2 Pitel 2:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

^7-8 Sugaꞌ ndooy ilay ni Sodom, luu gi baw disu lalla, yana si Lut, lay sinalamat meꞌ Tuhan. Iya ilay jama intong. Halloman na maglahat ka ga jama jahat ni daira looy, ndang tud kamaatan ya lassa ngandaꞌ kadarihan da. Batan llaw pa dangallaw, takita na sila buwat jinisan kasabuhan sampay takale na jinisan bitsala da lakaꞌ-lakaꞌ.

2 Pitel 2:7 ပူးပေါင်းရင်းမြစ်များ

Panagnaan 13:13

Salla na, kuwan jama Sodom baw siꞌ tu, biddaꞌ na jahallis da. Dusa da pa Tuhan tud yaꞌ na taambat.

Panagnaan 19:16

Sugaꞌ kuwan si Lut baw siꞌ tu, alang-kapalang lagi. Lipara, man timbang Tuhan, magti sinintak meꞌ ga malaikat looy ga tangan si Lut ka ga anak-nda na boꞌ da binoo pa poan daira looy.

Panagnaan 19:22

Sugaꞌ deꞌ-dēꞌ na kam sonse sabap yaꞌ gi situ ku kapabuwat oy maka oy na ngkod-ngkoran bi yaꞌ gi bay takka pilay.” (Na daira looy siꞌ, song hallom lay na inawnan Soal, hatiyan na, “Dikiꞌ,” poonan bay jaꞌ inawnan meꞌ si Lut dikiꞌ.)

Panagnaan 19:29

Dari meꞌ looy na siꞌ, tud lay na du hinansu meꞌ Tuhan ga daira looy ndooy ni labbak man si Lut bay maglahat. San meꞌ looy, yaꞌ du bay takupan Tuhan bay paku si Ibrahim, batan lay du bay lakkahan na si Lut man jawom balaꞌ looy mari salamat.

Panagnaan 19:5

Bbuwatan da ngingan, yuk da, “Lut, ninggai na siꞌ ga lalla looy, ilooy siꞌ ma bay boo nu pitu pa lumaꞌ nu? Boonun sila pitu. Doman kami meekan sila.”

1 Korin 10:13

Intomun bi, oy-oy ina sasat ma tuwaꞌ ningkitabi, sibuꞌ du sina ka siga sasat ma tuwaꞌ ni manusiyaꞌ sikamimon. Kahapan, kanaalla du Tuhan nabangan kitabi. Yaꞌ du sina ya mabiya kitabi njawom sasat ma gantaꞌ yaꞌ takaya tabi. Oy-oy ina sasat njataꞌ tabi, binuwanan du sina tabi meꞌ na gaos supaya kitabi katatas ngilagan dusa.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 2:2

Meka na sina mintu ni baanan bi takoleꞌ binitsalahan meꞌ da sampay mmeꞌ meꞌ uwahan da buwat jinisan kasabuhan. Dari pag toklas na, binitsala na sina mintu pa kalaatan kabanahan ma inantanan meꞌ tabi.

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.

Suwat Lakka man si Jūd 1:4

Kon ku itu ngawalan kaam sabap luu na sina nnaa bay pasalluk ni siga baanan bi ga jama yaꞌ mahap. Yaꞌ san luu tawu da pa Tuhan. Boꞌ tinabid lagi meꞌ da kabanahan pasal aseꞌ Tuhan ni manusiyaꞌ. Baꞌ-bāꞌ da, dari na konoꞌ san kitabi buwat oy-oy kasabuhan ma kinanapsuhan meꞌ tabi. Ndang-ndang mehe du konoꞌ aseꞌ Tuhan ngampun. Na man sabapan laat kawul-piil da ina, tumatandaꞌ yaꞌ sila kuhi mangaku isu-isu si Isa Almasi yana Papuꞌ sikamimon. Sugaꞌ ndang luu na sina mulkaꞌ hinalliꞌ ninsila meꞌ ndang bay tinunaꞌ jawom kitab maruhuꞌ-ruhuꞌ.