2 Timuti 4:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.

2 Timuti 4:10 ပူးပေါင်းရင်းမြစ်များ

Matiyu 12:32

Damikiyan, soysoy ina mitsala pangka ni kapasal Anak Manusiyaꞌ, taampun gi du meꞌ Tuhan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan saumu-umu.”

Matiyu 26:56

Sugaꞌ biyahun na, nduwan jaꞌ sina kam supaya binakbul na siga tunaꞌ ma bay sinuwatan meꞌ kanabi-nabihan.” Pag-anu siꞌ, ilooy ma lay na ya pinasonsehan meꞌ siga mulit na sikamimon.

Lukas 14:33

Meꞌ naa du sina karuha bi bong kam doman mmeꞌ niyaku. Mastiꞌ subay pamikihan bi doꞌ duhuꞌ paayad bong takaya bi malungay mimon ma kinasengan meꞌ bi kalnaꞌ aku. Bong gantaan niyaꞌ du takaya bi, yaꞌ du kam dari mulit ku.”

Lukas 16:13

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaduhuꞌ meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.”

Lukas 17:32

Intomun bi na ilooy ma bay katuwaꞌ ni nda si Lut mattoꞌ.

Salsila siga Rasul 13:13

Paddus mandooy, lay na baw ga si Pol ka ga soheꞌ na mmeꞌ taꞌ adjung lakka man Papos song pilay pa daira Pelga ndooy ni Pampilya. Takka jaꞌ sila ndooy, lay na baw si Yahiya Malkus pasakkat sampay lay na ya pabeleng pa Jerusalem.

Salsila siga Rasul 15:38

Sugaꞌ yaꞌ kuhi si Pol. Honaꞌ-honaꞌ na, yaꞌ pataꞌ si Malkus binoo batan lay ya pasakkat jaman da ni Pampilya. Yaꞌ na ya bay mmeꞌ pawus ninsila majatu garaꞌ da.

Salsila siga Rasul 16:6

Pag-anu, lay na baw pilay ga si Pol pa Pirigiya ka Galatiya. Sibuwa adak sila pilay masaplag pa Asiya, sugaꞌ yaꞌ sila bay tinugutan meꞌ Rū Sutsiꞌ.

Salsila siga Rasul 17:1

Lakka ga si Pol man Pilipi, pingkaꞌ sila man jawom siga daira Ampipolis ka Apolloniya sampay lay na sila nakka daira Tesaloneka. Ndooy siꞌ, luu disu langga bangsa Yahudi.

Salsila siga Rasul 17:11

Na siga Yahudi ndooy ni Bereya, mas mahap baw arat-tabiat da man siga Yahudi ndooy ni Tesaloneka. Tinagi sila pakale ni umanat ga si Pol sampay lay du hinasi meꞌ da. Dari llaw pa dangallaw, wā sila maliksaꞌ njawom kitab man da masā bong tud mawjud du bitsala ga si Pol.

Salsila siga Rasul 17:13

Sugaꞌ pag taaka jaꞌ meꞌ siga Yahudi ni Tesaloneka masaplag na baw si Pol umanat Tuhan pasal Almasi ndooy ni Bereya, lay sila patuhut. Takka jaꞌ siꞌ sila, bbuwatan da moo-moo jama hiluhalaꞌ ngalasuhan ga si Pol.

Salsila siga Rasul 18:23

Hallom-hallom jaꞌ siꞌ ya ndooy ni Antiyok, lay na baw ya pilay pabalik pa Galatiya ka Pirigiya. Ndooy siꞌ, lay na baw ya ngalataan lahat mataggu iman sukuꞌ si Isa sikamimon.

2 Korin 2:13

Sugaꞌ san meꞌ looy, gampang na pin ku sabap danganakan tabi si Taytus yaꞌ bay kaluwa ni waktu man kami bay tugun. Dari lay na ku muwan salam duwaa ni siga pagkahi ku ndooy ni Troas, boꞌ ku lay na pawus pa Masidunya miha iya.

2 Korin 7:6

Kahapan lay du bay pinagamgaman atay kami meꞌ ilooy ma tukang magamgaman atay manusiyaꞌ, yana Tuhan, sabap meꞌ na bay mapitu si Taytus pa mman kami.

2 Korin 8:16

Magsuku kami pa Tuhan batan lay ya muwanan si Taytus kainagon ngayaran kaam meꞌ karuha ningkami du.

2 Korin 8:23

Na bong sawpama luu pakiyaka bong soy si Taytus, baan bi sila iya limbang ku ngayaran kaam. Maka kuwan siga danganakan tabi ilooy siꞌ sikaduwa ma song mmeꞌ pilu ni si Taytus, baan bi jama nnaa sila ina wakil siga baanan sukuꞌ si Isa Almasi luntuu. Ni lilingan kami, arat-tabiat da ina mōꞌ kabantugan ni Almasi.

2 Korin 8:6

Dari pag ndaꞌ kami meꞌ looy, honaꞌ-honaꞌ kami, subay sohoꞌ kami si Taytus pabeleng pa mman bi nnaa ni Korin. Subay ya nabangan kaam majatu bay bbuwatan bi ngumpo sīn kalnaꞌ pagkahi tabi ndooy ni Yahudiya. Ndang-ndang iya du bay soheꞌ bi bagaraꞌ nulung jaman bi bohoꞌ bay kalangga piki mokon sīn.

Pilipi 2:21

Boꞌ ilooy kasohean ntuu, ndaꞌ ku sikamimon sila, mas hagaan gi ninsila kahandak da man kahandak si Isa Almasi.

1 Timuti 6:10

Batan napsu mulakab ina ni sīn yana poonan jinisan pabuwatan maat. Kasohean jama, sabap ehe napsu da ni sīn, lay na sila magsiꞌ man tōꞌ si Isa ma kinapitsayaan meꞌ tabi. Sampay meka na kasusahan bay uwan da njataꞌ da.

1 Timuti 6:17

Na ni kapasal sukuꞌ si Isa ma dayahan meꞌ altaꞌ junyaꞌ, daa sila sohoun langkaw atay da. Maka daa sila sohoun mangasa ni altaꞌ batan bosbos ina luu, bosbos lungay. Ilooy ya subay asahan da yana Tuhan, batan iya sina muwanan kitabi mimon-mimon para ni kagakan tabi.

2 Timuti 1:15

Na ndooy ilay ni Asiya, katoonan nu na du, adak katis na mimon danganakan ta nikutan aku. Sampay ga si Pijilus ka si Helmojinis, lai na du.

2 Timuti 4:16

Ni kapasal palkalaꞌ ku ntuu, sibuwa ku bay sinumariya meꞌ huwis, yaꞌ luu san disu danganakan ta bay pasabu nanggehan aku. Lay jaꞌ ku pabiya da dangan-dangan ku. Sugaꞌ kamura-murahan inampun du sila meꞌ Tuhan.

Pilimun 1:24

Ga si Malkus pun ka ga si Aristalkus, si Dimas, ka si Lukas, siga pagkahi ku ma maghulas-sangsāꞌ kalnaꞌ Almasi, lay du bay nohoꞌ masampay salam duwaa da ningkau.

2 Pitel 2:15

Lay na sila magsiꞌ man lān intong. Lay na sila ngikut tabiat si Balaam, anak si Beyol mattoꞌ. Si Balaam ilay, ni kaehe kainagon na ni sīn, kuhi jaꞌ ya buwat kalaatan bong pin ya ndugangan jaꞌ paeka.