2 Tesaloneka 3:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Bong ndaꞌ bi luu nnaa yaꞌ maruli ni pituwa kami jawom suwat tuu, indanan bi. Daa na kam palamud ninsila supaya tabista da na yaꞌ tuwaꞌ pabuwatan da, boꞌ da iyaꞌ ni dī da.

2 Tesaloneka 3:14 ပူးပေါင်းရင်းမြစ်များ

Matiyu 18:17

Bong yaꞌ hasi na palbiatan saksiꞌ nu, pasahid ko ni baanan pagkahi bi ni langga. Na bong masi gi ya yaꞌ mmeꞌ ni palbiatan siga pagkahi bi, bilangun bi na ya jama yaꞌ pitsayaꞌ ni Tuhan ka baldusa meꞌ karuha siga tukang ninga sukay.

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

1 Korin 4:14

Na aku lay siꞌ bay nuwat meꞌ looy, yaꞌ du silay ga man ku makiyaꞌ kaam, arapun man ku jaꞌ maintong kaam, batan sibuꞌ na kam ka anak ku, yana kakasi ku.

1 Korin 5:11

Arapun ilooy ya ilay siꞌ bay maksud ku, yaꞌ ku doman kaam palamud ni siga jama ma mangaku mmeꞌ ni si Isa bong maat pabuwatan da, yana meꞌ sapantun magjina, magnapsu mulakab maka numba siga tuhan-tuhan. Maka ilagan bi du sagannap ma mangaku mmeꞌ ni si Isa bong sila pamitna, palalango ka pangalupig. San mangan, daa na kam palamud ninsila.

1 Korin 5:9

Na ni bay suwat ku ilay maruhuꞌ, ndang bay na kam bandaan ku yaꞌ nohoꞌ palamud ni jama ma magjina.

2 Korin 10:6

Na kuwan kaam nnaa, pag takka kami pilu, ndaꞌ ta sa bong ngasip du kam ni kahandak Almasi. Bong ina mintu tumatandaꞌ ngasip du kam, mahap sina. Sugaꞌ bong ina mintu amu-amu luu nnaa yaꞌ ngasip, mastiꞌ malasahi jaꞌ sina meꞌ kami.

2 Korin 2:9

Aku ilay bay nuwatan kaam maruhuꞌ pasal lalla looy man ku jaꞌ mindoga bong kam bana-bana du mmeꞌ ni kallong ku atawa niyaꞌ. Kahapan lay du kam mmeꞌ.

2 Korin 7:15

Maka ndaꞌ ku, pag luu jaꞌ si Taytus bay pabeleng pitu, tud lay na pasōng ehe aseꞌ na ningkaam. Maka tud gāk ya konoꞌ tuktuk taintom na lay ya hinasi meꞌ bi paayad sampay inasip ni palbiatan na. Boꞌ hanggaw gi kam konoꞌ taggahaꞌ yaꞌ kam kinahopan meꞌ na.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Kolossa 4:16

Na pus bi mintu matsa suwat tuu, pokonan bi na baw pilay pa mman baanan sukuꞌ si Isa ndooy ni Leyodisiya supaya tabatsa da na du. Damikiyan, suwat ma bay pokonan ku pa mman da, pakuhun bi du ninsila boꞌ batsahun bi ni awpan siga danganakan tabi nnaa.

1 Tesaloneka 4:8

Na bong luu kam nnaa nuwak tōꞌ tuu siꞌ pasal kasutsian, saꞌ ga silay tōꞌ manusiyaꞌ tuwak bi, arapun iya tuwak bi Tuhan mismu, batan iya bay ngandean Rū Sutsiꞌ ningkitabi supaya kitabi sutsiꞌ.

2 Tesaloneka 3:6

Na siga danganakan, ni kapatut bay ndean kami meꞌ Papuꞌ tabi si Isa Almasi, luu gi situ panohoan ku ningkaam. Bong luu pagkahi bi sukuꞌ si Isa nnaa ma hūk buwat maka yaꞌ mean bay tōꞌ kami ningkaam, daa kam palamud ninsila.

Taytus 2:8

Amay-amay bila ko mitsala, subay bana jaꞌ supaya yaꞌ luu man nu tasahawi. Meꞌ naa inaa, alang-kapalang sagannap ma nulang kitabi mitsala kitabi pa kalaatan.

Taytus 3:10

Bong luu njawom baanan bi tigiꞌ mōꞌ pagsaggaan, sohoun patagong. Bong min duwa na sila bay sinaggong, boꞌ amu-amu yaꞌ ngasip, daa na kam palamud ninsila.

Pilimun 1:21

Kamasaꞌ, sasang ku itu nuwat suwat tuu, ndang tatantu ku du pag lay mintu tasambut nu, mastiꞌ duwan nu jaꞌ sina paku ku. Maka bistahan ku san labi gi man naa.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

2 Yahiya 1:10

Na bong luu jama pilu pa mman bi nōꞌ sarī man tōꞌ Almasi, daa na padutaihun bi maka daa san gallakun bi.