2 Timuti 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

2 Timuti 2:2 ပူးပေါင်းရင်းမြစ်များ

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 24:25

Indanan bi bay bitsala ku siꞌ. Ndang kawalan ta na kam padpad yaꞌ gi taabut masa meꞌ looy.

Lukas 12:42

Sugaꞌ bbuwatan Papuꞌ Isa baw, lay jaꞌ darahan na bitsala na, yuk na, “Soysoy ina ata patong mamiki sampay magkanaalla ni papuꞌ na, iya na sina pineneꞌ meꞌ papuꞌ na magtakōk ni siga pagkahi na ata. Maka iya na inasahan makan sila tuktuk waktu man mangan.

1 Korin 4:2

Na tiyap-tiyap ina jama bay hinalapan pabuwatan, subay ya kanaalla buwat ilooy ma bay sinukuꞌ niiya.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

2 Korin 3:5

Boꞌ na, katoonan kami na du bong inawnan kapandoyan kami, saꞌ situ lakka man dī kami, arapun lakka man Tuhan.

Kolossa 1:7

Boꞌ inaa na kabanahan ma bay takoleꞌ bi man si Epapras, disu limbang kami sosohoan Tuhan. Iya itu kakasi kami maka tiggo ya maghulas-sangsāꞌ kalnaꞌ Almasi pa kaayaran ningkaam.

1 Timuti 1:12

Mehe meꞌ ku magsuku ni Papuꞌ ta si Isa Almasi ma nganggaosan aku buwat kahandak na. Magsuku ku niiya sabap lay na ku bilang na kanaalla sampay lay na ku peneꞌ na binuwat sosohoan na.

1 Timuti 1:18

Na Timuti, meꞌ kau sibuꞌ na ka anak ku, amay-amay mimon ma bay tugun ku siꞌ ningkau, pasampayun sa ni siga sukuꞌ si Isa nnaa. Ndang-ndang pabuwatan nu ina masampay kabanahan sikatuwaꞌ bana ka bay tunaꞌ siga pa-mmean sukuꞌ si Isa pasal kau. Bong ina tud kinanna du meꞌ nu bay tunaꞌ njataꞌ nu, inaa na sina buwansang mehe ningkau nulang kalaatan. Dari sibuꞌ du sina karuha nu ka sundalu basag ngatu njawom bonoꞌ mehe.

1 Timuti 4:14

Daa pasensengan nu ladjikiꞌ ma bay dean Rū Sutsiꞌ ningkau bay jaman siga pa-mmean sukuꞌ si Isa ngannaꞌ siga tangan da njataꞌ nu. Awnan ku ilay siꞌ yana kapandoyan ma bay tinunaꞌ meꞌ da njataꞌ nu.

1 Timuti 4:6

Na bong itu pasampay nu du bay bitsala ku siꞌ ni siga danganakan ta nnaa, malaingkan kau sosohoan si Isa Almasi kanaalla. Maka sasang nu nōꞌ kabanahan ma kinapitsayaan meꞌ ta sampay mmeꞌ ni tōꞌ ayad ma ndang binean meꞌ nu, mastiꞌ pasambu nu na nyawa nu.

1 Timuti 5:22

Na ni hāl meꞌ nu meneꞌ jama binuwat pa-mmean nnaa, daa ko os-os. Subay doꞌ duhuꞌ bay pingkaꞌ liling nu paayad arat-tabiat da boꞌ nu nappak bumbunan da nguwakilan sila. Paayad-ayad ko meneꞌ taggahaꞌ luu gi kalaatan da ma yaꞌ tasayu. Batan bong ina masi luu, boꞌ mintu lay na bungka, taggahaꞌ talapay na baw ko. Sarī man naa, bogbogan nu na pin kasutsian nu.

1 Timuti 6:12

Pagbuli-bulihan nu matangge kabanahan pasal Papuꞌ Isa san du pooy basag jama nulang kau. Meꞌ kau ina lay na lliyun pa jawom okoman Tuhan, kuwangkutan nu na kasampulnaan nyawa ma yaꞌ luu katapusan na. Awnan ku ilay siꞌ kasampulnaan nyawa ma bay takoleꞌ nu jaman nu bay māꞌ ni awpan baanan jama mmeꞌ na ko ni si Isa.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

2 Timuti 3:14

Sugaꞌ kau, Timuti, subay ko kanaalla mmeꞌ ni kabanahan ma bay tinōꞌ ningkau. Ndang-ndang sikabiyasa du ko banahan ka ga jama ma bay noan kau. Katoonan nu du tapangandohan nu sila.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.