2 Timuti 1:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.

2 Timuti 1:18 ပူးပေါင်းရင်းမြစ်များ

Lukas 1:72

Batan yaꞌ takupan Tuhan bay pagsulutan na ka kabboꞌ-bboan tabi manimbang ningkitabi siga panubuꞌ da.

Lukas 1:78

Kon ina Tuhan bay nganggantaꞌ meꞌ naa sabap mehe timbang na ka aseꞌ na ni manusiyaꞌ. Sangkon luu na sina mintu papitu na Almasi, yana tukang nalamat man sulgaꞌ. Katakka na ina mintu meꞌ karuha mataallaw pakallat muwan dantaꞌ ni manusiyaꞌ.

Lukas 8:3

Maka luu gi bay mmeꞌ si Jowanna, yana nda si Kusa ma tukang magmalim ni astanaꞌ Gubnul Herod. Maka luu gi si Susana sampay meka gi karandahan bay du mmeꞌ. Sila ilay bay nganggastusan si Isa ka ga mulit na ka sīn da dī da.

Salsila siga Rasul 18:19

Na lān da siꞌ song pa Siriya, lay gi sila pahās ni Epesus. Ndooy siꞌ, lay si Pol pilay pa langga Yahudi magbilmaarup ka sila pasal si Isa. Pag lay jaꞌ takale da bay bitsala si Pol, kainagon da pahallom na pin si Pol ndooy, sugaꞌ yaꞌ na baw ya bay kuhi. Sugaꞌ pus na muhun moleꞌ, yuk na, “Bbeleng sa ku bong nugut du Tuhan.” Pag-anu siꞌ, lay na ya patuwak song pa Siriya. Kuwan ga si Akila, lay na jaꞌ tamban ndooy ni Epesus.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

1 Korin 16:8

Batnaa, ntuu na doꞌ ku ni Epesus ngabut sampay paddus paballangan Pentekos,

1 Korin 3:13

Sugaꞌ kinatoonan du sina ni llaw hukuman bong mamooy tukang buwat lumaꞌ bay kanaalla ni pabuwatan bay hinalap ninsila. Batan pabuwatan da ina mintu ibaratan kalangkapan lumaꞌ, mastiꞌ sinuwayan jaꞌ sina ka api bong natas ka niyaꞌ.

2 Korin 9:1

Na ni hāl meꞌ bi mokonan sukuꞌ si Isa tulung, san situ siꞌ yaꞌ na kam bay paintoman ku njawom suwat tuu.

Epesus 2:4

Lipara, biddaꞌ na ehe timbang ka aseꞌ Tuhan ningkitabi.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

1 Timuti 1:3

Na Timuti, intomun bay halap ku ningkau waktu ku bay palakka man naa lān ku bay pitu pa Masidunya. Ngkon nu ilay bay sohoꞌ ku tamban nnaa ni Epesus supaya tasohoꞌ nu patagong sagannap ma mōꞌ tōꞌ palsu njawom baanan sukuꞌ si Isa. Sugaꞌ batnaa tu, luhud ku gi ngahalap ningkau pabalik.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

2 Timuti 1:16

Sugaꞌ kuwan si Onesiporus ka ga paglūng na, kamura-murahan pinanimbangan du sila meꞌ Papuꞌ. Batan takdang na ilay bay takka pitu pa Rom, yaꞌ bay luu katagong na miha ngkod-ngkoran ku yaꞌ gi bay tatammu na. Yaꞌ san ya bay iyaꞌ takita magpangandaꞌ aku san ku bay taingkot ka karina. Daran ya bay magamgaman aku.

2 Timuti 4:12

Kuwan si Tikikus, lay sohoꞌ ku pilu pa Epesus.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

1 Pitel 1:10

Ni kapasal aseꞌ Tuhan nalamat kitabi, ndang bay silay tinunaꞌ meꞌ kanabi-nabihan. Sugaꞌ yaꞌ gi bay tumampak banahan ninsila. Sangkon wā sila papiha-piha bong oy kamaatunan bay tunaꞌ da.

Siga Pakaradjaan bay Pinalahil 2:1

Pag-anu siꞌ, yuk na lagi niyaku, “Nuwat ko pilay pa mman pa-mmean looy ma ngantanan baanan sukuꞌ ku ndooy ni Epesus. Bong ko nuwat, yuk nu meꞌ tuu, “Bitsala tuu lakka man ilooy ma ngantanan siga potean sikapituꞌ ni kawnan na sampay ma lumān ni tangngaan pananggehan palitaan mmas sikapituꞌ. Yuk na meꞌ tuu,