2 Pitel 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Meka na sina mintu ni baanan bi takoleꞌ binitsalahan meꞌ da sampay mmeꞌ meꞌ uwahan da buwat jinisan kasabuhan. Dari pag toklas na, binitsala na sina mintu pa kalaatan kabanahan ma inantanan meꞌ tabi.

2 Pitel 2:2 ပူးပေါင်းရင်းမြစ်များ

Panagnaan 19:5

Bbuwatan da ngingan, yuk da, “Lut, ninggai na siꞌ ga lalla looy, ilooy siꞌ ma bay boo nu pitu pa lumaꞌ nu? Boonun sila pitu. Doman kami meekan sila.”

Matiyu 22:16

Dari siꞌ, lay sohoꞌ da kasohean mulit da ka kasohean raayat Gubnul Herod pilay nohoꞌ nual si Isa. Pag takka da, yuk da, “Tuwan Guru, katoonan kami bonto ko maka wā ko noan jama kabanahan pasal kahandak Tuhan. Yaꞌ ko minig jama maka yaꞌ ko loman ni jama san gi pooy langkaw ntan da.

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 7:14

Boꞌ lawang kiput ina, san dikiꞌ lān na maka dangkitiꞌ du jama nūs, tumiluꞌ baw sila pa jawom kasampulnaan nyawa ma yaꞌ luu katapusan na.

Malkus 12:14

Pag takka da, yuk da niiya, “Tuwan Guru, katoonan kami du situ kau jama bonto. Yaꞌ ko minig jama maka yaꞌ ko loman ni jama san gi pooy langkaw ntan da. Maka ilooy puntukan ningkau noan jama kabanahan pasal kahandak Tuhan. Pagka meꞌ naa Tuwan Guru, luu situ siꞌ la tilaw kami. Bong ningkau, sikatuwaꞌ kilay ni saraꞌ bangsa tabi mayaran sukay pa mman panghuluꞌ sultan bangsa Rom, atawa niyaꞌ?”

Malkus 13:22

Luu sina mintu pōꞌ mangaku bahasa sila na Almasi atawa disu nabi. Boꞌ mōꞌ gi sina mintu sila siga pabuwatan kahaylan-haylan mari luu jama takoleꞌ da binoo mmeꞌ ni tōꞌ da ma yaꞌ tuwaꞌ. Bong siꞌ ina mintu takaya da, sampay sagannap ma bay pineneꞌ meꞌ Tuhan sukuꞌ na boo da du magsiꞌ.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Salsila siga Rasul 13:10

“Anak Ibilis bina ko! Mimon kaintongan saggaꞌ nu jaꞌ. Njawom atay nu pannoꞌ meꞌ dustaꞌ. Maka nabiat ko moo jama magsiꞌ. Wā tabid nu kabanahan pasal Papuꞌ.

Salsila siga Rasul 14:2

Sugaꞌ kuwan siga Yahudi ma yaꞌ kuhi pitsayaꞌ, bbuwatan da ngoyo-ngoyohan ga jama saꞌ Yahudi lagi supaya gigitan na du sila ni siga sukuꞌ si Isa sampay nulang na ga.

Salsila siga Rasul 16:17

Na ni llaw looy du siꞌ, lay patuhut danda looy ningkami. Bbuwatan na ngahowap, yuk na, “Ga lalla naa ina yana ata Tuhan Mahatinggi! Buwatan da ina masaplag jalan man bi salamat.”

Salsila siga Rasul 18:26

Na si Apolos ilay si, yaꞌ luu hanggaw na magnasihat pasal si Isa ni langga siga Yahudi. Sugaꞌ pag lay jaꞌ ya takale mitsala meꞌ si Prisila ka si Akila, tabista da na yaꞌ sukup pangahati na. Dari lay ya boo da pa lumaꞌ da, boꞌ na sinampunan meꞌ da pangahati na pasal garaꞌ Tuhan nalamat manusiyaꞌ.

Salsila siga Rasul 19:9

Sugaꞌ kasohean jama ndooy tud tohas kōk da, yaꞌ kuhi pitsayaꞌ. Gam pin tuktuk si Pol noan jama lān pa Tuhan, pinalaat lagi meꞌ da tōꞌ na ni pag-awpan sikamimon. Dari lay na pōꞌ si Pol man langga looy ka ga sagannap ma mmeꞌ ni si Isa, boꞌ da bay halin pa iskul si Tirannus. Dari labba mandooy, ndooy na man si Pol nōꞌ llaw-llaw sampay magbilmaarup ka jama.

Salsila siga Rasul 22:4

Boꞌ na, bay gi ku minsanaꞌ soysoy mmeꞌ ni lān kasalamatan ma bay tinōꞌ meꞌ si Isa. Yaꞌ luu pag peneꞌ danda atawa lalla, basta lay jaꞌ sila sungkuban ku sampay inisi njawom jīl. Kasohean lay gi ga matoy sabapan laug ku njataꞌ da.

Salsila siga Rasul 24:14

Tuwan Gubnul, mangaku baw situ ku mmeꞌ ni lān kasalamatan ma baꞌ-bāꞌ siga pagkahi ku Yahudi ntuu magsāꞌ. Sugaꞌ bong baw inawnan Tuhan ma sumba ku, yana Tuhan kabboꞌ-bboan kami du. Maka pitsayaꞌ du baw situ ku ni mimon saraꞌ agama kami sampay na mimon suwat kanabi-nabihan njawom kitab.

Suwat si Pol pa mman Baanan Sukuꞌ si Isa ndooy ni Rom 2:24

Lay na silay tuwaꞌ pa baran bi suwat njawom kitab, ilooy ma yuk na, “Sabapan ehe laat bi bangsa Yahudi, kuwan siga bangsa kapil malaat awon Tuhan.”

1 Timuti 5:14

Sangkon, meꞌ tuu situ palbiatan ku ni siga bawu danda ma yaꞌ gi umuhan: Gam na sila halla pabalik boꞌ da hanak sampay ngintu jama lumaꞌ da. Meꞌ looy ilay, yaꞌ na luu lawang man da tabitsala pa kalaatan meꞌ sagannap ma doman nulang kitabi.

Taytus 2:5

maka supaya sila patong mamiki sampay mōꞌ kawul-piil sutsiꞌ. Maka subay karandahan ma yaꞌ gi toa tinoan mari sila hutu buwat ni lumaꞌ ka buwat kaayaran sampay maglillaꞌ ni lla da. Bong siꞌ ina bogbogan da meꞌ naa, malaingkan yaꞌ luu danan man umanat Tuhan ma pasaplag tabi binitsala pa kalaatan.

Taytus 2:8

Amay-amay bila ko mitsala, subay bana jaꞌ supaya yaꞌ luu man nu tasahawi. Meꞌ naa inaa, alang-kapalang sagannap ma nulang kitabi mitsala kitabi pa kalaatan.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

2 Pitel 2:12

Boꞌ siga guru palsu meꞌ looy ilay, minsan pakaradjaan ma yaꞌ tahati da, binitsala du meꞌ da pa kalaatan. Sibuꞌ du sila ka sattuwa tawun, yaꞌ luu honaꞌ-honaꞌ da. Boꞌ sattuwa ina, ilooy du kasongan da sinungkuban sampay pinapatoy. Damikiyan, siga guru meꞌ looy ilay, sabap kabinasa tōꞌ da ni jama, mastiꞌ binasa jaꞌ du sila mintu meꞌ Tuhan.

2 Pitel 2:15

Lay na sila magsiꞌ man lān intong. Lay na sila ngikut tabiat si Balaam, anak si Beyol mattoꞌ. Si Balaam ilay, ni kaehe kainagon na ni sīn, kuhi jaꞌ ya buwat kalaatan bong pin ya ndugangan jaꞌ paeka.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 2:21

Sagannap ma toon lān intong, gam na yaꞌ bay katoonan da bong papagsiꞌ du sila sampay yaꞌ na ngasip ni siga panohoan Tuhan ma bay pinasampay ninsila.

2 Pitel 2:7

Sugaꞌ ndooy ilay ni Sodom, luu gi baw disu lalla, yana si Lut, lay sinalamat meꞌ Tuhan. Iya ilay jama intong. Halloman na maglahat ka ga jama jahat ni daira looy, ndang tud kamaatan ya lassa ngandaꞌ kadarihan da. Batan llaw pa dangallaw, takita na sila buwat jinisan kasabuhan sampay takale na jinisan bitsala da lakaꞌ-lakaꞌ.

Suwat Lakka man si Jūd 1:10

Boꞌ ga jama naa ina siꞌ ma pasalluk ni baanan bi, oy-oy pakaradjaan ma yaꞌ tahati da inudjuꞌ jaꞌ meꞌ da. Sibuꞌ du sila ka siga sattuwa yaꞌ luu honaꞌ-honaꞌ da. Ilooy du paabak da meꞌ da nganduwan oy-oy kinanapsuhan meꞌ baran da. Boꞌ ilooy na silay mintu poonan man da binasa.

Suwat Lakka man si Jūd 1:15

ngahukum mimon manusiyaꞌ. Ngalabuꞌ na sina mintu ya hukuman njataꞌ siga baldusa sabapan mimon tagga pa Tuhan bay pabuwat da sampay mimon bitsala da pangka pasal iya.”

Suwat Lakka man si Jūd 1:4

Kon ku itu ngawalan kaam sabap luu na sina nnaa bay pasalluk ni siga baanan bi ga jama yaꞌ mahap. Yaꞌ san luu tawu da pa Tuhan. Boꞌ tinabid lagi meꞌ da kabanahan pasal aseꞌ Tuhan ni manusiyaꞌ. Baꞌ-bāꞌ da, dari na konoꞌ san kitabi buwat oy-oy kasabuhan ma kinanapsuhan meꞌ tabi. Ndang-ndang mehe du konoꞌ aseꞌ Tuhan ngampun. Na man sabapan laat kawul-piil da ina, tumatandaꞌ yaꞌ sila kuhi mangaku isu-isu si Isa Almasi yana Papuꞌ sikamimon. Sugaꞌ ndang luu na sina mulkaꞌ hinalliꞌ ninsila meꞌ ndang bay tinunaꞌ jawom kitab maruhuꞌ-ruhuꞌ.

Suwat Lakka man si Jūd 1:7

Damikiyan, pamintangan bi na palas ni siga daira Sodom ka Gomora ka ga daira ma ngaliput sila mattoꞌ. Sabapan kajinahan jama ndooy ka kasabuhan kalallahan ubay ka pagkahi da lalla, lay na ampud siga daira looy meꞌ api pinalabuꞌ meꞌ Tuhan man taꞌ langit. Dari labba mandooy, luu na matakaddam ningkitabi bong oy palas njataꞌ baldusa bbos-bbos. Ndang luu na silay hinalliꞌ ninsila api ma yaꞌ na kuhi pawom saumu.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 13:8

Dari dak mimon na manusiyaꞌ taꞌ babaw junyaꞌ numba sattuwa looy na. Ilooy du yaꞌ numba iya yana sagannap ma lay na sinuwatan awon da njawom Būk Kaallum man ngalista awon sagannap ma luu kasampulnaan nyawa da saumu-umu. Awon da ilay ndang lay na sinuwatan njawom būk looy labba man kapayak junyaꞌ. Ilooy ma dapu būk looy yana Bili-bili looy ma bay pingkaꞌ pinapatoy.