2 Pitel 1:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ atawa pun lakka man bistahan manusiyaꞌ. Arapun Rū Sutsiꞌ mismu bay magmundaan kanabi-nabihan masampay siga umanat man Tuhan.

2 Pitel 1:21 ပူးပေါင်းရင်းမြစ်များ

Malkus 12:36

Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

Salsila siga Rasul 3:18

Sabagay, man maruhuꞌ-ruhuꞌ lagi, ndang bay pinalahil meꞌ Tuhan njawom siga tunaꞌ kanabi-nabihan, bong inawnan Almasi, subay ya lumingkaꞌ njawom kabinsanaan. Dari sabapan ilooy ma bay pabuwat bi niiya, lay na du binakbul siga tunaꞌ da.

Hibrani 10:15

Na bay pabuwatan Almasi ilay, magtuntun du ka ilooy ma bay sohoꞌ Rū Sutsiꞌ sinuwat njawom kitab, ilooy ma yuk Tuhan,

Hibrani 3:7

Sangkon subay kanna tabi suwat njawom kitab, yana panohoan Rū Sutsiꞌ ningkitabi, ilooy ma yuk na, “Llaw tuu, bong kam kale suwara Tuhan,

Hibrani 9:8

Dari sabap meꞌ looy siꞌ, pinalahil na meꞌ Rū Sutsiꞌ ningkitabi inaa halloman jama njawman pagsulutan sibuwa, yaꞌ luu dapat da paasok pa jawom Lugar Pinakasutsiꞌ ni awpan Tuhan.

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”