2 Korin 9:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Binuwanan du sina kam meꞌ Tuhan jinisan supaat supaya wā kam katulung ni jama. Pag ina mintu pasampay kami tulung bi, meka na sina jama magsuku pa Tuhan sabapan bi.

2 Korin 9:11 ပူးပေါင်းရင်းမြစ်များ

Matiyu 20:15

yaꞌ kitu ku kapagbayaꞌ ka sīn ku? Marean ta dangkiꞌ ko sukat ku yaꞌ tingot muwanan jama sīn ku.’ ”

Matiyu 25:17

Damikiyan, ilooy ma bay inambanan duwampūꞌ libu, meꞌ looy du meꞌ na bay buwat sampay lay ya nguntung duwampūꞌ libu.

Suwat si Pol pa mman Baanan Sukuꞌ si Isa ndooy ni Rom 12:8

Damikiyan, ma kaladjikian magamgaman atay jama, subay du pakutuꞌ na. Ma bay kaladjikian sīnan, subay yaꞌ tingot nulung siga pagkahi na ma sigpit. Bong luu bay kaladjikian alistu magpa-mmean, subay du ya tiggo magtakōk. Ma kaladjikian manimbang, subay du ya manimbang ni kagāk atay na nabangan jama.

1 Korin 1:5

Man sabapan pagkatibuuk bi ka Almasi, lay na kam kaladjikian jinisan supaat. Sangkon luu na pangahati bi ni kabanahan. Maka pandoy na kam mahatiyan jama palman Tuhan,

2 Korin 1:11

Na kuwan kaam, bong ina kam makuhan kami na pin duwaa, tabang mehe sina ningkami. Boꞌ na, meka na du sina mintu jama muwan pagsukuhan pa Tuhan pag taaka da kinabbul na duwaa bi ningkami.

2 Korin 4:15

Dari san meka laug bay talingkaan kami, pa kaayaran du sina ningkaam. Boꞌ na, mangkin pasōng laug njataꞌ kami, mangkin pasōng ehe tabang Tuhan ningkami. Pag toklas na, meka na sina jama muwan pagsukuhan pa Tuhan, pamaehe kabantugan niiya.

2 Korin 8:16

Magsuku kami pa Tuhan batan lay ya muwanan si Taytus kainagon ngayaran kaam meꞌ karuha ningkami du.

2 Korin 8:19

Lay gi situ ya pineneꞌ meꞌ siga baanan sukuꞌ si Isa nohoꞌ mmeꞌ ningkami pag mintu taabut kami masampay tulung tabi pa Jerusalem. Kamura-murahan pinudji du mintu awon Papuꞌ sabapan tulung looy. Maka kamura-murahan tabista du meꞌ siga danganakan tabi ndooy ehe kainagon tabi nulung sila.

2 Korin 9:12

Dari duwa sina mintu kaayaran man sabapan tulung bi. Disu, kabuwan kam balanjaꞌ ni sukuꞌ Tuhan ma sigpit. Kaduwa na, inaa na poonan meka muwan pagsukuhan pa Tuhan.