2 Timuti 2:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Tud lay na silay sila magsiꞌ man kabanahan. Baꞌ-bāꞌ da, lai na bay pingkaꞌ masa jama matoy pinakallum pabalik. Dari sabapan tōꞌ da, lay na ga jadjuꞌ pangando kasohean sukuꞌ si Isa.

2 Timuti 2:18 ပူးပေါင်းရင်းမြစ်များ

Matiyu 15:13

Pag tampung si Isa, “Sila ina meꞌ sapantun tinanom ma saꞌ Mmaꞌ ku bay nanom. Dari bbos-bbos ina llugutan du meꞌ na.

Matiyu 22:29

Dari yuk si Isa ninsila, “Tud magsāꞌ kam sabap yaꞌ san tahati bi suwat njawom kitab maka yaꞌ du katoonan bi ehe kawasa Tuhan.

Lukas 8:13

Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da. Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ pa jataꞌ da, siglaꞌ du sila patatak.

Salsila siga Rasul 5:39

Sugaꞌ bong ina tud bana-bana du lakka man Tuhan, yaꞌ du sina luu dapat bi nalloban sila batan sibuꞌ du sina kam ka nulang Tuhan.” Dari siꞌ, lay na du binean si Gamaliyel meꞌ baanan kapakihan ndooy.

1 Korin 11:19

Kanna bi mareꞌ subay na pin kam magsulemaꞌ pamiki boꞌ tumatandaꞌ bong mamooy kam man Tuhan kasulutan.

1 Korin 15:12

Na jaman kami bay masaplag umanat mahap pasal Almasi ningkaam, saꞌ ba, bay halling kami, pus Papuꞌ Isa bay pinapatoy, lay na ya pinakallum pabalik? Pagka meꞌ looy, ongoy baw taggahaꞌ luu gi kasohean kam nnaa māꞌ yaꞌ luu masa jama ma lay na matoy pinakallum pabalik?

Kolossa 3:1

Na kitabi itu ma pitsayaꞌ ni Almasi, meꞌ tabi ngingat, lay na kitabi tabeꞌ niiya pinakallum pabalik sabap lay na kitabi buwanan Tuhan kaallum bahau. Sangkon, isbat tabi na hāl sulgaꞌ man Almasi ningkōꞌ ni bihing Tuhan huwin pa kawnan.

1 Timuti 1:19

Njawom nu nulang kalaatan, subay wā hallot pangando nu ni Papuꞌ Isa. Maka ilagan nu mimon pabuwatan ma nulang ni honaꞌ-honaꞌ nu. Luu sina kasohean ma yaꞌ na maruli honaꞌ-honaꞌ da sampay man pangando da na ni Papuꞌ Isa langkat. Pangando da ina, bong ndalil pa adjung, lay na binasa bay lumangga ni manunggu.

1 Timuti 6:10

Batan napsu mulakab ina ni sīn yana poonan jinisan pabuwatan maat. Kasohean jama, sabap ehe napsu da ni sīn, lay na sila magsiꞌ man tōꞌ si Isa ma kinapitsayaan meꞌ tabi. Sampay meka na kasusahan bay uwan da njataꞌ da.

1 Timuti 6:21

Man sabapan ilmuꞌ meꞌ looy ilay, luu na sina jama lay magsiꞌ man kabanahan ma kinapitsayaan meꞌ ta. Dambuli man inaa, kamura-murahan binuwanan na pin kam barakat meꞌ Tuhan. Wassalam

2 Timuti 2:14

Na pasal ilooy ma bay sabbut ku siꞌ, pasampayun sa ni sukuꞌ si Isa nnaa man nu maintoman sila. Maka baan nu sila, ilu na Tuhan pakale-kale, subay sila yaꞌ na palamud ni pagjawapan jama pasal hatiyan siga bitsala. Yaꞌ du sina luu sōng na. Gam pin, inaa na kaboo sagannap ma bay pakale magsiꞌ man kabanahan.

Taytus 1:11

Tud subay sila yaꞌ padari nu noan siga jamaa nnaa sabap meka na paglūng magsiꞌ sabapan tōꞌ da. Isi tōꞌ da ina yaꞌ san pataꞌ sinabbut. Sugaꞌ amu-amu sila nōꞌ meꞌ looy sabapan eka sīn takoleꞌ da.

Hibrani 3:10

Sangkon tud bay lasu ku ninsila. Mpatpūꞌ taun na ku bay natasan arat da meꞌ looy ndooy ni lahat lau-lau. Ndaꞌ ku, jawom atay da, doman jaꞌ sila magsiꞌ. Tud bay awam sila ni kahandak ku ka arat-tabiat ku.

Yaꞌkub 5:19

Siga danganakan ku, bong luu ni baanan bi bay magsiꞌ man kabanahan, boꞌ luu kam disu bay moo iya mmeꞌ ni kabanahan pabalik, tud mahap sina.

1 Yahiya 2:19

Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.