2 Pitel 1:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 1:4 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 9:4

Tud senseng ehe kabantugan njataꞌ da. Bistahun bi doꞌ, sila ilay bangsa ku Israil, yana bangsa bay pineneꞌ meꞌ Tuhan binuwat anak na. Maka sila du man Tuhan bay makitahan ehe kawasa na. Boꞌ ninsila lagi man Tuhan bay mōꞌ siga pagsulutan sampay man na bay ngandean saraꞌ na ka siga aturan pasal lanan meꞌ numba iya. Damikiyan, ninsila du man Tuhan bay muwan jinisan janjiꞌ.

2 Korin 1:20

Boꞌ na, mimon ma bay njanjiꞌ meꞌ Tuhan, lay du bana tinuman njataꞌ Anak na. Sangkon kabāꞌ kitabi mattan du Tuhan kanaalla mmeꞌ ni lapa na. Boꞌ ilooy na silay kaboo kitabi mudji iya.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 6:17

“Palawak na kam man sagannap ma buwat maat. Pasakkat na kam mman da. Maka daa na kam palamud ni oy-oy kalalamaan, boꞌ bi hasi ku.

Galatiya 3:16

Meꞌ naa du sina karuha bay pagsulutan Tuhan ka Nabi Ibrahim. Yaꞌ du dari sinampunan atawa kinulangan. Hati na, janjiꞌ Tuhan ni pagsulutan da ka Nabi Ibrahim yaꞌ du tasampunan ka saraꞌ Nabi Musa ma bay pasunuꞌ paddus mpat hatus tallumpūꞌ taun. Na bong ina lay na baw sinampunan ka saraꞌ, malaingkan yaꞌ na sā pagsulutan Tuhan ka Nabi Ibrahim. Na njawom janjiꞌ Tuhan ni Nabi Ibrahim, yuk na, “Bbos-bbos mimon kabangsa-bangsahan sinupaatan man sabapan panubuꞌ nu.” Na jaman Tuhan ilay bay halling, “man sabapan panubuꞌ nu,” saꞌ silay ga panubuꞌ Nabi Ibrahim ma meka bay awnan Tuhan, arapun tuwaꞌ pa disu du panubuꞌ na, yana Almasi.

Galatiya 6:8

Na hantak bitsala ku ilay siꞌ, bong kita nganduwan napsu ta, pag toklas na, binasa kita. Sugaꞌ bong kita mmeꞌ ni kahandak Rū Sutsiꞌ, sampulnaꞌ nyawa ta saumu-umu.

Epesus 4:13

Pag toklas na, dambuwaꞌ atay na kitabi mmeꞌ ni umanat mahap. Maka pasōng na pin meꞌ tabi toon Almasi, yana Anak Tuhan. Dari song hallom, sukup iman na tabi ngabut sampay sumibuꞌ na du arat-tabiat tabi ka Almasi.

Kolossa 3:10

sampay lay na saynan bi ka pagkajama bahau. Dari mangkin pasōng pangahati bi ni ilooy ma bay mapayak kaam, mangkin magsasōng na pin meꞌ arat-tabiat bi hinalin ngkod-ngkoran yaꞌ gi taabut bi arat-tabiat na.

Hibrani 12:10

Siga mmaꞌ tabi ina bay ngadjal kitabi jaman tabi dikiꞌ para kaayaran ningkitabi. Tamūd magsāꞌ sila san bistahan da tuwaꞌ meꞌ da ngadjal. Boꞌ Mmaꞌ tabi Tuhan, tuktuk na ina ngadjal, tattap pa kaayaran jaꞌ ningkitabi supaya kitabi meꞌ iya na du sutsiꞌ.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Pitel 3:13

Sugaꞌ san meꞌ looy, luu gi agad tabi pinasunuꞌ langit bahau ka junyaꞌ bahau ma bay njanjiꞌ meꞌ Tuhan para ni sukuꞌ na. Ndooy ilay mintu, isu-isu kaintongan sa pinabuwat.

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.