2 Timuti 1:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Timuti, tud basag situ kainagon ku sikita ka kau pabalik. Yaꞌ na pin situ takupan ku boheꞌ mata nu ngattap waktu ta bay sakkat. Bong siꞌ itu kita nduwan gi sitammu pabalik, landuꞌ na ehe kagakan ku.

2 Timuti 1:4 ပူးပေါင်းရင်းမြစ်များ

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 16:24

Halloman tabi dambuwaꞌ, yaꞌ gi luu bay paku bi niiya ni awon ku. Sugaꞌ batnaa, maku jaꞌ kam niiya. Mastiꞌ nduwan jaꞌ sina kam supaya pannoꞌ na atay bi leꞌ kagakan.”

Salsila siga Rasul 20:19

Sabuli-buli ku bay magtuyuꞌ maghulas-sangsāꞌ ntuu kalnaꞌ Papuꞌ maka yaꞌ ku bay pingkaꞌ matingkat dī ku man kasohean. Boꞌ daran gi ngattap boheꞌ mata ku ni kabasag gampang ku ningkaam. Maka katoonan bi na du jinisan katiksaan bay lingkaan ku sabapan siga sanggup ga Yahudi mapatoy aku.

Salsila siga Rasul 20:31

Sangkon, amay-amay iyakin kam. Daa takupan bi bay tōꞌ ku ningkaam. Njawom tallun taun, llaw-sangom yaꞌ na bay luu hantiꞌ ku noan kaam kabanahan saliꞌ-saliꞌ. Sampay lay na ga latak boheꞌ mata ku ni kabasag luuy ku ningkaam.

Suwat si Pol pa mman Baanan Sukuꞌ si Isa ndooy ni Rom 1:11

Kainagon ku sitammu na kitabi supaya kam tahampitan ku tōꞌ man Rū Sutsiꞌ mari magsasōng gi basag pangando bi ni si Isa.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 2:26

Kon ku itu nohoꞌ iya moleꞌ pa mman bi batan ngintom na konoꞌ ya banahan ningkaam sikamimon. Maka susa ya taggahaꞌ gampang na pin kam pagka lay taaka bi bay ya saki.

1 Tesaloneka 2:17

Siga danganakan, san itu kami lay pinaggos ngambanan kaam, bong atay kami, luu na jaꞌ du nnaa mman bi. Sangkon maglogtoꞌ na pin situ kami doman sikita pabalik ka kaam balharapan.

2 Timuti 4:21

Na meꞌ halling sambat ku na siꞌ, pagbuli-bulihan nu na magdeꞌ-dēꞌ pitu padpad yaꞌ gi taabut timpu tanne. Luu gi beꞌ ga si Yubulas, si Pudens, si Linus ka si Kladiya sampay mimon danganakan ta ntuu bay du nohoꞌ masampay salam duwaa da pa mman nu.

2 Timuti 4:9

Timuti, pagbuli-bulihan nu na magdeꞌ-dēꞌ pitu.

1 Yahiya 1:4

Maka kon ku itu nuwatan kaam supaya pannoꞌ na atay tabi leꞌ kagakan saliꞌ-saliꞌ.

Siga Pakaradjaan bay Pinalahil 21:4

Sagannap ma tumabeꞌ njawom daira looy, pinuusan na sina meꞌ Tuhan mimon boheꞌ mata da. Yaꞌ na luu kinasusahan ndooy. Kapatoy pun, ya na du luu. Damikiyan dukka maka tangis sampay paddi, yaꞌ na du luu ndooy, batan siga pakaradjaan maruhuꞌ meꞌ looy lay na lanyap.”

Siga Pakaradjaan bay Pinalahil 7:17

batan inipat sila meꞌ Bili-bili looy ma ni bihing paningkoan Tuhan. Binoo na sila meꞌ na pa siga poon boheꞌ ma muwan kaallum ma yaꞌ luu katapusan na. Maka puusan Tuhan na sina mimon boheꞌ mata da, hati na, yaꞌ na sila susa pabalik.”