2 Pitel 3:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Maka mimon-mimon taꞌ babaw junyaꞌ mattoꞌ bay pingkaꞌ binasa meꞌ dunuk mehe man sabapan palman Tuhan du.

2 Pitel 3:6 ပူးပေါင်းရင်းမြစ်များ

Panagnaan 9:15

mastiꞌ tapanambung ku du bay janjiꞌ ku ningkaam sampay ni mimon balnyawa. Dari yaꞌ na sina mintu pabiya ku boheꞌ ngatisan mimon balnyawa taꞌ junyaꞌ pabalik.

Lukas 17:27

Jaman looy ilay, yaꞌ bay taingat da ga luu balaꞌ takka pa mman da ni sinōng. Dari bbuwatan da llaw pa dangallaw meꞌ ndang kabiyasahan da du, nginum ka mangan sampay sitampu-tampu. Sugaꞌ pag taabut llaw man ga Nabi Nū bay dutai taꞌ bahitlaꞌ, sakayi ga jama lahat looy kasayu, takka na dunuk sampay lay na sila matoy limbo sikamimon.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.