2 Tesaloneka 3:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Kahapan kanaalla du Papuꞌ tabi si Isa. Taasahan bi sina ya mataggu iman bi sampay nganjagahan kaam supaya kam yaꞌ takoleꞌ sinasat meꞌ Ibilis.

2 Tesaloneka 3:3 ပူးပေါင်းရင်းမြစ်များ

Panagnaan 48:16

Maka kamura-murahan sinupaatan du ga anak-anak tuu meꞌ malaikat ma bay maddusan aku man mimon bahaya njataꞌ ku. Kamura-murahan man sabapan ga anak-anak tuu, pinaehe du awon ku ka awon mmaꞌ ku si Isahak sampay na awon Boꞌ ku Ibrahim. Kamura-murahan paeka boꞌ paeka na pin panubuꞌ da taꞌ babaw junyaꞌ ngabut sampay yaꞌ na sila taambat.”

Matiyu 5:37

Sangkon, ddong na kam napa. Bong kam bay halling, ‘Ohoꞌ,’ saddong ohoꞌ jaꞌ. Atawa bong kam bay halling, ‘Niyaꞌ,’ saddong niyaꞌ jaꞌ. Batan bong sambungan bi lagi ka sapa, malaingkan tumatandaꞌ lay jaꞌ kam takoleꞌ ndupang meꞌ Ibilis.

Matiyu 6:13

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Lukas 11:4

Maka Maꞌ, maku kami kaampunan ni bay dusa kami. Ndang-ndang lay na du kami ngampun sikamimon ma dusahan ningkami. Maka maku kami tabang ningkau mari yaꞌ kami takoleꞌ meꞌ jinisan sasat.’ ”

Yahiya 17:15

Yaꞌ baw tu ngkon ku makuhan sila duwaa supaya sila boo nu pōꞌ man junyaꞌ tuu. Ilooy ya paku ku bong pin agpangan nu jaꞌ sila supaya sila yaꞌ takawum leꞌ Ibilis.

1 Korin 1:9

Tuhan ina taasahan. Boꞌ iya na sina bay ngaliyun kitabi supaya kitabi kapagrahasiyaꞌ na ka Anak na, yana Papuꞌ tabi si Isa Almasi.

1 Korin 10:13

Intomun bi, oy-oy ina sasat ma tuwaꞌ ningkitabi, sibuꞌ du sina ka siga sasat ma tuwaꞌ ni manusiyaꞌ sikamimon. Kahapan, kanaalla du Tuhan nabangan kitabi. Yaꞌ du sina ya mabiya kitabi njawom sasat ma gantaꞌ yaꞌ takaya tabi. Oy-oy ina sasat njataꞌ tabi, binuwanan du sina tabi meꞌ na gaos supaya kitabi katatas ngilagan dusa.

1 Tesaloneka 5:24

Tuhan ina kanaalla. Dari pagka iya na mismu bay ngaliyun kaam pa jawom okoman na, mastiꞌ kinabbul jaꞌ sina meꞌ na mimon ma bay paku ku siꞌ para ningkaam.

2 Timuti 4:18

Maka katoonan ku du mastiꞌ sinalamat du sina mintu ku meꞌ Papuꞌ man mimon kalaatan ma song tumiluꞌ njataꞌ ku. Maka boo na du sina ku pa jawom pamarinta na ndooy ni sulgaꞌ. Pudji mehe niiya pangkat-mamangkat saumu-umu! Amin.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

2 Pitel 2:9

Sangkon ni mimon bay sabbut ku siꞌ, tumatandaꞌ na pandoy Tuhan maddusan jama ma ngisbat iya man jawom kasusahan. Damikiyan, pandoy du baw ya niksaꞌ jama ma yaꞌ intong njawom tahanan ngabut sampay sila pinidjalaꞌ ni llaw hukuman.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.