2 Pitel 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Na bong siꞌ ina tabogbog bi na mimon arat meꞌ naa boꞌ duhunan bi lagi, malaingkan meka na sina kaayaran takita ni tangge-tingkōꞌ bi. Maka tumatandaꞌ na mehe kapansahaliyan bi ni manusiyaꞌ sabap meꞌ bi lungbid ka Papuꞌ tabi si Isa Almasi.

2 Pitel 1:8 ပူးပေါင်းရင်းမြစ်များ

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 20:3

“Pag ga lisag siyam sayu, lumān na baw pabalik dapu kabbun looy pa tabuꞌ. Ndooy siꞌ, lay ya ngita siga jama nangge-nangge jaꞌ.

Matiyu 20:6

Tapit jaꞌ siꞌ lisag lima, pag beleng na balik pa tabuꞌ, ngita na baw ya balik jama nangge-nangge sadjaꞌ ndooy. Dari yuk na, ‘Ongoy kam nangge-nangge sadjaꞌ ntuu dangallaw na?’

Matiyu 25:26

“Tampung bōs na, ‘Kau na bitu tindog maat maka hūk ko. Baꞌ-bāꞌ nu aku tigiꞌ ngattom tinanom jama san saꞌ aku bay tanom.

Yahiya 15:2

Iya notoan mimon engas ku ma yaꞌ buwaꞌ. Kuwan sagannap engas ku ma pabuwaꞌ, llassahan meꞌ na mari magsasōng gi eka buwaꞌ da.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 5:42

Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan.

Suwat si Pol pa mman Baanan Sukuꞌ si Isa ndooy ni Rom 12:11

Ni kapasal meꞌ tabi maghulas-sangsāꞌ kalnaꞌ Papuꞌ Isa, daa kitabi hūk. Gam pin pupusan tabi lagi basag tabi.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

2 Korin 8:2

San sila njawom kamalasahiyan mehe sabapan kabinsanaan njataꞌ da, masi du yaꞌ kuhi lakka ehe kagakan njawom atay da. Dari san sila miskin banahan, amu-amu sila magtuyuꞌ nulung pagkahi da ma sigpit.

2 Korin 8:7

Katoonan ku du yaꞌ kam tamban ni hāl ma hagaan pa Tuhan, batan basag pangando bi ni si Isa maka alistu kam noan jama pasal iya. Boꞌ lawom gi pangahati bi ni kabanahan. Tiggo gi kam nabangan jama maka basag aseꞌ bi ningkami. Sangkon sapatut na, subay du kam yaꞌ tamban ni hāl nulung pagkahi bi ma tiksaꞌ batnaa ndooy ni Yahudiya.

2 Korin 9:14

Maka haylan sina mintu sila ni kaehe aseꞌ Tuhan njawom atay bi bay moo-moo kaam nulung meꞌ looy. Dari tomoꞌ na sina mintu dawom da makuhan kaam duwaa ni kaehe aseꞌ da ningkaam.

Pilipi 1:9

Aku tu makuhan kaam na pin duwaa, kamura-murahan magsasōng na pin aseꞌ bi pa Tuhan sampay pa mimon manusiyaꞌ. Maka kamura-murahan pasōng na pin pangahati bi ka bistuhan bi

Pilipi 2:5

Subay sibuꞌ pamiki bi ka pamiki Isa Almasi.

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

Kolossa 2:7

Subay tattog pangando bi niiya meꞌ karuha kayu ma nganggamut palawom njawom tanaꞌ. Ikutun bi na pin kabanahan ma bay tinōꞌ ningkaam pasal iya mari magsasōng na pin pangando bi niiya. Maka subay kam wā magsuku pa Tuhan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

1 Tesaloneka 3:12

Maka kamura-murahan pinabasag na pin meꞌ Papuꞌ aseꞌ bi ni pagkahi bi sukuꞌ si Isa sampay ni jama mimon meꞌ karuha basag aseꞌ kami ningkaam.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

1 Timuti 5:13

Lagiꞌ na, bong ina patabeꞌ bi sila ni listahan, adakala ngahūk na baw sila buwat. Ilooy ilagan ta taggahaꞌ maglanyawan na jaꞌ sila padisu-padisu lumaꞌ ngusiat kahalan jama atawa ngalimut sampay mōꞌ jinisan bitsala ma yaꞌ pataꞌ sinabbut.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Pilimun 1:6

Maku na pin situ ku duwaa pa Tuhan, kamura-murahan man sabapan nu masampayan jama kabanahan, yaꞌ hallom tahati da na du mimon supaat ma bay takoleꞌ tabi sabapan pagkatibuuk tabi ka Almasi.

Hibrani 6:12

Ngkon ina kam paintoman ku supaya kam yaꞌ jamu makutuꞌ kahandak Tuhan. Akigun bi jaꞌ sagannap ma yaꞌ jamu mangando pa Tuhan sampay natasan jinisan kasusahan kalnaꞌ iya. Jama meꞌ sila ina, takoleꞌ da siga supaat bay janjiꞌ Tuhan ni sukuꞌ na.

2 Pitel 1:2

Kamura-murahan lipat man lipat na pin kasannangan ka barakat ningkaam sabap meꞌ bi lungbid ka Tuhan saltaꞌ na Papuꞌ tabi si Isa.

2 Pitel 1:3

Ni kaehe kawasa Tuhan, luu na bay dean na kitabi kaallum bahau sampay mimon ma gunahan ningkitabi man ngikut arat-tabiat na. Lay na dean na kitabi ilooy siꞌ sikamimon pag lay jaꞌ tabi lungbid ka iya. Maka lay na kitabi liyun na pa jawom okoman na supaya kitabi tumabeꞌ ni kabantugan na ka kaayaran na.

2 Pitel 2:20

Na sibuwa ilay, siga guru palsu looy siꞌ bay ngahasi kabanahan pasal tukang nalamat kitabi, yana Papuꞌ tabi si Isa Almasi. Pag toklas na, lay na labbahan da mimon kawul-piil da maat ma katamak ni manusiyaꞌ. Pag batnaa, meꞌ ga takawum na baw sila balik meꞌ napsu da buwat dusa. Dari mas maat gi kaadaan da ni batnaa man jaman da yaꞌ gi bay mmeꞌ ni si Isa.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam