2 Pitel 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Boꞌ siga guru palsu meꞌ looy ilay, minsan pakaradjaan ma yaꞌ tahati da, binitsala du meꞌ da pa kalaatan. Sibuꞌ du sila ka sattuwa tawun, yaꞌ luu honaꞌ-honaꞌ da. Boꞌ sattuwa ina, ilooy du kasongan da sinungkuban sampay pinapatoy. Damikiyan, siga guru meꞌ looy ilay, sabap kabinasa tōꞌ da ni jama, mastiꞌ binasa jaꞌ du sila mintu meꞌ Tuhan.

2 Pitel 2:12 ပူးပေါင်းရင်းမြစ်များ

Malkus 7:22

magjina ka magnapsu mulakab. Damikiyan, luu du pōꞌ man jawom atay jama ngandahulakaꞌ, nipu, magkamuklahan, ngandangkiꞌ, mitna, ngabbu sampay buwat jinisan karupangan.

Yahiya 8:21

Pag-anu siꞌ, lay na baw si Isa mitsala balik ninsila, yuk na, “Yaꞌ hallom, palakka na ku. Boꞌ lahat ma tiluꞌ ku, basta yaꞌ kam kapilay. Piha bi du sina ku mintu, sugaꞌ matoy jaꞌ sina kam sampay taboo bi jaꞌ sina dusa bi pa ahirat. Basta yaꞌ du ku tatammu bi.”

Galatiya 6:8

Na hantak bitsala ku ilay siꞌ, bong kita nganduwan napsu ta, pag toklas na, binasa kita. Sugaꞌ bong kita mmeꞌ ni kahandak Rū Sutsiꞌ, sampulnaꞌ nyawa ta saumu-umu.

Kolossa 2:22

Siga aturan meꞌ looy ilay yana panohoan ka tōꞌ lakka man manusiyaꞌ sadjaꞌ, saꞌ ga man Tuhan. Sarī gi, lawuk ina ka inuman ma tinagga meꞌ da, sandaꞌ-sandaꞌ jaꞌ, bosbos luu, bosbos katis. Hāl meꞌ naa ina, yaꞌ luu sukuꞌ na ni kasalamatan jama.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 2:19

Baꞌ-bāꞌ ga guru meꞌ looy, bong sila binean, nammu konoꞌ kita kasumunsayaan buwat oy-oy karomanan ta. Mingkan, sila na mismu yaꞌ sumunsayaꞌ sabap takawum sila meꞌ napsu da ni kalaatan ma makaat sila. Yaꞌ tasayu da, oy-oy ina napsu ma yaꞌ agak ta, inaa na baw magbayaan kita subay ga papuꞌ ta.

Suwat Lakka man si Jūd 1:10

Boꞌ ga jama naa ina siꞌ ma pasalluk ni baanan bi, oy-oy pakaradjaan ma yaꞌ tahati da inudjuꞌ jaꞌ meꞌ da. Sibuꞌ du sila ka siga sattuwa yaꞌ luu honaꞌ-honaꞌ da. Ilooy du paabak da meꞌ da nganduwan oy-oy kinanapsuhan meꞌ baran da. Boꞌ ilooy na silay mintu poonan man da binasa.