2 Pitel 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Yuk da ina mintu ningkaam, “Saꞌ ba, Papuꞌ bi bay nganjanjiꞌ pabeleng? Bong mattan, ongoy yaꞌ gi luu? Labba man jaman kabboꞌ-bboan tabi bay matoy ngabut sampay batnaa, masi du sibuꞌ kaadaan lahat. Junyaꞌ tuu yaꞌ bay halin labba man jaman na bay pinapayak.”

2 Pitel 3:4 ပူးပေါင်းရင်းမြစ်များ

Panagnaan 19:14

Dari siꞌ, lai na si Lut pa mman siga lalla tunang ga anak na, yuk na ninsila, “Siglaꞌ na kam! Lakka na kitabi mantuu! Hinansu na situ meꞌ Tuhan daira tuu!” Sugaꞌ yaꞌ san sila maruli. Kanna da maglata jaꞌ ya.

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 24:28

Pag-anu siꞌ, lay na baw si Isa makoy sambatan, yuk na, “Ndang bong ina luu sumpatoy, mastiꞌ luu du sina pumpung siga manuk-manuk ma mangan sumpatoy.”

Matiyu 24:48

Sugaꞌ bong ilay ya ata maat, bbuwatan na minsanaꞌ pagkahi na ata maka nginum-mangan jaꞌ ya ka jama palalango. Njawom honaꞌ-honaꞌ na, hallom gi du takka papuꞌ na.

Malkus 10:6

Sugaꞌ bong siꞌ bay intom bi, jaman Tuhan mapayak mimon-mimon, meꞌ na bay mapayak manusiyaꞌ disu lalla ka disu danda supaya sila sitampu.

Malkus 13:19

Batan biddaꞌ na silay mintu kamalasahiyan ma labuꞌ taꞌ manusiyaꞌ pag taabut meꞌ looy. Kamalasahiyan meꞌ looy ilay mintu, yaꞌ gi luu manusiyaꞌ bay ngissa labba man jaman Tuhan bay mapayak junyaꞌ tuu sampay batnaa. Kahapan yaꞌ na du baw lay kabalikan saumu.

Lukas 12:45

Sugaꞌ bong ina ata yaꞌ kanaalla, njawom atay na, ‘Hallom gi du boꞌ papuꞌ ku pabeleng.’ Dari bbuwatan na minsanaꞌ pagkahi na ata, danda-lalla, boꞌ na magpakaruwan na jaꞌ nginum-mangan sampay maglangohan.

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

2 Pitel 3:12

halloman tabi ngagad sampay magdautan katakka Almasi ni llaw ma bay ginantaꞌ meꞌ Tuhan. Ni llaw looy ilay mintu, meꞌ halling sambat ku na siꞌ, ampud na sina langit maka tunaw ga mataallaw, buwan ka siga potean leꞌ hawa api.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,