2 Pitel 2:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Na sibuwa ilay, siga guru palsu looy siꞌ bay ngahasi kabanahan pasal tukang nalamat kitabi, yana Papuꞌ tabi si Isa Almasi. Pag toklas na, lay na labbahan da mimon kawul-piil da maat ma katamak ni manusiyaꞌ. Pag batnaa, meꞌ ga takawum na baw sila balik meꞌ napsu da buwat dusa. Dari mas maat gi kaadaan da ni batnaa man jaman da yaꞌ gi bay mmeꞌ ni si Isa.

2 Pitel 2:20 ပူးပေါင်းရင်းမြစ်များ

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

2 Timuti 2:4

Indanan nu bitsala ku. Bong ina sundalu kanaalla, yaꞌ ya palamud ni jinisan hāl ma pinandang leꞌ siga sibilyan. Iya pandang na, meꞌ na nulut kahandak komandel na.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.

2 Pitel 1:2

Kamura-murahan lipat man lipat na pin kasannangan ka barakat ningkaam sabap meꞌ bi lungbid ka Tuhan saltaꞌ na Papuꞌ tabi si Isa.

2 Pitel 1:3

Ni kaehe kawasa Tuhan, luu na bay dean na kitabi kaallum bahau sampay mimon ma gunahan ningkitabi man ngikut arat-tabiat na. Lay na dean na kitabi ilooy siꞌ sikamimon pag lay jaꞌ tabi lungbid ka iya. Maka lay na kitabi liyun na pa jawom okoman na supaya kitabi tumabeꞌ ni kabantugan na ka kaayaran na.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 1:8

Na bong siꞌ ina tabogbog bi na mimon arat meꞌ naa boꞌ duhunan bi lagi, malaingkan meka na sina kaayaran takita ni tangge-tingkōꞌ bi. Maka tumatandaꞌ na mehe kapansahaliyan bi ni manusiyaꞌ sabap meꞌ bi lungbid ka Papuꞌ tabi si Isa Almasi.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam