2 Tesaloneka 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Maka pagka tibuuk na kam ka Papuꞌ Isa, tatantu kami bean bi na sina mimon bay tugun kami ningkaam ngabut sampay ni sinōng.

2 Tesaloneka 3:4 ပူးပေါင်းရင်းမြစ်များ

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 15:18

Sugaꞌ yaꞌ baw tu ku nawakka mag-abbu ni oy maka oy na sarī man Almasi. Isu-isu iya du bay nampulnaꞌ pabuwatan ku sampay bitsala ku supaya pitsayaꞌ na siga bangsa ma saꞌ Yahudi ni umanat mahap pasal iya.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

1 Korin 14:37

Soysoy kam nnaa mista kaam tukang masampay umanat man Tuhan sampay tattap ngasip ni Rū Sutsiꞌ, bong ina bana du, tabista bi jaꞌ sina ituu ma sinuwatan meꞌ ku ningkaam tud lakka man panohoan Papuꞌ Isa.

1 Korin 7:19

Batan inislam yaꞌ inislam ina, yaꞌ du luu paluntungan na. Ilooy ya mehe pa Tuhan bong tabi mmeꞌ ni kahandak na.

2 Korin 2:3

Sangkon lay na doꞌ bay paruhuꞌ ku suwat ku man mitsalahan kaam, taggahaꞌ pag pilu ku, susa na baw ku leꞌ bi. Boꞌ kainagon ku ilay siꞌ, tuktuk ku pilu, subay ku koleꞌ jaꞌ kagakan njataꞌ bi. Batan katoonan ku, tiyap-tiyap ku gāk sabapan kadarihan bi, malaingkan gāk du kam.

2 Korin 2:9

Aku ilay bay nuwatan kaam maruhuꞌ pasal lalla looy man ku jaꞌ mindoga bong kam bana-bana du mmeꞌ ni kallong ku atawa niyaꞌ. Kahapan lay du kam mmeꞌ.

2 Korin 8:22

Sarī man ga si Taytus, luu gi situ disu danganakan tabi sohoꞌ kami du mmeꞌ pilu. Min meka na situ ya bay takita kami tiggo maghulas-sangsāꞌ kalnaꞌ Papuꞌ. Boꞌ na, pag bay ya binaan pasal kaam, lay gi pabasag kainagon na nabangan kaam sabap tatantu na kanaalla du kam pa Tuhan.

Galatiya 5:10

Kamasaꞌ, pagka ina kam ndang luu na njawman Papuꞌ Isa, tatantu ku mastiꞌ pabeleng du sina kam pa kabanahan ma bay tōꞌ ku ningkaam. Boꞌ ga jama looy ilay ma ngalingog pamiki bi ka tōꞌ palsu, soy maka soy na, basta kalabuan jaꞌ sina sila hukuman meꞌ Tuhan.

Pilipi 1:6

Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

1 Tesaloneka 4:10

Boꞌ tumatandaꞌ du, batan maaseꞌ na du sina kam ni mimon danganakan bi ni sikaliput Masidunya. Sugaꞌ siga danganakan, junjung kami na ningkaam, duhunan bi lagi.

2 Tesaloneka 3:12

Na sagannap ma meꞌ looy arat da, ni kapatut Papuꞌ tabi si Isa Almasi njataꞌ kami, ituu tugun kami ninsila: Subay sila yaꞌ hangat nganjagahan kaadaan jama. Maka subay sila ngusahān dī da.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.

Pilimun 1:21

Kamasaꞌ, sasang ku itu nuwat suwat tuu, ndang tatantu ku du pag lay mintu tasambut nu, mastiꞌ duwan nu jaꞌ sina paku ku. Maka bistahan ku san labi gi man naa.