2 Pitel 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Pitel 1:1 ပူးပေါင်းရင်းမြစ်များ

Matiyu 10:2

Awon siga rasul looy siꞌ sikasapu-duwa yana ituu: Duhuꞌ si Saymon ma pinag-awnan si Pitel maka danganakan na si Andru. Pasunuꞌ, si Yaꞌkub maka danganakan na si Yahiya, siga anak si Sibidi.

Matiyu 4:18

Na disu llaw sasang si Isa lumān ni bihing Danaw Jalil, luu takita na duwa lalla padidilawut ngalambat, yana si Saymon ma pinag-awnan si Pitel ka danganakan na si Andru.

Lukas 1:47

Tud gāk ku ni Tuhan, yana tukang nalamat aku.

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Salsila siga Rasul 15:14

Ndang lay na silay kitabi binaan meꞌ si Saymon Pitel pasal sibuwa Tuhan bay ngahasi siga jama saꞌ Yahudi. Kon ilay Tuhan bay buwat meꞌ looy supaya tumatandaꞌ doman ya jama man mimon bangsa tabeꞌ ni siga sukuꞌ na.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 1:12

Maka kainagon ku sikagāk-kagāk kitabi pag ndaꞌ tabi saliꞌ-saliꞌ takkoꞌ pangando tabi.

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 15:9

Meꞌ ku ngingat, aku na pinakadiyoꞌ ni rasul si Isa sikamimon. Yaꞌ san ku tawop inawnan rasul na sabap bay ku ngalaugan sagannap ma pitsayaꞌ niiya.

1 Korin 9:1

Kamasaꞌ, meꞌ aku tu disu jama ma mmeꞌ na ni Almasi, sumunsayaꞌ jaꞌ situ ku mangan oy-oy karomanan ku. Ndang tahati ku hāl meꞌ tuu batan aku disu rasul Almasi. Tandaꞌ aku rasul sabanna, mata ku mismu ma duwa bay ngita iya bay nammuhan aku. Sarī gi, danan bi lay na dari sukuꞌ Almasi sabapan sangsāꞌ ku du.

2 Korin 4:13

Yaꞌ kami jamu masaplag sabap pitsayaꞌ kami ni umanat ma bay hinalap ningkami. Ikut kami jaꞌ suwat njawom kitab, ilooy ma yuk Nabi Daud, “Pitsayaꞌ ku, ngkon ku bay mitsala.”

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

Galatiya 2:8

Batan tabista da du, yana meꞌ Tuhan nampulnaꞌ pabuwatan si Pitel magrasul ni siga Yahudi, meꞌ looy du meꞌ na nampulnaꞌ pabuwatan ku ni siga bangsa ma saꞌ Yahudi.

Epesus 3:5

Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Epesus 4:5

Maka kabanahan ma kinapitsayaan meꞌ tabi sibuꞌ du. Papuꞌ tabi pun disu du. Damikiyan, pandihan tabi pun disu du.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

2 Timuti 1:5

Niyaꞌ takupan ku hilas pangando nu ni Papuꞌ Isa. Pangando nu ina, sibuꞌ du hantang na ka pangando bboꞌ nu Daꞌ Lowis ka nneꞌ nu si Yunis. Tumatandaꞌ na niyaku meꞌ bay na sinaynan pangando da ni jataꞌ nu.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Yaꞌkub 1:1

Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

1 Pitel 1:1

Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

1 Pitel 1:7

Kamalasahiyan meꞌ looy ilay nuwayan pangando bi ni si Isa bong bana atawa niyaꞌ. Pangando bi ina meꞌ karuha mmas. Sugaꞌ saehe-ehe hagaꞌ mmas ma luu gi ngkoran na, mas mehe gi hagaꞌ pangando bi. Yana meꞌ mmas subay doꞌ bay pingkaꞌ njawom api man ngalakkahan sakot na mari porol maka hagaan, damikiyan, subay du kam lumingkaꞌ njawom kamalasahiyan mari tumatandaꞌ na porol pangando bi. Dari bong ina mintu bana-bana du pangando bi, mastiꞌ koleꞌ jaꞌ sina kam sanglit ka kabantugan mehe pag beleng si Isa Almasi.

1 Pitel 2:7

Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.