2 Timuti 4:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Kuwan si Tikikus, lay sohoꞌ ku pilu pa Epesus.

2 Timuti 4:12 ပူးပေါင်းရင်းမြစ်များ

Salsila siga Rasul 18:19

Na lān da siꞌ song pa Siriya, lay gi sila pahās ni Epesus. Ndooy siꞌ, lay si Pol pilay pa langga Yahudi magbilmaarup ka sila pasal si Isa. Pag lay jaꞌ takale da bay bitsala si Pol, kainagon da pahallom na pin si Pol ndooy, sugaꞌ yaꞌ na baw ya bay kuhi. Sugaꞌ pus na muhun moleꞌ, yuk na, “Bbeleng sa ku bong nugut du Tuhan.” Pag-anu siꞌ, lay na ya patuwak song pa Siriya. Kuwan ga si Akila, lay na jaꞌ tamban ndooy ni Epesus.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Salsila siga Rasul 20:25

“Siga danganakan, kahapan lay na talataan ku lahat bi masaplagan kaam sikamimon pasal pamarinta Tuhan. Sugaꞌ batnaa, katoonan ku na ituu sa katapusan bi ngita aku.

Salsila siga Rasul 20:4

Iya siꞌ tu lumān, luu du siga soheꞌ na ga si Sopatel yana anak si Pirus man Bereya, maka luu du si Aristalkus ka si Sigundu, yana ga lalla man Tesaloneka, ka si Gayus man Delbe. Maka luu du bay mmeꞌ si Timuti sampay si Tikikus ka si Tropimus ga lalla man Asiya sikaduwa.

Epesus 6:21

Na mari katoonan bi bong oy na pin bbuwatan ku maka mimon kahalan ku ntuu, sohoꞌ ku sa pilu danganakan tabi si Tikikus, disu kakasi tabi ma magkanaalla maghulas-sangsāꞌ kalnaꞌ Papuꞌ Isa. Iya sa nuntutan kaam mari gamgām pamiki bi pasal kami.

Kolossa 4:7

Na ni kapasal kahalan ku ntuu, si Tikikus sa nuntutan kaam. Iya itu disu danganakan tabi kinaasean meꞌ sikamimon ntuu. Maka iya itu disu pagkahi ku sosohoan Papuꞌ Isa. Magkanaalla ya masaplag kalnaꞌ Tuhan.

1 Timuti 1:3

Na Timuti, intomun bay halap ku ningkau waktu ku bay palakka man naa lān ku bay pitu pa Masidunya. Ngkon nu ilay bay sohoꞌ ku tamban nnaa ni Epesus supaya tasohoꞌ nu patagong sagannap ma mōꞌ tōꞌ palsu njawom baanan sukuꞌ si Isa. Sugaꞌ batnaa tu, luhud ku gi ngahalap ningkau pabalik.

Taytus 3:12

Na Taytus, yaꞌ na situ hallom, sohoꞌ ku na du pilu si Altemas atawa si Tikikus. Pag mintu luu na takka, pagbuli-bulihan nu deꞌ-dēꞌ pilay pa Nikopolis. Ndooy sa kita sitammu, batan katikmoran pamiki ku ndooy na doꞌ ku pahantiꞌ halloman timpu tanne.