2 Pitel 3:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Tuktuk na nuwat, mastiꞌ patabeꞌ na jaꞌ siga pakaradjaan meꞌ ilooy ma bay sabbut ku siꞌ. Sugaꞌ luu baw silay bitsala njawom siga suwat na awod hinati. Dari kasohean jama ma kulang pangahati da saltaꞌ na yaꞌ luu katattogan pangando da ni si Isa, bbuwatan da nabid bitsala na. Boꞌ ndang ilooy na silay tabiat da minsan ni kitab ilooy kasohean. Miha jaꞌ sila man da binasa.

2 Pitel 3:16 ပူးပေါင်းရင်းမြစ်များ

Panagnaan 49:4

sugaꞌ lay na timanan nu ladjikiꞌ nu. Sibuꞌ du ko ka dunuk yaꞌ takoleꞌ sinapad, batan yaꞌ bay luu og-og nu magkamuklahan ka nda ku bay llaw looy.

Matiyu 15:3

Tampung si Isa, “Kaam tu, basag baw kam mean siga aturan ma bay jaꞌ tinulun-tulun meꞌ manusiyaꞌ, sugaꞌ bong baw panohoan Tuhan, baꞌ-bāꞌ bi, dari san langga tabi.

Matiyu 15:6

Dari sabapan tōꞌ bi ina, luu na sina jama yaꞌ na mag-arat ni induꞌ-mmaꞌ da. Pagka meꞌ naa, saꞌ ga bina oy, talloban bi palman Tuhan bong pin tapaantup bi jaꞌ aturan bi.

Matiyu 22:29

Dari yuk si Isa ninsila, “Tud magsāꞌ kam sabap yaꞌ san tahati bi suwat njawom kitab maka yaꞌ du katoonan bi ehe kawasa Tuhan.

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

Hibrani 5:11

Sarī man naa, meka gi situ siꞌ karomanan ku tinōꞌ ningkaam, sugaꞌ yaꞌ mura-mura meꞌ mahatiyan kaam sabap bilod kam.

Yaꞌkub 1:8

batan duwa-duwa jaꞌ pamiki na. Bosbos ya mangando pa Tuhan, bosbos niyaꞌ. Oy-oy pabuwat na, yaꞌ luu katantuhan na.

1 Pitel 1:1

Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.

2 Pitel 2:1

Na kanabi-nabihan looy ilay siꞌ intong. Sugaꞌ ni jaman looy, luu du baw ndooy ni Israil jama magnabi-nabihan. Damikiyan, luu na du sina mintu siga guru palsu ni baanan bi masalluk tōꞌ bingkok ma kabinasa ningkaam. Boꞌ tuwak da lagi Papuꞌ tabi. Padahal, lay na ga ya nongan umu na bong pin tapaddusan na jaꞌ sila man jawom komkoman Ibilis. Sangkon, saꞌ ga bina oy, miha jaꞌ sila man da deꞌ-dēꞌ binasa.

2 Pitel 2:14

Bila sila ngita danda, lanji jaꞌ njawom pamiki da. Tud yaꞌ luu dohong da buwat dusa. Bbuwatan da ngaliboy jama ma kulang iman mmeꞌ ni kalaatan da. Maka alistu sila ngulihal altaꞌ jama ni kamulakab napsu da. Jama meꞌ sila ilay minulkaan meꞌ Tuhan.

2 Pitel 3:14

Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

2 Pitel 3:2

Yaꞌ ku doman takupan bi bay bitsala kanabi-nabihan ka siga panohoan Papuꞌ Isa, yana tukang nalamat kitabi. Boꞌ ilooy na silay siga panohoan ma bay pinasampay ningkaam meꞌ kami siga rasul na.

Suwat Lakka man si Jūd 1:4

Kon ku itu ngawalan kaam sabap luu na sina nnaa bay pasalluk ni siga baanan bi ga jama yaꞌ mahap. Yaꞌ san luu tawu da pa Tuhan. Boꞌ tinabid lagi meꞌ da kabanahan pasal aseꞌ Tuhan ni manusiyaꞌ. Baꞌ-bāꞌ da, dari na konoꞌ san kitabi buwat oy-oy kasabuhan ma kinanapsuhan meꞌ tabi. Ndang-ndang mehe du konoꞌ aseꞌ Tuhan ngampun. Na man sabapan laat kawul-piil da ina, tumatandaꞌ yaꞌ sila kuhi mangaku isu-isu si Isa Almasi yana Papuꞌ sikamimon. Sugaꞌ ndang luu na sina mulkaꞌ hinalliꞌ ninsila meꞌ ndang bay tinunaꞌ jawom kitab maruhuꞌ-ruhuꞌ.