2 Pitel 3:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Damikiyan, gumi ka langit ma luu ni batnaa, ampud leꞌ api bbos-bbos man sabapan palman Tuhan du. Sugaꞌ nilantan gi sina ngkod-ngkoran yaꞌ gi taabut llaw hukuman, yana llaw man Tuhan makaat sagannap ma yaꞌ luu tawu da niiya.

2 Pitel 3:7 ပူးပေါင်းရင်းမြစ်များ

Matiyu 10:15

Baan ta kam banahan, pag ina mintu taabut llaw hukuman Tuhan, bohat gi sina mintu mulkaꞌ njataꞌ da man ilooy ma bay katuwaꞌ ni siga jama Sodom ka Gomora.”

Matiyu 11:22

Sangkon, baan ta kam banahan, pag ina mintu taabut llaw hukuman Tuhan, bohat gi sina mulkaꞌ njataꞌ bi man mulkaꞌ Tuhan njataꞌ siga jama man Tayil ka Saydon.

Matiyu 11:24

Sangkon, baan ta kam banahan, pag ina taabut llaw hukuman Tuhan, bohat gi sina mintu mulkaꞌ njataꞌ bi man bay mulkaꞌ njataꞌ siga jama Sodom.”

Matiyu 12:36

Baan ta kam banahan, pag taabut llaw hukuman, mimon ina mintu manusiyaꞌ paawop na pa Tuhan magsabanna ni mimon bitsala da ma yaꞌ bay pataꞌ pinōꞌ.

Matiyu 24:35

Indanan bi. Lanyap jaꞌ sina mintu gumi ka langit, sugaꞌ bong bitsala ku, yaꞌ baw situ kuhi baluba saumu-umu.

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Malkus 6:11

Sugaꞌ bong baw kam bay takka ni disu daira boꞌ bi yaꞌ hinasi atawa yaꞌ pinaruli umanat bi, lakka na kam mandooy. Sugaꞌ papasan bi doꞌ duhuꞌ momok tanaꞌ lahat da ma ngakkot ni sinilas bi tandaꞌ yaꞌ na luu lamud bi ninsila.”

Yahiya 12:48

Sugaꞌ pag taabut llaw dambuli, mastiꞌ kalabuan jaꞌ sina hukuman sagannap ma bay nuwak aku ka tōꞌ ku. Boꞌ pindoga man da kalabuan hukuman, yana tōꞌ ku.

Suwat si Pol pa mman Baanan Sukuꞌ si Isa ndooy ni Rom 2:5

Sabana na, sagannap ma amu-amu tohas kōk da yaꞌ kuhi nawbat, sibuꞌ du sina sila ka sigi-sigi ngumpohan dī da pidjalaꞌ. Pinidjalaꞌ du sina mintu sila pag taabut llaw man huwis looy ma intong, yana Tuhan, ngalabuꞌ hukuman na.

1 Korin 3:13

Sugaꞌ kinatoonan du sina ni llaw hukuman bong mamooy tukang buwat lumaꞌ bay kanaalla ni pabuwatan bay hinalap ninsila. Batan pabuwatan da ina mintu ibaratan kalangkapan lumaꞌ, mastiꞌ sinuwayan jaꞌ sina ka api bong natas ka niyaꞌ.

Pilipi 1:28

Siga danganakan, daa kam tawu san gi oy pabuwat sagannap ma nguntra kaam. Bong ina kam yaꞌ tawu, tabistu na meꞌ banta bi minulkaan sila meꞌ Tuhan bbos-bbos. Boꞌ kaam ina, tabistu da na sinalamat.

2 Tesaloneka 2:3

Daa kam mmeꞌ-mmeꞌ ninsila, batan inawnan llaw katakka Papuꞌ, yaꞌ sina takita ngkod-ngkoran yaꞌ gi luu duhuꞌ sakiyan manusiyaꞌ nuwak Tuhan. Maka subay luu doꞌ duhuꞌ pōꞌ disu pa-mmean ma tukang nulang saraꞌ Tuhan. Iya ilay sukuꞌ nalkaꞌ.

1 Timuti 6:9

Sugaꞌ jama ina ma maglogtoꞌ dayahan, luu jaꞌ sina masa da takoleꞌ sinasat meꞌ Ibilis. Takawum sila meꞌ napsu da ni jinisan karupangan ma kamalasahi ninsila sampay man da na binasa.

Hibrani 12:29

Batan Tuhan ma sumba tabi ina, subay ga api noleyab ngampud sikamimon bong lasu na.

2 Pitel 2:9

Sangkon ni mimon bay sabbut ku siꞌ, tumatandaꞌ na pandoy Tuhan maddusan jama ma ngisbat iya man jawom kasusahan. Damikiyan, pandoy du baw ya niksaꞌ jama ma yaꞌ intong njawom tahanan ngabut sampay sila pinidjalaꞌ ni llaw hukuman.

2 Pitel 3:10

Sugaꞌ lantan yaꞌ lantan, mastiꞌ luu jaꞌ sina mintu llaw Papuꞌ pabeleng. Boꞌ kakuratan jaꞌ sina mintu jama ni katakka na meꞌ karuha jama kakuratan meꞌ sugaru. Ni llaw looy ilay mintu, luu gi ngallub boꞌ magti ampud mimon-mimon taꞌ langit sampay lanyap na du langit. Damikiyan gumi pun sampay na mimon-mimon taꞌ babaw junyaꞌ ampud na du sina leꞌ api.

2 Pitel 3:12

halloman tabi ngagad sampay magdautan katakka Almasi ni llaw ma bay ginantaꞌ meꞌ Tuhan. Ni llaw looy ilay mintu, meꞌ halling sambat ku na siꞌ, ampud na sina langit maka tunaw ga mataallaw, buwan ka siga potean leꞌ hawa api.

1 Yahiya 4:17

Bong ina tattap aseꞌ tabi ni manusiyaꞌ, tumatandaꞌ du tattap aseꞌ tabi pa Tuhan. Maka tatantu tabi na pag mintu taabut llaw hukuman, yaꞌ na luu katawuhan tabi sabap lay na taakig tabi tabiat si Isa ntuu ni junyaꞌ.

Suwat Lakka man si Jūd 1:7

Damikiyan, pamintangan bi na palas ni siga daira Sodom ka Gomora ka ga daira ma ngaliput sila mattoꞌ. Sabapan kajinahan jama ndooy ka kasabuhan kalallahan ubay ka pagkahi da lalla, lay na ampud siga daira looy meꞌ api pinalabuꞌ meꞌ Tuhan man taꞌ langit. Dari labba mandooy, luu na matakaddam ningkitabi bong oy palas njataꞌ baldusa bbos-bbos. Ndang luu na silay hinalliꞌ ninsila api ma yaꞌ na kuhi pawom saumu.

Siga Pakaradjaan bay Pinalahil 17:11

Na kuwan sattuwa looy ma bay awnan ku siꞌ ma bay luu maruhuꞌ-ruhuꞌ, pag batnaa niyaꞌ na, iya pun disu sultan du ni ka-wawuꞌ na pasunuꞌ man siga sultan looy siꞌ sikapituꞌ. Sugaꞌ ndang luu na silay gantaan niiya pinidjalaꞌ njawom nalkaꞌ.

Siga Pakaradjaan bay Pinalahil 17:8

Kuwan sattuwa looy siꞌ ma bay takita nu, ndang bay luu silay maruhuꞌ-ruhuꞌ, pag batnaa lay na ya limbu. Sugaꞌ yaꞌ na du sina hallom, luu na du ya kaluwa pabalik man jawom lowang tangob looy ma yaꞌ mag-ngkoran lawom na. Sugaꞌ pag beleng na ina mintu, yaꞌ du hallom, tanalkaꞌ du ya. Pag ilay mintu pōꞌ sattuwa looy, tud inu-inu jama sukuꞌ junyaꞌ, yana sagannap ma ndang yaꞌ bay sinuwatan awon da njawom Būk Kaallum labba man kapayak junyaꞌ. Ngkon da ina mintu inu-inu ni sattuwa looy sabap ndang luu na ya maruhuꞌ, pag-anu, lay na limbu, sugaꞌ luu na sina mintu kaluwa pabalik.”

Siga Pakaradjaan bay Pinalahil 20:11

Pag-anu siꞌ, ngita na baw ku disu paningkoan sultan, tud mehe ka poteꞌ. Maka luu na du takita ku ilooy ma ningkōꞌ ndooy. Kuwan junyaꞌ ka langit, lay na lanyap man pag-awpan na sampay yaꞌ na takita pabalik.

Siga Pakaradjaan bay Pinalahil 21:1

Pag-anu siꞌ, luu na baw takita ku langit bahau ka junyaꞌ bahau, batan langit maruhuꞌ ka junyaꞌ maruhuꞌ lay na lanyap. Dilawut pun, yaꞌ na du luu.