2 Timuti 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Batan kaekahan na sina mintu manusiyaꞌ, dī da du kaasean da. Maka magnapsu mulakab na sila ni sīn. Pangabbu gi sila ni kalangkaw atay da. Boꞌ meka gi sina yaꞌ paagak mitsala jama pa kalaatan. Yaꞌ sila ngasip ni induꞌ-mmaꞌ da, yaꞌ ngintom buddi maka yaꞌ tawu pa Tuhan.

2 Timuti 3:2 ပူးပေါင်းရင်းမြစ်များ

Matiyu 15:6

Dari sabapan tōꞌ bi ina, luu na sina jama yaꞌ na mag-arat ni induꞌ-mmaꞌ da. Pagka meꞌ naa, saꞌ ga bina oy, talloban bi palman Tuhan bong pin tapaantup bi jaꞌ aturan bi.

Lukas 12:15

Pag-anu siꞌ, yuk si Isa ninsila sikamimon ndooy, “Iyakin kam. Ilagan bi napsu mulakab ni altaꞌ. San du ina dangoy eka altaꞌ manusiyaꞌ, yaꞌ du kasampulnaꞌ ni nyawa da.”

Lukas 16:14

Pag takale meꞌ siga Parisi bitsala si Isa meꞌ looy, gam pin lay ya inudjuꞌ meꞌ da batan meꞌ punu njawom atay da sīn.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Salsila siga Rasul 5:36

Bong ina pagtuyuan da siga pakaradjaan ma bay jaꞌ tinulun-tulun meꞌ manusiyaꞌ, yaꞌ du sina luu sōng na. Pamintangan bi na jaman lalla looy ma bay naggaꞌ parinta Rom, yana si Tiyudas. Saꞌ ba, bay ya ngangkat dī na saula-ula iya pa-mmean patingkat? Boꞌ luu na ga mpat hatus jama bay mmeꞌ niiya. Sugaꞌ song hallom, lay du ya pinapatoy meꞌ siga sundalu. Kuwan ga raayat na, lay na magkanatan sampay yaꞌ du bay lanjut garaꞌ da.

Suwat si Pol pa mman Baanan Sukuꞌ si Isa ndooy ni Rom 11:18

Sugaꞌ daa na baw kam ngabbu saula-ula hagaan gi kam man siga Yahudi ma yaꞌ pitsayaꞌ. Intomun bi, saꞌ ga silay siga engas poonan kaallum poon kayu, arapun poon kayu ya poonan kaallum siga engas.

2 Korin 5:15

Kon na ilay Almasi bay matoy gantiꞌ sikamimon supaya sagannap ma koleꞌ kaallum bahau makutuꞌ kahandak na, saꞌ na kahandak da. Boꞌ pataꞌ du baw lay batan iya bay matoy sampay pinakallum pabalik kalnaꞌ manusiyaꞌ sikamimon.

Pilipi 2:21

Boꞌ ilooy kasohean ntuu, ndaꞌ ku sikamimon sila, mas hagaan gi ninsila kahandak da man kahandak si Isa Almasi.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

2 Tesaloneka 2:4

Bbuwatan na ngangkat dī na saula-ula patingkat ya man mimon ma pinag-awnan meꞌ manusiyaꞌ tuhan da atawa oy-oy sinumba meꞌ da. Boꞌ patabbaꞌ gi sina ya pa jawom lumaꞌ Tuhan, yana langga mehe, boꞌ na ningkōꞌ ndooy magladjaꞌ-ladjaꞌ ngawnan dī na Tuhan.

1 Timuti 1:20

Meꞌ looy du silay kadari si Haymeneyus ka si Aleksandel. Sangkon lay na sila pa-ntan ku pa mman Ibilis. Dari pag taabut da mintu malasahi banahan, kawu-kawu magsiddik na sila buwat ilooy ma kadiyoꞌ ni awon Tuhan.

1 Timuti 1:9

Tahati ta na bong inawnan saraꞌ Tuhan, saꞌ para ni jama intong. Arapun kon na ina bay pinamuwan man motang hukuman ni jama maat, ni sagannap ma yaꞌ pandoy ngasip, maka ni jama ma yaꞌ tawu pa Tuhan. Saraꞌ ina para ni siga baldusa, para sagannap ma yaꞌ sutsiꞌ, para jama ma yaꞌ ngisbat Tuhan, maka para sagannap ma mapatoy jama sampay ga mmaꞌ da atawa nneꞌ da.

1 Timuti 3:3

Subay ya yaꞌ palalango maka subay yaꞌ bangis. Gam pin subay lammaꞌ pangatayan na maka subay ya pandoy ngilagan pagjawapan. Maka subay ya yaꞌ magnapsu mulakab ni sīn.

1 Timuti 6:10

Batan napsu mulakab ina ni sīn yana poonan jinisan pabuwatan maat. Kasohean jama, sabap ehe napsu da ni sīn, lay na sila magsiꞌ man tōꞌ si Isa ma kinapitsayaan meꞌ tabi. Sampay meka na kasusahan bay uwan da njataꞌ da.

1 Timuti 6:4

Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

2 Timuti 3:4

Meka na sina mintu panipu ka os-os buwat karupangan ni kapondok pamiki da sampay takabbu lagi. Ilooy du ina mintu hagaan ninsila meꞌ da nganduwan jaꞌ oy-oy kinanapsuhan meꞌ da. Sugaꞌ bong aseꞌ pa Tuhan, yaꞌ luu ninsila.

Yaꞌkub 2:8

Sangkon sapatut na subay bogbogan bi na panohoan Tuhan njawom kitab ma puntukan banahan, ilooy ma yuk na, “Kaasean bi pagkahi bi manusiyaꞌ sibuꞌ ka aseꞌ bi ni dī bi.” Na bong siꞌ ina tabogbog bi meꞌ naa, katuwaꞌ na kam.

Yaꞌkub 4:16

Sugaꞌ kasohean baw kam ina, ngabbu jaꞌ kam saula-ula kaam magbayaꞌ ni mimon-mimon. Boꞌ ko, maat silay ngabbu meꞌ looy.

Yaꞌkub 4:6

Na sasat ni junyaꞌ tuu itu tud basag, sugaꞌ mas basag gi aseꞌ-tabang Tuhan njataꞌ tabi. Sat na jaꞌ, subay diyoꞌ pangatayan tabi. Batan yuk suwat njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”

2 Pitel 2:10

Maka tud bohat sina pidjalaꞌ na ni sagannap ma amu-amu nganduwan napsu da buwat jinisan kasabuhan sampay ni sagannap ma yaꞌ kuhi lillaꞌ ni kapatut na. Boꞌ meꞌ looy na du silay bana kadari siga guru palsu ma bay sabbut ku siꞌ. Tud takabbu sila sampay nawakka buwat oy-oy karomanan da san tagga pa Tuhan. Yaꞌ san sila tawu madiyoꞌ sagannap ma ngantanan kawasa-kapatut mehe, ma subay pinaehe.

2 Pitel 2:12

Boꞌ siga guru palsu meꞌ looy ilay, minsan pakaradjaan ma yaꞌ tahati da, binitsala du meꞌ da pa kalaatan. Sibuꞌ du sila ka sattuwa tawun, yaꞌ luu honaꞌ-honaꞌ da. Boꞌ sattuwa ina, ilooy du kasongan da sinungkuban sampay pinapatoy. Damikiyan, siga guru meꞌ looy ilay, sabap kabinasa tōꞌ da ni jama, mastiꞌ binasa jaꞌ du sila mintu meꞌ Tuhan.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.

Suwat Lakka man si Jūd 1:16

Na sila ilay siꞌ ma bay inawnan baldusa ni bay tunaꞌ Nabi Idris, yana sagannap ma nabiat magdubdub ka nusunan jama. Boꞌ na, nabiat gi sila nganduwan napsu da ma maat. Basag sila malangkaw dī da. Maka tigiꞌ gi sila malambu tinga jama supaya luu tahīs da, meꞌ naa, meꞌ naa.

Siga Pakaradjaan bay Pinalahil 13:1

Pag-anu, ngita na baw ku disu sattuwa pōꞌ man jawom dilawut. Luu tanduk na sapū maka eka kōk na pituꞌ. Saliꞌ-saliꞌ tanduk na ddas ka karuna na. Maka lay gi ku ngita taꞌ siga kōk na saliꞌ-saliꞌ siga awon pangka ma madiyoꞌ Tuhan.

Siga Pakaradjaan bay Pinalahil 16:11

Sugaꞌ san meꞌ looy, masi du sila yaꞌ kuhi nawbatan dusa da. Gam pin darahan da lagi meꞌ da malaat Tuhan sabapan bisa kato da.

Siga Pakaradjaan bay Pinalahil 16:21

Pag-anu, luu gi sakiyan ayis batu labuꞌ man taꞌ langit saliꞌ-saliꞌ luu ga limampūꞌ kilu bohat da. Dari sabapan ehe kamalasahiyan manusiyaꞌ leꞌ balaꞌ looy, magdaruhun gi meꞌ da malaat Tuhan.

Siga Pakaradjaan bay Pinalahil 16:9

Sugaꞌ san sila lay na lūs meꞌ hawa pasuꞌ saꞌ na alang-alang, masi du sila yaꞌ kuhi nawbatan dusa da. Maka masi sila yaꞌ kuhi maehe Tuhan. Gam pin, palaat da lagi pagka iya poonan ga balaꞌ looy.