2 Pitel 3:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

2 Pitel 3:14 ပူးပေါင်းရင်းမြစ်များ

Matiyu 24:26

“Sangkon, meꞌ bay halling ku na siꞌ, bong luu jama māꞌ luu na Almasi ndooy ni lahat lau-lau yaꞌ maglumaꞌ, daa kam pilay. Atawa bong yuk jama luu na ya njawom lumaꞌ, daa kam hidjab.

Matiyu 25:7

Pag-anu siꞌ tu, bangun du ga kabudjangan looy sikasapū boꞌ da ngintu palitaan da.

Lukas 12:43

Dari ni katakka papuꞌ ina, bong ata na taabut masi buwat ilooy ma bay hinalap niiya, mastiꞌ njawom parasahan ayad jaꞌ ya.

Lukas 2:29

“Tuhan, Papuꞌ ku, meꞌ aku disu ata nu, san situ ku matoy na, sannang na pikilan ku sabap itu na tuman nu bay janjiꞌ nu niyaku.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

Pilipi 1:10

mari kam pandoy meneꞌ bong oy pataꞌ subay pabuwat bi llaw pa dangallaw. Batan bong ina mahap pabuwatan bi, mastiꞌ sutsiꞌ jaꞌ kawul-piil bi sampay yaꞌ na luu sutsutan njataꞌ bi pag taabut llaw Almasi pabeleng.

Pilipi 2:15

Meꞌ naa ina, tumatandaꞌ sutsiꞌ na kam maka anak Tuhan na kam ma yaꞌ luu sutsutan njataꞌ bi. Dari sabapan hāp kawul-piil bi sasang bi maglahat ka jama angkat-angkatan batnaa ma bingkok ka sabu, tadalil na sina kam pa siga potean ninag njawom lindom.

Pilipi 3:20

Boꞌ kitabi baw tu sukuꞌ Tuhan, lahat tabi sabanna yana sulgaꞌ. Maka ilooy ma agad tabi lakka man sulgaꞌ du, yana Papuꞌ tabi si Isa Almasi ma tukang nalamat kitabi.

1 Tesaloneka 3:13

Meꞌ looy ilay, tattap na pin kasutsian bi maka yaꞌ luu sutsutan njataꞌ bi ni pag-awpan Mmaꞌ tabi Tuhan pag beleng Papuꞌ tabi si Isa ka siga malaikat na.

1 Tesaloneka 5:23

Kamura-murahan tinabangan du kam meꞌ Tuhan, yana poonan kasannangan, supaya sutsiꞌ na banahan mimon kawul-piil bi. Kamura-murahan inayaran na pin meꞌ na nyawa bi, pamiki bi, sampay baran bi supaya yaꞌ luu sutsutan njataꞌ bi pag beleng Papuꞌ tabi si Isa Almasi.

1 Timuti 6:14

Amay-amay ilagan nu dī nu mari yaꞌ luu man umanat mahap pasal si Isa binuwat kalabbiyan. Subay bogbogan nu kasutsian nu mari yaꞌ luu tamak ni umanat mahap ngabut sampay katakka Papuꞌ tabi si Isa Almasi.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.

1 Pitel 1:7

Kamalasahiyan meꞌ looy ilay nuwayan pangando bi ni si Isa bong bana atawa niyaꞌ. Pangando bi ina meꞌ karuha mmas. Sugaꞌ saehe-ehe hagaꞌ mmas ma luu gi ngkoran na, mas mehe gi hagaꞌ pangando bi. Yana meꞌ mmas subay doꞌ bay pingkaꞌ njawom api man ngalakkahan sakot na mari porol maka hagaan, damikiyan, subay du kam lumingkaꞌ njawom kamalasahiyan mari tumatandaꞌ na porol pangando bi. Dari bong ina mintu bana-bana du pangando bi, mastiꞌ koleꞌ jaꞌ sina kam sanglit ka kabantugan mehe pag beleng si Isa Almasi.

2 Pitel 3:1

Na siga kakasi ku, ituu itu suwat ku ni kaduwa na ningkaam. Ngkon ku itu nuwatan kaam ni kaduwa na man ku maintoman kaam kabanahan pabalik mari tattog na pamiki bi.

2 Pitel 3:16

Tuktuk na nuwat, mastiꞌ patabeꞌ na jaꞌ siga pakaradjaan meꞌ ilooy ma bay sabbut ku siꞌ. Sugaꞌ luu baw silay bitsala njawom siga suwat na awod hinati. Dari kasohean jama ma kulang pangahati da saltaꞌ na yaꞌ luu katattogan pangando da ni si Isa, bbuwatan da nabid bitsala na. Boꞌ ndang ilooy na silay tabiat da minsan ni kitab ilooy kasohean. Miha jaꞌ sila man da binasa.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.