2 Pitel 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Yaꞌ ku doman takupan bi bay bitsala kanabi-nabihan ka siga panohoan Papuꞌ Isa, yana tukang nalamat kitabi. Boꞌ ilooy na silay siga panohoan ma bay pinasampay ningkaam meꞌ kami siga rasul na.

2 Pitel 3:2 ပူးပေါင်းရင်းမြစ်များ

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Salsila siga Rasul 10:43

Iya ilay ndang bay na tasabbut meꞌ mimon kanabi-nabihan njawom kitab. Man sabapan bitsala da, tahati tabi na sagannap ma pitsayaꞌ niiya koleꞌ na kaampunan ni mimon dusa da.”

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

Salsila siga Rasul 3:18

Sabagay, man maruhuꞌ-ruhuꞌ lagi, ndang bay pinalahil meꞌ Tuhan njawom siga tunaꞌ kanabi-nabihan, bong inawnan Almasi, subay ya lumingkaꞌ njawom kabinsanaan. Dari sabapan ilooy ma bay pabuwat bi niiya, lay na du binakbul siga tunaꞌ da.

Salsila siga Rasul 3:21

Batnaa ndooy na doꞌ ya ni sulgaꞌ ngkod-ngkoran yaꞌ gi taabut masa man Tuhan mabahauwan mimon-mimon meꞌ ndang bay tinunaꞌ meꞌ kanabi-nabihan mattoꞌ.

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Epesus 2:20

Na kitabi itu sukuꞌ Almasi tadalil pa siga kalangkapan lumaꞌ pinatangge meꞌ Tuhan man Rū na patannaꞌ. Kuwan si Isa Almasi, yana batu pepan luha man lumaꞌ looy pinatangge mari pagon. Sangkon iya patingkat hagaan man mimon kalangkapan lumaꞌ looy. Kuwan tōꞌ siga rasul si Isa ka ga kanabi-nabihan, yana siga tehang lumaꞌ looy.

Epesus 3:5

Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

1 Timuti 6:14

Amay-amay ilagan nu dī nu mari yaꞌ luu man umanat mahap pasal si Isa binuwat kalabbiyan. Subay bogbogan nu kasutsian nu mari yaꞌ luu tamak ni umanat mahap ngabut sampay katakka Papuꞌ tabi si Isa Almasi.

2 Pitel 2:21

Sagannap ma toon lān intong, gam na yaꞌ bay katoonan da bong papagsiꞌ du sila sampay yaꞌ na ngasip ni siga panohoan Tuhan ma bay pinasampay ninsila.

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.

2 Pitel 3:16

Tuktuk na nuwat, mastiꞌ patabeꞌ na jaꞌ siga pakaradjaan meꞌ ilooy ma bay sabbut ku siꞌ. Sugaꞌ luu baw silay bitsala njawom siga suwat na awod hinati. Dari kasohean jama ma kulang pangahati da saltaꞌ na yaꞌ luu katattogan pangando da ni si Isa, bbuwatan da nabid bitsala na. Boꞌ ndang ilooy na silay tabiat da minsan ni kitab ilooy kasohean. Miha jaꞌ sila man da binasa.

1 Yahiya 4:6

Boꞌ kitabi baw tu, anak Tuhan na kitabi. Sangkon bong ina bana-bana jama toon Tuhan, mastiꞌ pakale jaꞌ ningkitabi. Sugaꞌ kuwan sagannap ma saꞌ sukuꞌ Tuhan, yaꞌ sina doman pakale ningkitabi. Dari inaa na sina man tabi mindoga bong soy pinagbayaan meꞌ Rū Sutsiꞌ ma malahil kabanahan maka soy pinagbayaan meꞌ Ibilis ma magsian jama.

Suwat Lakka man si Jūd 1:17

Sugaꞌ kaam, siga kakasi ku, intomun bi jaꞌ bay tunaꞌ siga rasul Papuꞌ tabi si Isa Almasi.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”