2 Tesaloneka 1:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

2 Tesaloneka 1:3 ပူးပေါင်းရင်းမြစ်များ

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Lukas 17:5

Pag-anu, yuk siga rasul si Isa, “Tuwan, bong anu, toan doꞌ kami mari pabasag na pin pangando kami pa Tuhan.”

Yahiya 15:2

Iya notoan mimon engas ku ma yaꞌ buwaꞌ. Kuwan sagannap engas ku ma pabuwaꞌ, llassahan meꞌ na mari magsasōng gi eka buwaꞌ da.

Suwat si Pol pa mman Baanan Sukuꞌ si Isa ndooy ni Rom 1:8

Duhuꞌ-duhuꞌ bitsala ku, ni awon si Isa Almasi, magsuku ku pa Tuhan sabapan bi sikamimon. Magsuku ku sabap aka pasal pangando bi ni si Isa tanyag na ni sikaliput junyaꞌ.

1 Korin 1:4

Yaꞌ situ bakkat meꞌ ku magsuku pa Tuhan sabapan aseꞌ-tabang bay dean na kaam pagka tibuuk na kam ka si Isa Almasi.

2 Korin 10:15

Yaꞌ kami biyasa magpabantug ni pabuwatan jama sampay mangaku saula-ula kami ya bay maghulas-sangsāꞌ. Yaꞌ kami muhung sinanglitan, arapun puhung kami, bong pin pahallot jaꞌ pangando bi ni si Isa. Kainagon kami, hallot na pangando bi mari kami sumunsayaꞌ na ngaliput lahat bi masaplag supaya song paeka na pin jama pitsayaꞌ ni si Isa.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Pilipi 1:7

Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Pilipi 1:9

Aku tu makuhan kaam na pin duwaa, kamura-murahan magsasōng na pin aseꞌ bi pa Tuhan sampay pa mimon manusiyaꞌ. Maka kamura-murahan pasōng na pin pangahati bi ka bistuhan bi

1 Tesaloneka 3:12

Maka kamura-murahan pinabasag na pin meꞌ Papuꞌ aseꞌ bi ni pagkahi bi sukuꞌ si Isa sampay ni jama mimon meꞌ karuha basag aseꞌ kami ningkaam.

1 Tesaloneka 3:6

Pag batnaa, yaꞌ na luu kagampangan ku sabap bahau jaꞌ si Timuti bay takka moo habal mahap pasal kaam. Bāꞌ na, masi hallot pangando bi, maka masi kam basag sikaaseꞌ-kaaseꞌ. Maka bāꞌ na, tud gāk kam tuktuk kami tapanambung bi. Maka yuk na, meꞌ kami na du kam konoꞌ wā maglogtoꞌ doman sitammu ka kami pabalik.

1 Tesaloneka 3:9

Tud mehe meꞌ kami magsuku pa Tuhan sabapan bi. Ilu na Tuhan pakale-kale, biddaꞌ na situ ehe kagakan kami ni kadarihan bi.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

2 Tesaloneka 2:1

Na siga danganakan, ni kapasal katakka Papuꞌ tabi si Isa Almasi ina maka ni hāl meꞌ tabi kumpo-kumpo nampang iya, meꞌ tuu silay mintu karuha na:

2 Tesaloneka 2:13

Boꞌ kaam ina, siga danganakan, pabiddaꞌ man sila. Sangkon pataꞌ du kami wā muwan pagsukuhan pa Tuhan sabapan bi, yana siga kakasi Tuhan. Labba man sibuwa lagi, ndang lay na kam peneꞌ Tuhan tabeꞌ ni sukuꞌ na. Maksud Tuhan supaya kam salamat man sabapan Rū na nutsiꞌ pangatayan bi maka sabap meꞌ bi pitsayaꞌ ni kabanahan.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

2 Pitel 1:13

Kon meꞌ looy batan tasayu ku yaꞌ na ku humallom ni junyaꞌ tuu. Man ku kasayu meꞌ looy batan bay pinalahil meꞌ Papuꞌ tabi si Isa Almasi niyaku. Dari padpad yaꞌ lagi ku bay limbu, sapatut na, paintoman ta na pin kam tōꞌ sabanna man ku mangun pamiki bi.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam