2 Pitel 3:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.

2 Pitel 3:15 ပူးပေါင်းရင်းမြစ်များ

Lukas 21:15

Aku sa muwanan kaam kapandoyan ka bitsala ayad man bi nampung. Dari sagannap ma nulang kaam, yaꞌ na luu dapat da tumanjataꞌ atawa māꞌ magsāꞌ kam.

Salsila siga Rasul 15:25

Sangkon lay kami magtaayun mokonan kaam suwat. Dari itu na sohoꞌ kami pinasampay ni duwa lalla bay peneꞌ kami yana ga si Judas ka si Saylas. Sila sa mahatiyan kaam mimon pasal bay pag-isunan kami. Maka luu na du bay sohoꞌ kami pahaboy ninsila siga kakasi tabi yana ga si Balnabas ka si Pol. Ga lalla tuu itu bay na pingkaꞌ narapan umu da kalnaꞌ Papuꞌ tabi si Isa Almasi.

Salsila siga Rasul 7:10

Dari song hallom, lay du ya bay pinaddusan meꞌ Tuhan man mimon katiksaan na. Maka lay gi ya binuwanan meꞌ Tuhan kapandoyan ka pangahati lawom. Sampay ilooy na man na bay kinahopan meꞌ sultan bangsa Ejip. Dari lay na ga ya binuwanan kapatut meꞌ sultan looy nohoꞌ marinta ni sikaliput Ejip sampay magmalim ni mimon jama ma buwat ni astanaꞌ sultan.

Salsila siga Rasul 9:17

Pus meꞌ looy, lay na pilay si Ananiyas pa lumaꞌ mman si Sol. Pag asok na, tinappak na meꞌ na bumbunan si Sol sambayan na halling, “Sol, mbuwaꞌ danganakan, aku itu pitu man panohoan Papuꞌ Isa ma bay patammu ningkau lān nu bay song pitu. Kon ku itu bay sinohoꞌ pitu supaya ngita na ko pabalik sampay inassob na meꞌ Rū Sutsiꞌ.”

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

1 Korin 3:10

Kuwan aku, man kapandoyan bay dean Tuhan niyaku, aku meꞌ sapantun disu tukang alistu bay nagnaꞌ buwat lumaꞌ na. Dari ko ngawon, aku bay matangge tehang lumaꞌ na. Hati na, aku bay duhuꞌ masaplagan kaam. Pag-anu, luu na baw pasunuꞌ siga tukang ma nangon kalangkapan ni tehang bay patangge ku. Sugaꞌ sagannap ma pasunuꞌ subay paayad-ayad meꞌ da buwat.

Epesus 3:3

Sarī gi, lay na pinalahil niyaku pakaradjaan pasal garaꞌ Tuhan ma yaꞌ gi bay pinalahil maruhuꞌ. Sabahagiꞌ lay na bay sabbut ku siꞌ ni panagnaan suwat tuu.

1 Timuti 1:16

San meꞌ looy, lay gi baw ku bay pinanimbangan meꞌ Tuhan. Dari man sabapan bay kadarihan ku, luu na pamintangan mehe ni jama man da mindoga bong pooy tahaꞌ pasensiya si Isa Almasi ni siga baldusa. Kamura-murahan ilooy na poonan da pitsayaꞌ na niiya sampay koleꞌ kasampulnaan nyawa ma yaꞌ luu katapusan na.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

2 Pitel 3:2

Yaꞌ ku doman takupan bi bay bitsala kanabi-nabihan ka siga panohoan Papuꞌ Isa, yana tukang nalamat kitabi. Boꞌ ilooy na silay siga panohoan ma bay pinasampay ningkaam meꞌ kami siga rasul na.

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.