2 Timuti 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Daa ko tawu buwat ma bay sinukuꞌ meꞌ Tuhan ningkau. Batan Tuhan ilay bay matannaꞌ Rū na njataꞌ ta supaya luu na gaos ta ka aseꞌ sampay tabang ngagak dī ta. Saꞌ ga silay supaya kita subay na pin tawu.

2 Timuti 1:7 ပူးပေါင်းရင်းမြစ်များ

Lukas 10:19

Ibilis ina ka ga pagkahi na seytan yana banta tabi. Sugaꞌ lay na sina kam buwanan ku kawasa-kapatut man bi tumanjataꞌ ninsila. Sibuꞌ du sina karuha da ka ga sō atawa patikāꞌ giniok meꞌ bi, boꞌ yaꞌ du kam kongoy-kongoy.

Lukas 15:17

“Song hallom, bohoꞌ tabista na bay karupangan na, maka honaꞌ-honaꞌ na, ‘San bilay ga tindog mmaꞌ ku labbasakayi, balanjaꞌ da maglabi-labi man kakan da. Boꞌ aku itu agon-agon kabobowan na ntuu.

Lukas 24:49

Yaꞌ na du sina hallom, papitu ku sa Rū Sutsiꞌ ma bay njanjiꞌ meꞌ Mmaꞌ ku pa mman bi. Ngagad jaꞌ kam ni daira tuu ngkod-ngkoran yaꞌ gi kam bay pinatannaan kawasa man sulgaꞌ meꞌ Rū Sutsiꞌ.”

Lukas 8:35

Dari ilooy ma bahuklud du jama pilay pa mman si Isa masā bong mawjud du habal ma bay tinuntut ninsila. Pag takka da, takita da na lalla looy ma bay sineytan ningkōꞌ ni bihing battis si Isa. Boꞌ lay na ya mamakoy maka basanayan na pamiki na. Dari siꞌ takkahan tawu na ga sila ni kaehe kawasa si Isa.

Yahiya 14:27

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Salsila siga Rasul 21:13

Sugaꞌ iya tampung si Pol, “Ongoy kam nangisan aku? Daa na ba gangguun bi iman ku. Daa palagi sat njīl, san kapatoy ndooy ni Jerusalem atas ku du kalnaꞌ Papuꞌ Isa.”

Salsila siga Rasul 26:11

Maka kansang gi ku padisu-padisu langga miha sila ma mmeꞌ ni si Isa. Luu-luu tatammu ku, lay jaꞌ du pidjalaꞌ ku balangkali sila takoleꞌ ku na pinaggos nikutan si Isa sampay malaat iya. Ni kagigit tabbuk ku, lay gi ku ngalataan siga daira ni katāhan bong pin sila tapidjalaꞌ ku jaꞌ.

Salsila siga Rasul 26:25

Sugaꞌ tampung si Pol, “Tuwan Gubnul, yaꞌ bitu ku bilawan. Arapun mimon bitsala ku ilay siꞌ kabanahan jaꞌ, yaꞌ luu sāꞌ na.

Salsila siga Rasul 6:8

Na kuwan si Esteben siꞌ tu, basag kawasa ka tabang Tuhan njataꞌ na. Sangkon meka na pabuwatan kahaylan-haylan ka ga sipat kawasa Tuhan bay pinōꞌ meꞌ na ni pag-awpan siga jama ndooy ni Jerusalem.

Salsila siga Rasul 9:22

Na man tabang Tuhan, magsasōng na pin kapandoyan si Sol magnasihatan siga Yahudi ma maglahat ni Damaskus. Sigi-sigi na ya mōꞌ buktiꞌ man jawom kitab, si Isa yana Almasi, tukang nalamat ma bay njanjiꞌ meꞌ Tuhan. Boꞌ yaꞌ na san tatagbangan da bitsala na.

Suwat si Pol pa mman Baanan Sukuꞌ si Isa ndooy ni Rom 5:5

Maka tiyap-tiyap ina tattap holat tabi ni siga janjiꞌ Tuhan, mastiꞌ yaꞌ kitabi kaap-apan. Batan tinuman du sina meꞌ Tuhan mimon janjiꞌ na ningkitabi. Man tabi katantu sabap takissa tabi na aseꞌ Tuhan njawom atay tabi sabapan Rū Sutsiꞌ lay na pinaasok meꞌ na ningkitabi.

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Kolossa 1:8

Maka iya na du bay nuntutan kami pasal aseꞌ bi ni pagkahi bi manusiyaꞌ, yana aseꞌ njawom atay bi lakka man Rū Sutsiꞌ.

Hibrani 2:15

Maka Almasi ilay bay matoy supaya talakkahan na na tawu tabi ni kapatoy, yana tawu ma meꞌ sapantun bay mahata kitabi halloman tabi llum.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Yahiya 4:18

Bong kita maasean Tuhan ka pagkahi ta manusiyaꞌ, yaꞌ na sina luu tawu ta pa Tuhan. Ilooy ya ilay man jama tawu bong bistahan da luu pidjalaꞌ Tuhan ngagad sila. Sangkon soysoy tawu pinidjalaꞌ, tarang-tarang kulang meꞌ na maaseꞌ.