2 Korin 9:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon, kaam na mag-atas piki bong dangoy karomanan bi pinamuwan, boꞌ deanun bi na ni gasad bayaꞌ bi. Yaꞌ sina mahap bong kam muwan san kam yaꞌ doman atawa sabap meꞌ bi bay nilogos. Arapun subay hilas meꞌ tabi muwan, batan kasulutan sina Tuhan banahan ngita jama gāk muwan.

2 Korin 9:7 ပူးပေါင်းရင်းမြစ်များ

Salsila siga Rasul 20:35

Kon ku ilay bay makitahan kaam suntuan meꞌ looy supaya tabista bi ndang subay kitabi magtuyuꞌ buwat. Meꞌ looy ilay, luu na dapat bi nabang sagannap ma miskin atawa yaꞌ kagaos buwat. Intomun bi bay halling Papuꞌ Isa mismu, yuk na, ‘Mas mehe kagakan jama ma muwan man ilooy ma nambut.’ ”

Suwat si Pol pa mman Baanan Sukuꞌ si Isa ndooy ni Rom 12:8

Damikiyan, ma kaladjikian magamgaman atay jama, subay du pakutuꞌ na. Ma bay kaladjikian sīnan, subay yaꞌ tingot nulung siga pagkahi na ma sigpit. Bong luu bay kaladjikian alistu magpa-mmean, subay du ya tiggo magtakōk. Ma kaladjikian manimbang, subay du ya manimbang ni kagāk atay na nabangan jama.

2 Korin 8:12

Basta kam ina tinagi nulung, kasulutan jaꞌ sina Tuhan ni saraka bi, dangoy-dangoy jaꞌ takaya bi. Tuhan ina yaꞌ du nohoꞌ siga sukuꞌ na muwan san yaꞌ luu pangabut da.

Pilimun 1:14

Sugaꞌ yaꞌ baw tu siꞌ ku bay doman nohoꞌ iya tamban ntuu bong ko yaꞌ bay matugut. Bong ko doman nabangan aku subay ni kaayad nu maggasad bayaꞌ nulung. Daa jaꞌ paglogosan.

Yaꞌkub 5:9

Siga danganakan, daa kam mitsala pagkahi bi pa kalaatan taggahaꞌ kalabuan na baw kam mintu hukuman. Batan tapit na sina katakka Huwis looy ma Patingkat. Dari ko ngawon, luu na ya nangge ni poan lawang bi.

1 Pitel 4:9

Bong luu pagkahi bi sukuꞌ si Isa pahās pa lumaꞌ bi, hulmatun bi. Daa kam magdubdub.