, llum-matoy. Sangkon, itu na ni pag-awpan Tuhan ka si Isa Almasi, sohoꞌ ta na ko


Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.


Bana na, samantalaꞌ tabi inadjal, mastiꞌ yaꞌ jaꞌ mahap parasahan tabi sabap bisa. Sugaꞌ pag toklas na, hayang jaꞌ pamiki tabi sampay intong na kawul-piil tabi.


Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.


Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.


koleꞌ kitabi mimon ma ndang luu na bay hinalliꞌ meꞌ Tuhan ni sulgaꞌ para ni siga sukuꞌ na. Boꞌ ilooy na silay tabilang pusaka ma yaꞌ luu masa na, yaꞌ luu salla na, sampay yaꞌ kuhi baluba.


Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.


Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.


Pus meꞌ looy siꞌ, takita ku na langit bukaꞌ maka luu ndooy kuraꞌ poteꞌ. Ilooy siꞌ ma bakuraꞌ njataꞌ na inawnan Kanaalla ka Bonto. Intong jaꞌ hukuman na, maka bila ya monoꞌ banta na, mastiꞌ intong jaꞌ du sabapan na.


Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.


Na mimon pakaradjaan looy ilay siꞌ ma bay pinalahil niyaku, Papuꞌ Isa mismu māꞌ mastiꞌ bana sadjaꞌ. Sampay bay gi ya halling, “Yaꞌ na hallom, pilu na du ku.” Pag tampung ku, “Ohoꞌ Papuꞌ Isa. Pitu na ko deꞌ-dēꞌ!”


kuwan ga matatoa looy baw siꞌ sikaduwampuꞌ-mpat, bbuwatan da sujud sampay numba ilooy ma taꞌ paningkoan looy marinta, yana ilooy ma llum saumu-umu. Maka bbuwatan da ngannaꞌ siga karuna da ni awpan paningkoan looy sambayan da halling,


Maka luu gi ndooy ngaliput paningkoan mehe looy siꞌ duwampuꞌ-mpat paningkoan meꞌ paningkoan sultan du. Maka luu duwampuꞌ-mpat matatoa ningkōꞌ taꞌ ga paningkoan looy. Pamakoy da poteꞌ maka saliꞌ-saliꞌ luu ka karuna mmas taꞌ kōk da.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ