2 Timuti 1:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Sangkon, pagka meꞌ looy na du basag pangando nu, sapatut na subay ko paintoman ku pasal kapandoyan ma bay dean Tuhan ningkau llaw looy jaman ku bay nappak bumbunan nu. Ladjikiꞌ looy ilay siꞌ ma luu na ningkau subay pakoyun, daa pasensengan nu. Bong dalil ta pa bā api, diripan nu lagi mari llum banahan.

2 Timuti 1:6 ပူးပေါင်းရင်းမြစ်များ

Lukas 19:13

Na tapit jaꞌ siꞌ masa man na pilay, lay doꞌ ya nawag tindog na sapū, boꞌ da pina-ntanan saliꞌ-saliꞌ sapū libu pilak. Yuk na ninsila, ‘Palanun bi sīn tuu likutan ku ndooy.’ Pag-anu, ilooy ma lay na ya patuwak.

Salsila siga Rasul 19:6

Pus da pinandi, lay na tinappak bumbunan da meꞌ si Pol sampay sarunduun du patannaꞌ Rū Sutsiꞌ ninsila. Dari mitsala na ga sila ni jinisan pallun ma yaꞌ san bay pingkaꞌ kapandoyan da. Sampay lay na ga sila mōꞌ siga umanat man Tuhan ma pinalahil meꞌ Rū Sutsiꞌ ninsila.

Salsila siga Rasul 6:6

Pag lupus, lay na sila binoo pa awpan siga rasul. Ndooy siꞌ, lay sila pinakuhan meꞌ siga rasul duwaa sampay lay na tinappak bumbunan da tandaꞌ lay na sila binuwanan kapatut buwat ilooy ma bay sinukuꞌ ninsila.

1 Tesaloneka 5:19

Siga danganakan, daa saggaun bi pabuwatan Rū Sutsiꞌ.

1 Timuti 4:14

Daa pasensengan nu ladjikiꞌ ma bay dean Rū Sutsiꞌ ningkau bay jaman siga pa-mmean sukuꞌ si Isa ngannaꞌ siga tangan da njataꞌ nu. Awnan ku ilay siꞌ yana kapandoyan ma bay tinunaꞌ meꞌ da njataꞌ nu.

1 Timuti 4:6

Na bong itu pasampay nu du bay bitsala ku siꞌ ni siga danganakan ta nnaa, malaingkan kau sosohoan si Isa Almasi kanaalla. Maka sasang nu nōꞌ kabanahan ma kinapitsayaan meꞌ ta sampay mmeꞌ ni tōꞌ ayad ma ndang binean meꞌ nu, mastiꞌ pasambu nu na nyawa nu.

2 Timuti 2:14

Na pasal ilooy ma bay sabbut ku siꞌ, pasampayun sa ni sukuꞌ si Isa nnaa man nu maintoman sila. Maka baan nu sila, ilu na Tuhan pakale-kale, subay sila yaꞌ na palamud ni pagjawapan jama pasal hatiyan siga bitsala. Yaꞌ du sina luu sōng na. Gam pin, inaa na kaboo sagannap ma bay pakale magsiꞌ man kabanahan.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.

Hibrani 6:2

ka hāl mandi, hāl nappak bumbunan jama maka hāl meꞌ manusiyaꞌ pinakallum pabalik sampay hāl meꞌ Tuhan motangan hukuman ma natas saumu-umu njataꞌ manusiyaꞌ.

2 Pitel 1:12

Na minsan ina ndang katoonan bi na mimon ma bay sabbut ku siꞌ, sampay tattog na kam mmeꞌ ni kabanahan, masi na pin situ ku maintoman kaam.

2 Pitel 3:1

Na siga kakasi ku, ituu itu suwat ku ni kaduwa na ningkaam. Ngkon ku itu nuwatan kaam ni kaduwa na man ku maintoman kaam kabanahan pabalik mari tattog na pamiki bi.

Suwat Lakka man si Jūd 1:5

Siga danganakan, san katoonan bi na pakaradjaan tuu siꞌ sikamimon, paintoman ta na pin kam. Mastiꞌ luu jaꞌ sina mintu masa Tuhan midjalaꞌ siga baldusa. Pamintangan bi na jaman bangsa Yahudi bay pinahata ndooy ni Ejip mattoꞌ. San sila bay pinaddusan meꞌ Tuhan mandooy, song hallom, adak na sila bay katis sikamimon matoy sabap yaꞌ sila bay pitsayaꞌ ni janjiꞌ Tuhan.