2 Timuti 4:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Kon nu ina sohoꞌ ku na masaplag batnaa batan luu sina mintu masa kaekahan manusiyaꞌ yaꞌ na doman pakale ni tōꞌ sabanna. Ilooy du ina mintu katagihan da pinakale, yana tōꞌ ma magbēꞌ ka kainagon da buwat oy-oy kinanapsuhan meꞌ da. Dari bbuwatan da ina mintu miha siga guru ma mōꞌ bitsala ma lassa ni tinga da.

2 Timuti 4:3 ပူးပေါင်းရင်းမြစ်များ

Lukas 20:19

Na pag tabista meꞌ siga guru saraꞌ agama ka ga imam langkaw sila na siꞌ bay awnan si Isa panungguꞌ ni dalil looy siꞌ, kainagon da nungkuban iya. Sugaꞌ yaꞌ gi bay luu dapat da ngusik iya sabap hanggaw baw sila taggahaꞌ hiluhalaꞌ na baw baanan ga jama ndooy.

Lukas 6:26

“Kaam ma sinanglitan meꞌ sikamimon manusiyaꞌ, siya-siya du sina kam batan yaꞌ kam kuhi nanggehan kabanahan. Sibuꞌ du kam ka siga nabi palsu mattoꞌ ma bay pinagsanglitan meꞌ kabboꞌ-bboan tabi.

Yahiya 8:45

Boꞌ aku tu, pagka kabanahan jaꞌ bitsala ku, yaꞌ kam kuhi pitsayaꞌ niyaku.

Salsila siga Rasul 17:21

Na danan da ilay siꞌ bay nohoꞌ pinahatiyan ni si Pol batan tud tinagi jama Aten sampay ga jama sampi ndooy magbilmaarup tuktuk luu tōꞌ bahau.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

Galatiya 4:16

Pag batnaa, meꞌ bantuk binanta na ku la meꞌ bi sukat ku maan kaam kabanahan.

1 Timuti 1:10

Damikiyan, saraꞌ ina bay pinōꞌ man motang hukuman ni jama ma magjina, maka ni siga bantut sampay ni jama ma dagangan pagkahi da manusiyaꞌ binuwat ata. Damikiyan, saraꞌ ina para ni sagannap ma ngandustaꞌ, ma yaꞌ pabonto naksiꞌ, sampay sagannap ma buwat jinisan kalaatan sarī ma nulang tōꞌ sabanna.

2 Timuti 1:13

Na Timuti, bila ko noan jama, amay-amay daa sihinan nu san dangkitiꞌ tōꞌ sabanna ma bay takoleꞌ nu man ku. Maka meꞌ kau tibuuk na ka si Isa Almasi, subay tattap pangando nu niiya. Maka subay du tattap aseꞌ nu ni siga pagkahi nu manusiyaꞌ.

Suwat Lakka man si Jūd 1:18

Saꞌ ba, ndang lay sila halling ningkaam, luu ni sinōng pōꞌ siga pangaludjum ma nganduwan napsu da sadjaꞌ ni jinisan hāl tagga pa Tuhan?