2 Tesaloneka 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Pag toklas na, kalabuan na sina sila hukuman ma hinalliꞌ ni mimon ma yaꞌ pitsayaꞌ ni kabanahan ka tigiꞌ buwat kalaatan.

2 Tesaloneka 2:12 ပူးပေါင်းရင်းမြစ်များ

Malkus 14:11

Pag bay takale da halling si Judas meꞌ looy, tud bay gāk sila. Sampay lay na ga ya njanjian binuwanan sīn. Dari labba mandooy, bbuwatan si Judas, miha na jaꞌ lawang man na ma-ntan si Isa ninsila gantaꞌ yaꞌ tasayu jama.

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Suwat si Pol pa mman Baanan Sukuꞌ si Isa ndooy ni Rom 1:32

San katoonan da na njawom siga panohoan Tuhan ga jama ma buwat meꞌ looy tawop pinapatoy, amu-amu gi du sila maabak kalaatan. Boꞌ ilooy gi kagakan da bong sila ngita siga pagkahi da ngakig sila.

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

1 Korin 13:6

Bong jama maaseꞌ, yaꞌ gāk ni oy-oy pabuwatan maat. Ilooy ya kagakan na, bong jama buwat kaintongan.

1 Tesaloneka 5:9

Boꞌ pataꞌ du silay ningkitabi ngaholat meꞌ looy batan ndang garaꞌ Tuhan ina nalamat kitabi. Inaa sina kon na bay mapitu Papuꞌ tabi si Isa Almasi pa junyaꞌ. Saꞌ kahandak na ngalabuan kitabi mulkaꞌ.

2 Tesaloneka 2:10

Kajinisan na jalan man na ngakkahan jama ma song pa nalkaꞌ. Binasa sina mintu sila sabap yaꞌ bay hagaan ninsila kabanahan. Bong siꞌ ilay bay hagaan ninsila, mastiꞌ sinalamat jaꞌ sila meꞌ Tuhan mari sila yaꞌ binasa.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.