2 Korin 8:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.

2 Korin 8:9 ပူးပေါင်းရင်းမြစ်များ

Matiyu 17:27

Sugaꞌ supaya yaꞌ maat atay da ningkita, mahambu ko pilay pa jawom danaw. Daying ma duhuꞌ takoleꞌ nu, bangaun behe na. Pag-anu, ngita sina ko njawom behe na pilak sukup man mayaran sukay ta sikaduwa. Kaddoun pilak looy, boꞌ deanun siga tukang maku sukay ni langga mehe.”

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Lukas 16:11

Bong ina kam yaꞌ magkanaalla ngantan altaꞌ junyaꞌ tuu, mastiꞌ yaꞌ du hinalap meꞌ Tuhan ningkaam altaꞌ sabanna man sulgaꞌ.

Lukas 8:3

Maka luu gi bay mmeꞌ si Jowanna, yana nda si Kusa ma tukang magmalim ni astanaꞌ Gubnul Herod. Maka luu gi si Susana sampay meka gi karandahan bay du mmeꞌ. Sila ilay bay nganggastusan si Isa ka ga mulit na ka sīn da dī da.

Lukas 9:58

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku itu, yana Anak Manusiyaꞌ, yaꞌ san luu lumaꞌ man ku tuli.”

Yahiya 1:10

Sūꞌ looy ilay yana Palman man Tuhan bay mapayak junyaꞌ. Salla na, san ya bay pitu pa junyaꞌ, yaꞌ san tasayu jama bong soy ya.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.

Yahiya 12:30

Yuk si Isa baw ninsila, “Suwara looy ilay bay pōꞌ, saꞌ du silay kalnaꞌ aku, arapun kalnaꞌ kaam.

Yahiya 16:15

Mimon ma luu ni Mmaꞌ ku, niyaku du. Sangkon mimon ma karomanan na pinalahil ni manusiyaꞌ, lay na hinalap niyaku. Boꞌ hinalap na baw meꞌ ku ni Rū Sutsiꞌ. Inaa sina kon ku bay māꞌ Rū Sutsiꞌ malahil ningkaam ilooy ma lakka man aku.”

Yahiya 17:19

Kalnaꞌ sila, paglillaꞌ ku na umu ku supaya dari sukuꞌ nu na sila mmeꞌ ni kabanahan.

Suwat si Pol pa mman Baanan Sukuꞌ si Isa ndooy ni Rom 11:12

Dari bong kabangsa-bangsahan ma saꞌ Yahudi bay koleꞌ supaat mehe sabapan dusa siga Yahudi yaꞌ pitsayaꞌ ni Almasi, labi na saꞌ mehe supaat taꞌ junyaꞌ bong mintu lay na siga Yahudi pitsayaꞌ.

Suwat si Pol pa mman Baanan Sukuꞌ si Isa ndooy ni Rom 15:3

Minsan Almasi mismu, yaꞌ du bay magpasannang nganduwan dī na, gam pin kalnaꞌ kitabi, lay gi ya bay natasan jinisan kabinsanaan. Boꞌ sikatuwaꞌ du ka suwat njawom kitab, ilooy ma yuk Almasi, “Ū Tuhan, bitsala pangka man jama madiyoꞌ kau, lay na labuꞌ pa jataꞌ ku.”

Suwat si Pol pa mman Baanan Sukuꞌ si Isa ndooy ni Rom 5:8

Boꞌ Tuhan ina, tandaꞌ ehe aseꞌ na ningkitabi, lay na ga bay pinaglillaꞌ meꞌ na Almasi pinapatoy kalnaꞌ kitabi jaman tabi masi gi baldusa.

Suwat si Pol pa mman Baanan Sukuꞌ si Isa ndooy ni Rom 8:32

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

1 Korin 1:4

Yaꞌ situ bakkat meꞌ ku magsuku pa Tuhan sabapan aseꞌ-tabang bay dean na kaam pagka tibuuk na kam ka si Isa Almasi.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Epesus 2:7

Kon ilay Tuhan bay buwat meꞌ looy supaya tabista meꞌ mimon angkat-angkatan ma pasunuꞌ bong pooy ehe aseꞌ na ka timbang na njataꞌ tabi.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

Yaꞌkub 2:5

Siga danganakan ku, kakasi ku, pakale doꞌ kam niyaku. Siga jama miskin ina subay du pinagmaltabatan batan sila bay pineneꞌ meꞌ Tuhan ngantanan pangando basag niiya. Boꞌ na, tabeꞌ du sina sila ni mimon kaayaran pamarinta Tuhan ma bay njanjiꞌ meꞌ na ni sikamimon ma maaseꞌ niiya.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 21:7

Na sagannap ma kanaalla mmeꞌ niyaku tanne-pasuꞌ, pusakahan ku ka ilooy mimon ma bay sabbut ku siꞌ. Aku na Tuhan da maka anak ku na sila.

Siga Pakaradjaan bay Pinalahil 3:18

Sangkon sohoꞌ ta na kam malli niyaku mmas porol ma bay na llakkahan sakot na ka api supaya kam dayahan na ni mata Tuhan. Maka malli na kam pamakoy poteꞌ niyaku mari katambunan na kaiyaan bi nantang. Maka malli na kam niyaku uliꞌ man bi muusan mata bi mari kam ngita.