2 Timuti 4:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

2 Timuti 4:2 ပူးပေါင်းရင်းမြစ်များ

Lukas 7:23

Baan bi ya, njawom supaat soysoy yaꞌ hawal-hawalan niyaku.”

Lukas 7:4

Pag takka ga matatoa looy siꞌ pa mman si Isa, lay na sila maku junjung, yuk da, “Tuwan, luu la kapitan bay nohoꞌ kami pitu. Bong siꞌ kadarihan ningkau, tulungun doꞌ ya. San ilay ya saꞌ bangsa tabi, pataꞌ du ya tinulung batan jama mahap du ya.

Lukas 9:60

Pag tampung si Isa, lay ya ngandalil, yuk na, “Bbiyahun na ba sagannap ma matoy ngubu jama matoy. Boꞌ kau, sukuꞌ nu ngalataan lahat masaplag umanat mahap pasal pamarinta Tuhan.”

Salsila siga Rasul 13:5

Pag dungguꞌ da ni daira Salamis ndooy ni Kiprus, lay sila pilay pa siga kalangga-langgahan pagkahi da bangsa Yahudi masaplag umanat Tuhan ni siga jamaa ndooy. Boꞌ luu gi soheꞌ da si Yahiya Malkus nabangan sila.

Salsila siga Rasul 16:13

Na taabut Llaw Pahali, lay taaka kami luu disu lugar ni bihing sōng man jama kumpo maku duwaa. Dari lay kami pōꞌ man jawom daira luꞌ pilay. Takka ndooy, pag ndaꞌ kami, luu ndooy baanan karandahan. Dari lay du kami ningkōꞌ ndooy moo sila magbitsala.

Salsila siga Rasul 20:7

Pag sangom Ahad, lay na baw kami kumpo-kumpo ka ga sukuꞌ si Isa ndooy ni Troas siharung-harung mangan. Maka luu gi maksud kami mangan tinapay bilang pangintoman ni kapatoy Papuꞌ Isa. Na si Pol siꞌ tu, pagka ya bay maru palakka pag sayu, lay doꞌ ya magnasihat pahallom ngabut sampay tangngaꞌ bahangi.

Salsila siga Rasul 28:16

Na takka jaꞌ siꞌ kami pa Rom, lay baw pinadari si Pol maglumaꞌ di-dī na. Sugaꞌ luu na pin baw disu sundalu nohoꞌ nganjagahan iya.

Suwat si Pol pa mman Baanan Sukuꞌ si Isa ndooy ni Rom 10:15

Maka yaꞌ du sina luu masaplag bong yaꞌ bay sinohoꞌ meꞌ Tuhan. Ni kapasal sila ma bay sinohoꞌ, yuk njawom kitab, “Tud kagak-gāk katakka sagannap ma moo umanat mahap pasal kasalamatan.”

Suwat si Pol pa mman Baanan Sukuꞌ si Isa ndooy ni Rom 12:12

Maka pagka luu holat tabi ayad man Tuhan, subay kitabi gāk. Bila luu kasusahan tabi, tatasan tabi na sadjaꞌ. Maka bila luu paku tabi pa Tuhan, daa kitabi jamu maku.

Galatiya 6:6

Kaam ma tinoan kitab, sapatut na subay kam nulung guru bi sampay ngahampitan sila balanjaꞌ bi.

Kolossa 1:25

Aku tu lay pineneꞌ meꞌ Tuhan binuwat sosohoan na kalnaꞌ kaam kabangsa-bangsahan ma saꞌ Yahudi. Sangkon tuyuan ku ngalataan kalahat-lahatan bi masaplag umanat Tuhan.

Kolossa 4:3

Maka pakuhan bi du kami duwaa. Kamura-murahan binuwanan na pin kami meꞌ Tuhan lawang masaplag garaꞌ na pasal Almasi. Garaꞌ Tuhan ilay yaꞌ gi bay tumampak maruhuꞌ, sugaꞌ ni timpu batnaa pinalahil na. Sangkon ituu na situ man ku lay tajīl.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

1 Tesaloneka 5:14

Maka siga danganakan, tugun kami na ningkaam, sohoun bi na buwat sagannap ma hūk nnaa. Kuwan siga pagkahi bi ma hanggaw, buwansangan bi mari pahallot pangando da ni Papuꞌ. Sagannap ni baanan bi ma yaꞌ gi taggu iman da, tabangan bi na pin. Maka subay tahaꞌ pasensiya bi ni sikamimon.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.

1 Timuti 4:13

Na njawom nu ngagad katakka ku pilu, pakutuun na pin meꞌ nu matsahan baanan sukuꞌ si Isa nnaa kitab. Passaun ninsila hatiyan na man nu maintoman sila ka noan sila.

1 Timuti 5:20

Sugaꞌ bong mintu ya bay kamattanan, subay ya sinaggong ni pag-awpan baanan jamaa nnaa supaya tawu na du ilooy kasohean buwat dusa meꞌ iya.

2 Timuti 2:21

Na mimon manganan looy siꞌ tuwaꞌ pa siga sukuꞌ Tuhan. Sagannap ma lay na ngalabbahan mimon kalaatan, sibuꞌ na sina karuha da ka ga manganan looy ma hinalliꞌ ni siga llaw mulliya. Sutsiꞌ sila maka kaboo kabantugan pa Tuhan. Tawop na sila pinakoy meꞌ na man majatu jinisan pabuwatan ayad.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

Taytus 1:13

Na bitsala looy ilay siꞌ, luu du bana na. Sangkon daa ko paagak maintoman sagannap ma ndiyoan nu supaya sila tattap mmeꞌ ni tōꞌ si Isa ma kinapitsayaan meꞌ ta.

Taytus 2:15

Na Taytus, ituu siꞌ sikamimon ma bay suwat ku ningkau, pasampayun sa ni siga baanan sukuꞌ si Isa nnaa. Buwansangan nu sila mmeꞌ ni tōꞌ tuu. Bong luu pagkahi nu yaꞌ doman mmeꞌ ni tōꞌ tuu, daa pabiyahun. Ndang-ndang luu du kapatut nu naup sila.

Hibrani 13:22

Siga danganakan, junjung ku na ningkaam, daa kam jamu pakale ni bay palbiatan ku njawom suwat tuu siꞌ. Ndang-ndang, yaꞌ du situ tahaꞌ kalanduꞌ.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.