2 Pitel 1:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Sangkon subay pagbuli-bulihan bi meꞌ bi matabeꞌ kawul-piil ayad ni pangando bi ni Papuꞌ Isa. Maka subay du pagbuli-bulihan bi meꞌ bi koleꞌ pangahati pasal kahandak Tuhan ningkaam.

2 Pitel 1:5 ပူးပေါင်းရင်းမြစ်များ

Lukas 16:26

Sarī gi,’ yuk Nabi Ibrahim, ‘yaꞌ situ luu dapat si Lasarus palintas pilu batan luu lowang lawom banahan boꞌ lambu gi, tahaꞌ lagi saꞌ alang-alang ni sallangan kami ka kau. Sangkon yaꞌ situ luu kapalintas lakka mantuu song pilu pa mman nu. Damikiyan, yaꞌ du sina luu kapalintas lakka man naa luꞌ pitu.’

Lukas 24:21

Na kami ilay siꞌ, holat kami, iya na Almasi ma bay njanjiꞌ meꞌ Tuhan maddusan bangsa tabi Israil man komkoman siga banta tabi. Sugaꞌ lay na ya matoy, boꞌ ituu na situ ni katallu ngallaw na.

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

Epesus 5:17

Sangkon, daa papondokun bi pamiki bi, arapun hatiyun bi bana bong oy kahandak Papuꞌ Isa ningkaam, boꞌ pabuwatun bi.

Pilipi 1:9

Aku tu makuhan kaam na pin duwaa, kamura-murahan magsasōng na pin aseꞌ bi pa Tuhan sampay pa mimon manusiyaꞌ. Maka kamura-murahan pasōng na pin pangahati bi ka bistuhan bi

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 2:3

Isu-isu Almasi kabuwanan kitabi akka lawom mari tahati tabi hāl Tuhan. Boꞌ pangahati ni hāl Tuhan ina yana ladjikiꞌ hagaan.

Hibrani 11:6

Na bong inawnan nulut ni kahandak Tuhan, tunmanūn meꞌ jama kasulut niiya bong yaꞌ luu pangando da niiya. Sarī man naa, soysoy doman patapit pa Tuhan subay pitsayaꞌ luu ya. Maka subay ya pitsayaꞌ Tuhan nupaatan sagannap ma magkainagon lungbid ka iya.

Hibrani 12:15

Sipaintom-paintom na pin kam mari kam yaꞌ luu nikutan Tuhan sampay masensengan aseꞌ na. Paayad-ayad kam taggahaꞌ nganggamut na baw duga njawom atay bi. Batan bong ina luu ni baanan bi meꞌ naa, malaingkan kalingog sina ningkaam maka song hallom meka na kam kalakkotan ni arat na.

Hibrani 6:11

Kainagon kami itu tiggohan bi na pin buwat meꞌ naa halloman bi llum supaya tantu takoleꞌ bi mimon ma hinolat meꞌ bi man Tuhan.

1 Pitel 3:7

Na bitsala tuu ma pasunuꞌ para ningkaam kalallahan. Subay kam pandoy mogbogan kasalassayan ka nda bi. Maka isbatun bi meꞌ bi nabangan sila batan yaꞌ sibuꞌ anggawtaꞌ da ka lalla. Magmaltabat kam ninsila, batan sibuꞌ-sibuꞌ du kam bay kapusakahan ladjikiꞌ man Tuhan, yana kasampulnaan nyawa saumu-umu. Bong ina yaꞌ mahap meꞌ bi buwat nda bi, malaingkan yaꞌ du kinabbul duwaa bi meꞌ Tuhan.

2 Pitel 1:10

Sangkon siga danganakan, pagbuli-bulihan bi na meꞌ bi mean bay halap ku siꞌ mari luu buktiꞌ lay na kam lliyun sampay pineneꞌ meꞌ Tuhan binuwat sukuꞌ na. Meꞌ naa ina, yaꞌ na luu masa bi kapagdusa.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.

2 Pitel 3:14

Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam