2 Pitel 1:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Na mimon ilay bay bāꞌ kami ningkaam maruhuꞌ pasal kawasa Papuꞌ tabi si Isa Almasi maka ni bay kalahil na pa junyaꞌ, bana jaꞌ silay labbasakayi. Saꞌ silay ga aka bay jaꞌ pinabuwat-buwat meꞌ jama ma alistu buwat kana-kana. Arapun tud mata kami mismu bay ngita ehe kawasa-kapatut na ma yaꞌ luu sibuꞌ sabanding na.

2 Pitel 1:16 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 17:1

Na luu jaꞌ siꞌ bay pingkaꞌ nnom ngallaw, lay na baw boo si Isa ga si Pitel ka ilooy duwa magdanganakan, yana ga si Yaꞌkub ka si Yahiya, pa taꞌ punu langkaw, sila-sila jaꞌ.

Matiyu 24:27

Batan pag ina mintu pabeleng na ku, yana Anak Manusiyaꞌ, tumatandaꞌ na ni sikamimon katakka ku, meꞌ karuha mangirat ninag taꞌ langit man mataallaw pa saddopan.”

Matiyu 24:3

Pag-anu siꞌ, lay na baw patukad ga si Isa pa taꞌ Punu Jaytun. Sasang na ndooy ningkōꞌ, luu na baw pasōng siga mulit na pa mman na sila-sila jaꞌ, maka yuk da, “Bong siꞌ dari, baan doꞌ kami bong sumilan binakbul ilooy ma bay bitsala nu siꞌ. Maka oy lay la mintu siga sipat man jama mindoga tapit na ko pabeleng maka tapit na katapusan junyaꞌ?”

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Malkus 13:26

“Pus meꞌ looy, takita na sina Anak Manusiyaꞌ duwai njawom tayiꞌ baliyu ni kaehe kawasa na ddas ka sahayaꞌ na.

Malkus 14:62

Pag tampung si Isa, “Bana, aku na situ. Maka luu gi sina masa ni sinōng takita bi aku, Anak Manusiyaꞌ, ningkōꞌ huwin pa kawnan ni bihing Tuhan Sangat Kawasa. Maka takita bi du sina ku duwai man sulgaꞌ njawom tayiꞌ baliyu.”

Lukas 9:43

Na ga jama siꞌ tu ndooy sikamimon, tud bay haylan ni kaehe kawasa Tuhan. Na sasang ga jama ndooy masi haylan ni bay pabuwatan si Isa siꞌ, yuk na ni ga mulit na,

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

1 Korin 1:17

Ndang-ndang saꞌ du mandi jama pabuwatan numbul satu bay sinukuꞌ meꞌ Almasi niyaku. Iya bay sinukuꞌ niyaku masaplag umanat mahap pasal iya. Na bila ku masaplag, yaꞌ situ ku makoy bitsala gantaꞌ man jama hangaꞌ ni kaalistu ku mitsala. Batan bong ina sila mandang ni kaalistu ku mitsala, taggahaꞌ lungay na baw meꞌ da isi umanat ku pasal kapatoy si Isa taꞌ tehang. Boꞌ inaa du sina umanat ma luu kawasa na moo jama pa jawom kasalamatan.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 1:7

Boꞌ na, ni hāl siga ladjikiꞌ ma pamuwan Rū Sutsiꞌ, yaꞌ na luu kulang bi samasakali halloman bi ngagad ni katakka Papuꞌ tabi si Isa Almasi.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

1 Korin 5:4

Dari pag mintu kam kumpo-kumpo balik numba Papuꞌ tabi si Isa, ingatun bi luu na du ku nnaa mman bi. Maka ni kapatut bay ndean kitabi meꞌ Papuꞌ Isa,

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

2 Tesaloneka 2:9

Sugaꞌ halloman na ina mintu yaꞌ gi bay ampud, luu na pin Ibilis muwanan iya kawasa man na buwat jinisan pabuwatan kahaylan-haylan man na magsian jama.

1 Timuti 1:4

Sohoun na sila patagong masensengan waktu da mitsala pasal siga pali-pali ka usuwan kabboꞌ-bboan. Siga hāl meꞌ naa ina yaꞌ luu kapuspusan na. Boꞌ na, inaa na sina poonan pagjawapan. Dari pada meꞌ naa, gam na sila mōꞌ tōꞌ ma katabang ni jama ngahati garaꞌ Tuhan pasal kasalamatan njataꞌ pangando ni si Isa.

1 Timuti 4:7

Sugaꞌ bong baw kinawnan siga pali-pali sampay jinisan ilmuꞌ ma bay jaꞌ pinabuwat-buwat meꞌ manusiyaꞌ, palawakun. Inaa ya pataꞌ isbat nu, meꞌ nu nganad dī nu ngakig arat-tabiat Tuhan.

Taytus 1:14

Amay-amayan nu sila nnaa yaꞌ nohoꞌ maruli pali-pali siga Yahudi atawa pun siga aturan binogbogan meꞌ sagannap ma nuwak tōꞌ sabanna.

2 Pitel 2:3

Ni kamulakab napsu ga guru meꞌ looy ilay, bbuwatan da ina mintu nulun-nulun siga dustaꞌ bong pin koleꞌ jaꞌ sila sīn mman bi. Sugaꞌ jama meꞌ sila ina, man maruhuꞌ lagi ndang bay sinukuꞌ meꞌ Tuhan minulkaan. Boꞌ kabinasahan da ina mintu, ndang luu na bay sinaddiya.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.

Suwat Lakka man si Jūd 1:14

Kasongan jama meꞌ looy ilay ndang luu bay tinunaꞌ meꞌ Nabi Idris, lalla ma pituꞌ pangkatan owangan na ka Boꞌ Adam. Yuk na, “Indanan bi. Pitu du sina mintu Papuꞌ ddas ka libu-libuhan malaikat na

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.