2 Pitel 3:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Sugaꞌ san meꞌ looy, luu gi agad tabi pinasunuꞌ langit bahau ka junyaꞌ bahau ma bay njanjiꞌ meꞌ Tuhan para ni sukuꞌ na. Ndooy ilay mintu, isu-isu kaintongan sa pinabuwat.

2 Pitel 3:13 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 8:21

batan ndang bay silay ginantaꞌ meꞌ Tuhan mimon-mimon ma bay pinapayak, bbos-bbos pinaddusan du man jawom katiksaan ka kapatoy. Pag-anu, boꞌ pinahampitan na mimon-mimon ni kaayaran ma hinalliꞌ ni siga anak na.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

Siga Pakaradjaan bay Pinalahil 21:1

Pag-anu siꞌ, luu na baw takita ku langit bahau ka junyaꞌ bahau, batan langit maruhuꞌ ka junyaꞌ maruhuꞌ lay na lanyap. Dilawut pun, yaꞌ na du luu.

Siga Pakaradjaan bay Pinalahil 21:27

Sugaꞌ oy-oy jaꞌ kalalamaan ma katamak ni manusiyaꞌ, saumu yaꞌ dari paasok pa jawom daira looy. Damikiyan, soysoy buwat kasabuhan atawa ngandustaꞌ yaꞌ du dari paasok. Ilooy du kapaasok pilay yana sagannap ma bay tasuwatan awon da njawom Būk Kaallum. Ilooy ilay siꞌ yana Būk Bili-bili looy man ngalista awon sagannap ma luu kaallum da saumu-umu njawom okoman Tuhan.