2 Timuti 2:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

2 Timuti 2:10 ပူးပေါင်းရင်းမြစ်များ

Matiyu 24:22

Bong siꞌ ilay mintu yaꞌ bay kulangan Tuhan halloman kamalasahiyan meꞌ looy, mastiꞌ katis jaꞌ manusiyaꞌ man taꞌ babaw junyaꞌ. Lipara, kalnaꞌ sagannap ma bay peneꞌ Tuhan sukuꞌ na, kulangan na du sina mintu halloman kamalasahiyan meꞌ looy.”

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Lukas 18:7

Labi na bong Tuhan saꞌ nabangan siga sukuꞌ na ma maku duwaa pa mman na sangom-llaw. Mastiꞌ tanggehan na jaꞌ sina kaintongan da. Yaꞌ sina ya mabiya sila.

Lukas 22:57

Sugaꞌ lay jaꞌ maylu si Pitel, yuk na, “Uy, yaꞌ san bilay ya takila ku!”

Yahiya 11:52

Boꞌ kapatoy na ilay, saꞌ silay sat kalnaꞌ bangsa Yahudi, arapun sampay kalnaꞌ jama man mimon kabangsa-bangsahan. Batan tabeꞌ du sila dari siga anak Tuhan bbos-bbos. Kahandak Tuhan ina sagannap siga anak na ni sikaliput junyaꞌ, bangsa Yahudi sampay na siga bangsa saꞌ Yahudi, tibuuk na na pa disu baanan sa.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Yahiya 17:9

“Batnaa pakuhan ku na sila duwaa ningkau. Yaꞌ na ku ngalapis jama sarī. Ituu jaꞌ pakuhan ku sagannap ma bay hinalap meꞌ nu niyaku sabap sila sukuꞌ nu.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 9:23

Bong hati ya natasan kalaatan jama, maksud na makitahan sila bong pooy ehe kaayaran na ni sagannap ma tinimbangan meꞌ na, yana sagannap ma bay peneꞌ na hampit ni kabantugan na.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 9:22

Maka bila ku njawom siga sukuꞌ si Isa ma kulang gi pangahati da pasal kasumunsayaan da njawman si Isa, pabiya ku na doꞌ kasumunsayaan ku bong pin pakale jaꞌ sila ni bitsala ku. Dari meꞌ halling sambat ku na siꞌ, san gi oy ntan jama atawa bangsa da, atas ku mmeꞌ meꞌ uwahan da bong pin luu jaꞌ taboo ku pa jawom kasalamatan.

2 Korin 1:6

Sangkon san itu kami bininsanaꞌ sabap meꞌ kami masaplag, pa kaayaran du ningkaam sampay man bi na salamat. Batan pagka wā kami pinagamgaman meꞌ Tuhan, ilooy na kon kami pandoy na magamgaman kaam. Pag toklas na, katatas na du kam ni kabinsanaan meꞌ ilooy ma daran talingkaan kami.

2 Korin 12:15

Gāk du situ ku magtuyuꞌ-tuyuꞌ kalnaꞌ kaam san gi man sīn ku katis sampay anggawtaꞌ ku bong pin sambu jaꞌ nyawa bi. Sugaꞌ tilaw ta teꞌ kam, meꞌ tuu na tamba-manamba na aseꞌ ku ningkaam, sikatuwaꞌ kina bong subay gi maglumba aseꞌ bi niyaku?

2 Korin 4:15

Dari san meka laug bay talingkaan kami, pa kaayaran du sina ningkaam. Boꞌ na, mangkin pasōng laug njataꞌ kami, mangkin pasōng ehe tabang Tuhan ningkami. Pag toklas na, meka na sina jama muwan pagsukuhan pa Tuhan, pamaehe kabantugan niiya.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

Epesus 3:13

Siga danganakan, san itu ku batnaa njawom jinisan kabinsanaan, junjung ku na ningkaam, yaꞌ dari man tungkas iman bi. Batan aku tu bay magka meꞌ tuu pa kaayaran du ningkaam.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

1 Tesaloneka 5:9

Boꞌ pataꞌ du silay ningkitabi ngaholat meꞌ looy batan ndang garaꞌ Tuhan ina nalamat kitabi. Inaa sina kon na bay mapitu Papuꞌ tabi si Isa Almasi pa junyaꞌ. Saꞌ kahandak na ngalabuan kitabi mulkaꞌ.

2 Tesaloneka 2:14

Magsuku kami sabap lay na pakoy Tuhan umanat mahap lakka man kami man ngaliyun kaam supaya kam tumabeꞌ na ni kabantugan Papuꞌ tabi si Isa Almasi.

2 Timuti 1:1

Ituu itu aku, yana si Pol, disu rasul si Isa Almasi man kahandak Tuhan. Aku itu bay sinohoꞌ meꞌ Tuhan masaplag pasal kaallum bahau ma bay njanjiꞌ meꞌ Tuhan ni soysoy ma tibuuk ka si Isa Almasi.

2 Timuti 2:1

Na Timuti, anak, mangasa jaꞌ ko ni aseꞌ-tabang si Isa Almasi nganggaosan kau.

2 Timuti 2:3

Magpalapay ko niyaku natasan jinisan katiksaan kalnaꞌ si Isa Almasi meꞌ karuha sundalu kanaalla natas njawom bonoꞌ mehe.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

1 Pitel 2:10

Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.