2 Timuti 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na pasal ilooy ma bay sabbut ku siꞌ, pasampayun sa ni sukuꞌ si Isa nnaa man nu maintoman sila. Maka baan nu sila, ilu na Tuhan pakale-kale, subay sila yaꞌ na palamud ni pagjawapan jama pasal hatiyan siga bitsala. Yaꞌ du sina luu sōng na. Gam pin, inaa na kaboo sagannap ma bay pakale magsiꞌ man kabanahan.

2 Timuti 2:14 ပူးပေါင်းရင်းမြစ်များ

Matiyu 16:26

San du sina lay katis mimon altaꞌ njawom junyaꞌ lay takoleꞌ bi, oy pūs na bong tiksaꞌ du nyawa bi njawom nalkaꞌ? San ina pooy eka altaꞌ bi, yaꞌ du dari man ngalakkat nyawa bi man jawom katiksaan.

Salsila siga Rasul 13:10

“Anak Ibilis bina ko! Mimon kaintongan saggaꞌ nu jaꞌ. Njawom atay nu pannoꞌ meꞌ dustaꞌ. Maka nabiat ko moo jama magsiꞌ. Wā tabid nu kabanahan pasal Papuꞌ.

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Suwat si Pol pa mman Baanan Sukuꞌ si Isa ndooy ni Rom 14:1

Na kasohean pagkahi tabi yaꞌ gi sina basag pangando da ni si Isa. Sugaꞌ san meꞌ looy, subay sila hasiyun bi bong sila luu palamud pa jawom baanan bi. Maka san luu pamiki da ma yaꞌ numan ningkaam, san daa na kam magjawap.

Galatiya 1:7

Mingkan, disu du sina umanat mahap, yaꞌ luu sarī. Salla na, luu na pin nnaa ngalingu kaam. Bbuwatan da ina nabid umanat mahap pasal Almasi.

Epesus 4:17

Na ni kapatut bay dean Papuꞌ Isa niyaku, ituu halap ku ningkaam: Amay-amay daa na kam mmeꞌ meꞌ uwahan siga kapil batan yaꞌ sina luu sōng pamiki da.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.

1 Timuti 1:4

Sohoun na sila patagong masensengan waktu da mitsala pasal siga pali-pali ka usuwan kabboꞌ-bboan. Siga hāl meꞌ naa ina yaꞌ luu kapuspusan na. Boꞌ na, inaa na sina poonan pagjawapan. Dari pada meꞌ naa, gam na sila mōꞌ tōꞌ ma katabang ni jama ngahati garaꞌ Tuhan pasal kasalamatan njataꞌ pangando ni si Isa.

1 Timuti 1:6

Salla na, kasohean jama bong ni hāl meꞌ naa, yaꞌ san paruli da. Iya hagaan ninsila magbilmaarup ni hāl ma yaꞌ luu kapuspusan na.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.

1 Timuti 5:21

Timuti, ni mata Tuhan ka si Isa Almasi sampay ga malaikat na, ituu tugun ku ningkau ma subay binean: Amay-amay bogbogan nu mimon bay sohoꞌ ku ningkau. Maka daa ko magsitingka manusiyaꞌ. Yaꞌ kitabi dari minig.

1 Timuti 6:13

Na Timuti, ni mata Tuhan ma makallum labbasakayi ka ni mata si Isa Almasi ma bay nawakka mōꞌ kabanahan bong soy ya ni awpan Gubnul Puntus Pilatu, ituu halap ku ningkau:

2 Timuti 1:6

Sangkon, pagka meꞌ looy na du basag pangando nu, sapatut na subay ko paintoman ku pasal kapandoyan ma bay dean Tuhan ningkau llaw looy jaman ku bay nappak bumbunan nu. Ladjikiꞌ looy ilay siꞌ ma luu na ningkau subay pakoyun, daa pasensengan nu. Bong dalil ta pa bā api, diripan nu lagi mari llum banahan.

2 Timuti 2:16

Ilagan nu pagbitsalahan pasal tōꞌ ma yaꞌ luu kapuspusan na, ma yaꞌ san luu kabigiꞌ-bigian na ni hāl ma puntukan pa Tuhan. Siga tōꞌ meꞌ looy ilay malawak jama na pin man Tuhan.

2 Timuti 2:23

Maka daa ko palamud ni pagjawapan ma yaꞌ luu kapuspusan na meꞌ ilooy ma pinaabak meꞌ jama awam ni kabanahan. Tasayu nu du sina, inaa na poonan jama sasaꞌ-manasaꞌ.

2 Timuti 4:1

Na pag bbeleng Papuꞌ Isa ina mintu pa junyaꞌ magsultan, ngahukum na ya manusiyaꞌ sikamimon, llum-matoy. Sangkon, itu na ni pag-awpan Tuhan ka si Isa Almasi, sohoꞌ ta na ko

Taytus 3:1

Paintoman nu siga danganakan ta nnaa nohoꞌ maglillaꞌ ni siga pa-mmean parinta sampay ngasip ni sagannap ma ngantanan saraꞌ. Maka subay sila pinaintoman nohoꞌ wā saddiya buwat mahap.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

2 Pitel 1:13

Kon meꞌ looy batan tasayu ku yaꞌ na ku humallom ni junyaꞌ tuu. Man ku kasayu meꞌ looy batan bay pinalahil meꞌ Papuꞌ tabi si Isa Almasi niyaku. Dari padpad yaꞌ lagi ku bay limbu, sapatut na, paintoman ta na pin kam tōꞌ sabanna man ku mangun pamiki bi.