2 Timuti 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

2 Timuti 1:10 ပူးပေါင်းရင်းမြစ်များ

Lukas 11:36

Sugaꞌ bong ina kam mandang jaꞌ meꞌ bi nulut kahandak Tuhan, malaingkan tud pinadantaan pamiki bi. Dari ko ngawon, mimon baran bi meꞌ sapantun pannoꞌ meꞌ dantaꞌ. Yaꞌ na kam njawom lindom samasakali batan meꞌ karuha luu na sūꞌ ninag njataꞌ bi paninggai-paninggai jaꞌ kam.”

Lukas 13:7

Dari yuk jama looy ni tindog na, ‘Uy, luu na la tallun taun halloman ku bay ngagad buwaꞌ igira tuu, sugaꞌ tud yaꞌ luu inagad. Gam na tabbongan nu na. Kalāt jaꞌ ya ni tanaꞌ.’

Lukas 2:11

Sangom tuu du siꞌ, luu na tukang nalamat bahau jaꞌ bay pinamaddihan ndooy ni bay daira Sultan Daud. Anak-anak looy ilay yana Almasi, Papuꞌ ma bay njanjiꞌ meꞌ Tuhan.

Yahiya 1:9

yana sūꞌ sabanna ma pitu pa junyaꞌ marantaan pamiki manusiyaꞌ.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 4:42

Dari halling da siꞌ man danda looy, “Saꞌ na situ sat ni bay tuntut nu man kami pitsayaꞌ niiya, batan kami na mismu lay na du kale bitsala na. Maka tabista kami na basta tud iya na tukang nalamat manusiyaꞌ.”

Yahiya 5:40

Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.

Salsila siga Rasul 13:23

Yuk si Pol lagi ninsila, “Na hallom maka hallom na, luu na baw pōꞌ disu panubuꞌ Sultan Daud yana si Isa, tukang nalamat ma bay njanjiꞌ meꞌ Tuhan ni bangsa tabi Israil.

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Suwat si Pol pa mman Baanan Sukuꞌ si Isa ndooy ni Rom 16:26

Pag batnaa, man kahandak Tuhan sabanna ma llum saumu-umu, lay na pinatallak umanat mahap ni mimon bangsa mari sila pitsayaꞌ ni si Isa sampay ngasip niiya.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

Suwat si Pol pa mman Baanan Sukuꞌ si Isa ndooy ni Rom 3:31

Sugaꞌ minsan itu lay na kitabi initung intong sabap meꞌ tabi pitsayaꞌ ni si Isa, saꞌ baw ina ga subay takupan tabi na saraꞌ Nabi Musa, gam pin tanggehan tabi lagi.

Suwat si Pol pa mman Baanan Sukuꞌ si Isa ndooy ni Rom 6:6

Dari tahati tabi na, pagkajama tabi maruhuꞌ ma maabak dusa, lay na tabeꞌ ni kapatoy si Isa nilansang taꞌ tehang. Sangkon batnaa, kawul-piil tabi yaꞌ na sibuꞌ ka maruhuꞌ. Sibuwa napsu tabi buwat dusa subay ga papuꞌ tabi magbayaan kitabi. Pag batnaa lay na lungay kawasa na njataꞌ tabi.

1 Korin 15:26

Na banta na ina ma dambuli tinalloban, yana kapatoy.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

2 Korin 5:4

Halloman tabi itu pahantiꞌ ni baran tabi batnaa, dari ko ngawon, ngandahing na kitabi sabap meka kasusahan tabi. Sugaꞌ saꞌ baw tu ga hatiyan na doman na kitabi matoy. Sat na jaꞌ, agon yaꞌ na kitabi kaagad masa man baran tabi ma kuhi gi matoy ginantian ka ilooy ma llum saumu-umu.

Galatiya 5:4

Lagiꞌ na, bong luu nnaa doman mangasa ni sangsāꞌ da mogbogan saraꞌ man da initung intong, sibuꞌ du sina sila ka bay palabba man si Isa Almasi. Maka tinuwak gi meꞌ da aseꞌ-tabang Tuhan ninsila.

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 1:9

Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

2 Tesaloneka 2:8

Dari pag taabut mintu waktu bay ginantaꞌ, pōꞌ na du sina pa-mmean looy. Sugaꞌ yaꞌ du sina mintu ya humallom batan ampud du sina ya meꞌ huwa napas Papuꞌ Isa pag beleng na.

2 Timuti 1:1

Ituu itu aku, yana si Pol, disu rasul si Isa Almasi man kahandak Tuhan. Aku itu bay sinohoꞌ meꞌ Tuhan masaplag pasal kaallum bahau ma bay njanjiꞌ meꞌ Tuhan ni soysoy ma tibuuk ka si Isa Almasi.

2 Timuti 1:8

Sangkon daa na ko tawu maan jama pasal Papuꞌ ta. Damikiyan, daa na du ko tawu mangaku ga aku soheꞌ nu sukat ku njawom jīl. Gam pin, magpalapay na ko niyaku natasan oy-oy kamalasahiyan kalnaꞌ umanat mahap pasal Papuꞌ ta. Ndang-ndang luu du kawasa Tuhan nganggaosan kita.

2 Timuti 4:1

Na pag bbeleng Papuꞌ Isa ina mintu pa junyaꞌ magsultan, ngahukum na ya manusiyaꞌ sikamimon, llum-matoy. Sangkon, itu na ni pag-awpan Tuhan ka si Isa Almasi, sohoꞌ ta na ko

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Taytus 2:11

Kitabi itu sikamimon ma pitsayaꞌ ni si Isa, subay ayad kawul-piil tabi pagka luu na bay pinalahil meꞌ Tuhan aseꞌ-tabang na ningkitabi. Batan luu na si Isa bay papitu na pa junyaꞌ supaya luu na dapat man mimon manusiyaꞌ koleꞌ kasalamatan.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Taytus 3:4

Lipara, pag taabut waktu bay ginantaꞌ meꞌ Tuhan, yana poonan kasalamatan tabi, lay na ya malahil timbang na ka aseꞌ na ni manusiyaꞌ.

Hibrani 10:32

Intomun bi doꞌ bay kahalan bi sibuwa bi bay mmeꞌ ni si Isa, jaman pamiki bi bohoꞌ bay pinadantaan. Saꞌ ba, biddaꞌ na ehe kabinsanaan bay tatasan bi?

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.

2 Pitel 1:3

Ni kaehe kawasa Tuhan, luu na bay dean na kitabi kaallum bahau sampay mimon ma gunahan ningkitabi man ngikut arat-tabiat na. Lay na dean na kitabi ilooy siꞌ sikamimon pag lay jaꞌ tabi lungbid ka iya. Maka lay na kitabi liyun na pa jawom okoman na supaya kitabi tumabeꞌ ni kabantugan na ka kaayaran na.

2 Pitel 2:20

Na sibuwa ilay, siga guru palsu looy siꞌ bay ngahasi kabanahan pasal tukang nalamat kitabi, yana Papuꞌ tabi si Isa Almasi. Pag toklas na, lay na labbahan da mimon kawul-piil da maat ma katamak ni manusiyaꞌ. Pag batnaa, meꞌ ga takawum na baw sila balik meꞌ napsu da buwat dusa. Dari mas maat gi kaadaan da ni batnaa man jaman da yaꞌ gi bay mmeꞌ ni si Isa.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

2 Pitel 3:2

Yaꞌ ku doman takupan bi bay bitsala kanabi-nabihan ka siga panohoan Papuꞌ Isa, yana tukang nalamat kitabi. Boꞌ ilooy na silay siga panohoan ma bay pinasampay ningkaam meꞌ kami siga rasul na.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

Siga Pakaradjaan bay Pinalahil 18:1

Pus meꞌ looy, ngita na baw ku disu malaikat mehe kawasa-kapatut na duwai man sulgaꞌ. Ni kabasag sahayaꞌ na, dantaꞌ na ga ni sikaliput junyaꞌ.

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 20:14

Dari sagannap ma yaꞌ bay tasuwat awon da njawom Būk Kaallum, lay na hiniyakan pa jawom danaw looy ma pannoꞌ leꞌ api. Na ilooy ilay siꞌ inawnan kapatoy ni kaduwa na. Kapatoy pun sampay tahanan jama matoy, lai na du hiniyakan pa jawom danaw looy. Dari labba mandooy ilay mintu, yaꞌ na luu kapatoy maka tahanan jama matoy.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.

Siga Pakaradjaan bay Pinalahil 22:17

Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.