2 Timuti 3:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Sikamimon ina njawom kitab yana palman Tuhan bay pinalahil meꞌ na ni manusiyaꞌ. Mehe kapansahaliyan na man noan jama kabanahan maka man makitahan sila dusa da sampay man maintoman sila lān tuwaꞌ bong luu kasaan da, maka man noan sila arat-tabiat intong.

2 Timuti 3:16 ပူးပေါင်းရင်းမြစ်များ

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 21:42

Pus meꞌ looy siꞌ, yuk si Isa ninsila, “Yaꞌ kilay kam bay kabatsa suwat njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon. Ilooy ilay siꞌ man gantaan Tuhan na du, boꞌ tud kainu-inu ningkitabi.’

Matiyu 22:43

Yuk si Isa, “Bana ningkaam. Sugaꞌ ongoy baw lay awnan Sultan Daud panubuꞌ na yana Papuꞌ na? Batan saꞌ ba, sasang Sultan Daud ssob meꞌ Rū Sutsiꞌ, yuk na njawom kitab,

Matiyu 26:54

Sugaꞌ bong itu ku nohoꞌ na baw tinabang, pooy gi baw meꞌ na binakbul tunaꞌ njawom kitab ma bay ginantaꞌ niyaku?”

Matiyu 26:56

Sugaꞌ biyahun na, nduwan jaꞌ sina kam supaya binakbul na siga tunaꞌ ma bay sinuwatan meꞌ kanabi-nabihan.” Pag-anu siꞌ, ilooy ma lay na ya pinasonsehan meꞌ siga mulit na sikamimon.

Malkus 12:24

Dari yuk si Isa ninsila, “Tud magsāꞌ kam la. Yaꞌ san bina tahati bi suwat jawom kitab hāl meꞌ looy siꞌ. Maka yaꞌ du katoonan bi kawasa Tuhan.

Malkus 12:36

Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Yahiya 10:35

Boꞌ kitab ina, ndang katoonan tabi na du yaꞌ tabaluba saumu. Na bong sila man Tuhan bay magpalman bay awnan na siga tuhan,

Yahiya 3:20

Manusiyaꞌ ina, sagannap ma buwat maat, ndang sinukang meꞌ da dantaꞌ. Yaꞌ sila doman pa jawom dantaꞌ taggahaꞌ tumampak kalaatan da.

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 18:25

Maka lay gi ya bay pingkaꞌ tinoan pasal Papuꞌ Isa yana lān pa Tuhan. Boꞌ na, tud tinagi ya noan jama pasal iya. Mimon tōꞌ na pasal si Isa yaꞌ luu sāꞌ na. Sat na jaꞌ, yaꞌ gi sukup pangahati na, batan luu gi pandihan yaꞌ tasayu na. Ilooy du pandihan ma katoonan na yana pandihan si Yahiya ma Tukang Mandi.

Salsila siga Rasul 20:20

Maka katoonan bi na du jaman ku bay magpanoan kaam ni mayran sampay ni siga lumaꞌ bi, yaꞌ du luu kabanahan bay limbuhan ku. Oy-oy umanat ma katabang, lay jaꞌ du pasampay ku ningkaam.

Salsila siga Rasul 20:27

Batan yaꞌ ku bay paalang masampay ningkaam mimon ma katoonan ku pasal kahandak Tuhan.”

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

Suwat si Pol pa mman Baanan Sukuꞌ si Isa ndooy ni Rom 15:4

Na mimon ina ma bay sinuwatan njawom kitab man noan kitabi kabanahan. Man sabapan tōꞌ njawom kitab, pataggu na pin iman tabi. Maka ilooy na muwansangan kitabi natas njawom katiksaan. Maka sabapan kitab, yaꞌ maglumba holat tabi ni tabang Tuhan.

Suwat si Pol pa mman Baanan Sukuꞌ si Isa ndooy ni Rom 2:20

Ni bistahan bi, tawop kam noan sagannap ma yaꞌ luu pangahati da, ma meꞌ sapantun anak-anak. Batan bangsa tabi ngantanan kitab ka saraꞌ man bay nuwatan kabanahan ka ilmuꞌ langkap.

Suwat si Pol pa mman Baanan Sukuꞌ si Isa ndooy ni Rom 3:2

Sugaꞌ daa kitabi mamiki meꞌ looy. Basta mehe baw sina kaayaran ningkitabi bong kitabi turunan bangsa Yahudi. Numbul satu, kitabi bangsa bay tahalapan leꞌ Tuhan ngantanan palman na njawom kitab.

Suwat si Pol pa mman Baanan Sukuꞌ si Isa ndooy ni Rom 4:23

Na suwat looy ilay njawom kitab, saꞌ silay sat tuwaꞌ pa Nabi Ibrahim,

1 Korin 12:7

Kitabi itu saliꞌ-saliꞌ binuwanan ladjikiꞌ meꞌ Rū Sutsiꞌ pa kaayaran ni sikamimon pagkahi tabi.

Galatiya 3:8

Sarī gi, man maruhuꞌ-ruhuꞌ lagi, ndang luu na garaꞌ Tuhan ngitung manusiyaꞌ intong lakka man mimon kabangsa-bangsahan basta sila pitsayaꞌ ni Almasi. Umanat mahap looy ilay siꞌ bay pinalahil meꞌ Tuhan ni Nabi Ibrahim. Batan njawom kitab, yuk Tuhan niiya, “Bbos-bbos kau ina poonan man mimon kabangsa-bangsahan taꞌ babaw junyaꞌ koleꞌ supaat.”

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Hibrani 11:1

Na bong ina luu pangando tabi pa Tuhan, tatantu tabi takoleꞌ tabi jaꞌ mimon ma agad tabi ma bay njanjiꞌ meꞌ Tuhan. Minsan yaꞌ lagi takita tabi ilooy ma hinolat meꞌ tabi, pagka luu pangando tabi, yaꞌ na tabi hawal-hawalan mastiꞌ luu jaꞌ masa na takoleꞌ tabi.

Hibrani 3:7

Sangkon subay kanna tabi suwat njawom kitab, yana panohoan Rū Sutsiꞌ ningkitabi, ilooy ma yuk na, “Llaw tuu, bong kam kale suwara Tuhan,

Hibrani 4:12

Na palman Tuhan ina kawasahan boꞌ kabuwan gi kaallum bahau. Dari ko ngawon, palman na tawom gi man kataliꞌ batan ngassob sina pa jawom atay tabi sampay pa nyawa tabi. Maka palman na ina, inaa na man tabi mindoga bong mahap atawa maat pamiki tabi ka niyat atay tabi.