2 Timuti 1:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Mehe pagsukuhan ku pa Tuhan ma bay inisbat meꞌ kabboꞌ-bboan ku sampay na aku. Meꞌ aku itu ngisbat Tuhan, sannang na atay ku, batan katoonan ku yaꞌ na luu pabuwat ku ma nulang ni honaꞌ-honaꞌ ku. Magsuku ku pa Tuhan sabapan nu. Sangkon, tuktuk ku maku duwaa pa Tuhan, sangom na ka, llaw na ka, yaꞌ situ lipas meꞌ ku nabbut awon nu.

2 Timuti 1:3 ပူးပေါင်းရင်းမြစ်များ

Lukas 2:37

Boꞌ yaꞌ na san ya bay llahan pabalik. Iya siꞌ tu mag-umu na umpuꞌ-mpat taun. Sangom-llaw luu na pin ya ndooy ni langga mehe numba Tuhan. Boꞌ daran gi ya puwasa sampay maku duwaa pa Tuhan.

Salsila siga Rasul 22:3

“Aku itu pagkahi bi du bangsa Yahudi bay pinamaddihan ni Tarsus ndooy ni Silisiya, sugaꞌ ntuu na situ man ku bay paehe ni Jerusalem. Maka aku itu bay baguru man Paꞌ Tuwan Gamaliyel mismu, ma bay noan kami lān adil banahan meꞌ mogbogan mimon saraꞌ kabboꞌ-bboan tabi. Maka meꞌ kaam du situ ku kanaalla ngisbat Tuhan.

Salsila siga Rasul 23:1

Na luu jaꞌ siꞌ si Pol, lay doꞌ ya ngandaꞌ pa mman baanan Sanhidrin looy, boꞌ na mitsala ninsila, yuk na, “Siga mbuwaꞌ danganakan, labba man sibuwa ngabut sampay batnaa, yaꞌ situ ku bay buwat oy maka oy na bong bistahan ku maat ni mata Tuhan.”

Salsila siga Rasul 24:14

Tuwan Gubnul, mangaku baw situ ku mmeꞌ ni lān kasalamatan ma baꞌ-bāꞌ siga pagkahi ku Yahudi ntuu magsāꞌ. Sugaꞌ bong baw inawnan Tuhan ma sumba ku, yana Tuhan kabboꞌ-bboan kami du. Maka pitsayaꞌ du baw situ ku ni mimon saraꞌ agama kami sampay na mimon suwat kanabi-nabihan njawom kitab.

Salsila siga Rasul 24:16

Sangkon sabuli-buli ku situ buwat mahap supaya tallak njawom honaꞌ-honaꞌ ku yaꞌ luu sutsutan njataꞌ ku pa Tuhan sampay ni pagkahi ku manusiyaꞌ.

Salsila siga Rasul 26:4

“Sikamimon pagkahi ku Yahudi toon ni hāl kawul-piil ku labba man kadikiꞌ ku ni lahat man ku bay pinamaddihan ngabut sampay jaman ku ndooy ni Jerusalem.

Salsila siga Rasul 27:23

Ngkon ku tu kabāꞌ meꞌ tuu batan dabuhiꞌ, luu malaikat bay patammu niyaku. Lay ya sinohoꞌ pa mman ku meꞌ Tuhan, ilooy ma sumba ku saltaꞌ na ma dapu baran ku.

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

Galatiya 1:14

Jaman looy ilay, tud bay ngamasag ku mogbogan jinisan taat kabboꞌ-bboan ku Yahudi. Maka tud bay ku magtuyuꞌ ngadjiꞌ. Bong inawnan siga pagkahi ku ma sibuꞌ-sibuꞌ umu ku du, tud bay meka tamban meꞌ ku.

Epesus 1:16

Sangkon yaꞌ na situ bay bakkat meꞌ ku magsuku pa Tuhan sabapan bi. Maka wā kam pakuhan ku duwaa.

1 Tesaloneka 3:10

Dari sangom-llaw na situ tiniggohan meꞌ kami maku duwaa pa Tuhan. Kamura-murahan nduwan na kami meꞌ na sitammu ka kaam pabalik. Batan kainagon kami luu na kami nnaa muwansangan kaam mari magsasōng na pin hallot pangando bi.

1 Timuti 1:19

Njawom nu nulang kalaatan, subay wā hallot pangando nu ni Papuꞌ Isa. Maka ilagan nu mimon pabuwatan ma nulang ni honaꞌ-honaꞌ nu. Luu sina kasohean ma yaꞌ na maruli honaꞌ-honaꞌ da sampay man pangando da na ni Papuꞌ Isa langkat. Pangando da ina, bong ndalil pa adjung, lay na binasa bay lumangga ni manunggu.

1 Timuti 1:5

Baan nu sila ngkon tabi noan jama umanat Tuhan supaya sila maasean pagkahi da manusiyaꞌ. Maaseꞌ ina, mastiꞌ takaya da jaꞌ bong sutsiꞌ niyat atay da, maka yaꞌ na sila buwat oy maka oy na ma nulang ni honaꞌ-honaꞌ da, maka bong sila kanaalla mangando ni si Isa Almasi.

1 Timuti 5:5

Siga bawu danda ma talpaksaꞌ tinulung yana sagannap ma yaꞌ luu lūng-kampung da samasakali mangatas ninsila. Siga bawu meꞌ looy ilay, yaꞌ luu pag-asa da sarī man Tuhan. Sangkon iya sa man da maku tulung sangom-llaw.

2 Timuti 1:5

Niyaꞌ takupan ku hilas pangando nu ni Papuꞌ Isa. Pangando nu ina, sibuꞌ du hantang na ka pangando bboꞌ nu Daꞌ Lowis ka nneꞌ nu si Yunis. Tumatandaꞌ na niyaku meꞌ bay na sinaynan pangando da ni jataꞌ nu.

2 Timuti 3:15

Man kadikiꞌ nu lagi, ndang lay na ko tinoan kabanahan njawom kitab. Inaa na sina man nu bay koleꞌ pangahati pasal kasalamatan para ni soysoy pitsayaꞌ ni si Isa Almasi.

Hibrani 13:8

Batan si Isa Almasi ilay, yaꞌ halin arat-tabiat na labba man awwal jaman ka batnaa sampay saumu.