2 Timuti 2:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Indanan nu bitsala ku. Bong ina sundalu kanaalla, yaꞌ ya palamud ni jinisan hāl ma pinandang leꞌ siga sibilyan. Iya pandang na, meꞌ na nulut kahandak komandel na.

2 Timuti 2:4 ပူးပေါင်းရင်းမြစ်များ

Lukas 8:14

Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ sugaꞌ wā sila hanggaw ni hāl meꞌ da llum ni junyaꞌ. Altaꞌ tud hagaan ninsila. Maka meꞌ da nganduwan napsu da ni kajinisan meꞌ punu njawom atay da. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

2 Korin 5:9

Dari sabagay lay na kitabi ngambanan baran tuu atawa niyaꞌ, pakutuꞌ tabi na jaꞌ meꞌ tabi nulut kahandak Almasi.

Galatiya 5:1

Na siga danganakan, kon ilay Almasi bay maddusan kitabi man jawom sakup saraꞌ supaya kitabi sumunsayaꞌ na. Sangkon amay-amay daa na kam kuhi pinahata meꞌ saraꞌ pabalik. Takkoan bi na kasumunsayaan bi.

1 Tesaloneka 2:4

Ni sabana na, kami itu masaplag, saꞌ ga man nulut kahandak manusiyaꞌ. Iya maksud kami nulut kahandak Tuhan pagka iya bay ngahalapan kami umanat na. Tuhan ina, tasayu na du kami jama kanaalla, batan mastiꞌ katoonan na jaꞌ mimon niyat njawom atay manusiyaꞌ.

2 Timuti 4:10

Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.

2 Pitel 2:20

Na sibuwa ilay, siga guru palsu looy siꞌ bay ngahasi kabanahan pasal tukang nalamat kitabi, yana Papuꞌ tabi si Isa Almasi. Pag toklas na, lay na labbahan da mimon kawul-piil da maat ma katamak ni manusiyaꞌ. Pag batnaa, meꞌ ga takawum na baw sila balik meꞌ napsu da buwat dusa. Dari mas maat gi kaadaan da ni batnaa man jaman da yaꞌ gi bay mmeꞌ ni si Isa.