2 Pitel 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

2 Pitel 1:7 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 12:10

Subay kitabi sikaaseꞌ-kaaseꞌ meꞌ kadari jama danganakan. Maka subay kitabi tinagi magmaltabat ni mimon pagkahi tabi sukuꞌ si Isa.

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

Kolossa 3:14

Labi man sikamimon ma bay sabbut ku siꞌ, subay kam sikaaseꞌ-kaaseꞌ. Batan aseꞌ ina, bong ibaratan ingkot, inaa na man makkos kaam mari kam dambuwaꞌ atay sikamimon.

1 Tesaloneka 3:12

Maka kamura-murahan pinabasag na pin meꞌ Papuꞌ aseꞌ bi ni pagkahi bi sukuꞌ si Isa sampay ni jama mimon meꞌ karuha basag aseꞌ kami ningkaam.

1 Tesaloneka 5:15

Luu-luu buwat maat ningkaam, daa subay na pin kam mawos. Gam pin, buwat na pin kam mahap ninsila sampay ni mimon manusiyaꞌ, mmeꞌ, yaꞌ mmeꞌ ni Papuꞌ Isa.

Hibrani 13:1

Na meꞌ kaam ina magdanganakan pitsayaꞌ ni si Isa, daa maglumba meꞌ bi sikaaseꞌ-kaaseꞌ.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:17

Mag-arat kam ni mimon manusiyaꞌ maka maaseꞌ kam ni pagkahi bi ma pitsayaꞌ ni si Isa Almasi. Subay kam tawu pa Tuhan sampay magmaltabat ni panghuluꞌ ni lahat bi.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:16

Na man tabi toon bong oy aseꞌ sabanna, mindoga jaꞌ tabi ni si Isa, batan lay na ga ya nongan umu na kalnaꞌ kitabi. Sangkon kitabi pun subay du mangatas nongan umu tabi kalnaꞌ siga pagkahi tabi sukuꞌ si Isa.

1 Yahiya 4:21

Sangkon na, luu panohoan Almasi ningkitabi meꞌ tuu: Bong ina jama bana-bana maaseꞌ pa Tuhan, subay du ya maasean pagkahi na manusiyaꞌ.